Aseswr Dysgu yn y Gweithle – Iechyd a Gofal Cymdeithasol - Oedolion

Golyga'r swydd hon fod yn gyfrifol am recriwtio, cadw a rheoli llwyth achosion safonol o ddysgwyr sydd wedi dewis cofrestru ar gymwysterau Dysgu yn y Gweithle Iechyd a gofal cymdeithasol.

Mae'r Asesydd yn gyfrifol am ddarparu hyfforddiant, asesu, a sicrhau ansawdd gwaith y dysgwyr. Bydd yr asesydd yn goruchwylio dealltwriaeth a chymhwysedd ymarferol y dysgwyr yn y gweithle.

Gallai enghreifftiau o hyn gynnwys – mewn cartrefi preswyl i’r henoed, Unigolion ag anableddau dysgu/Awtistiaeth/iechyd meddwl. Lleoliadau byw ar y cyd i oedolion, gwaith cymorth cymunedol i oedolion, gofal sylfaenol, practis cyffredinol ac amgylcheddau clinigol y GIG.

Bydd disgwyl i'r asesydd recriwtio dysgwyr a darparu amrywiaeth o gymwysterau Dysgu yn y Gweithle Iechyd a gofal cymdeithasol.

O ddydd i ddydd bydd y swydd yn golygu cyfarfod â dysgwyr a chyflogwyr mewn lleoliadau gwaith gwahanol. Ar y cyfan, bydd hyn yn digwydd yn ddigidol ond bydd peth teithio'n ddisgwyliedig, gan weithio'n annibynnol i sicrhau cydymffurfiaeth â gofynion cymwysterau. Bydd gofyn i'r asesydd feddu ar y sgiliau i gynllunio ymweliadau mewn modd rhesymegol o ran cyfyngu ar deithio a gwneud y defnydd gorau o amser. Yn ogystal, bydd yn darparu adnoddau a chefnogaeth i fodloni anghenion unigol pob dysgwr yn ei ddewis iaith.

Bydd yr asesydd yn cynrychioli tîm aseswyr Busnes a Digidol busnes@gllm a bydd disgwyl iddo hyrwyddo'r cyrsiau a gynigir er mwyn annog dysgwyr i gofrestru arnynt. Byddai'r gallu i addysgu grwpiau bach mewn sesiynau gweithdy ym maes gwasanaethau i gwsmeriaid, y cyfryngau cymdeithasol a marchnata digidol yn fanteisiol, fodd bynnag, gwneir y rhan fwyaf o'r cyflawni yn y maes hwn ar sail 1-1