Cymhwyster Estynedig Lefel 3 BTEC (RQF) mewn…

Manylion Allweddol

Ar gael yn:
Llangefni
Dull astudio:
Llawn amser
Hyd:
2 flynedd.

Cymhwyster Estynedig Lefel 3 BTEC (RQF) mewn Peirianneg Awyrennau

Llawn Amser (Addysg Bellach)

Llangefni

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Ar y cwrs hwn, cewch feithrin y sgiliau rhagarweiniol a'r wybodaeth dechnegol a fydd yn eich paratoi i weithio mewn amrywiaeth o swyddi ym maes peirianneg awyrennau, yn y diwydiant Gwasanaethu Awyrennau a'r diwydiant Cynnal a Chadw.

Mae'r hyfforddiant technegol yn cael ei ddarparu yn y coleg yn llawn amser dros ddwy flynedd. Mae hyn yn cynnwys profiad gwaith mewn gweithdai peirianneg a lleoliadau diwydiannol.

Mae'r cwrs yn gymysgedd o theori ac elfennau ymarferol (70/30) sy'n gysylltiedig â gwaith, a byddwch yn dysgu drwy gwblhau prosiectau ac aseiniadau a seiliwyd ar sefyllfaoedd gwaith realistig. Mae cyflogwyr a phrifysgolion yn rhoi gwerth ar y cymhwyster hwn, a bydd yn eich paratoi ar gyfer gwneud cynnydd yn y gweithle a dilyniant addysgol i Addysg Uwch. Mae'r cwrs hwn yn cyflwyno cymwysterau a gydnabyddir gan y diwydiant sydd wedi'u cynllunio i gwmpasu'r sgiliau a'r wybodaeth sylfaenol sy'n gysylltiedig ag arferion peirianyddol. Os ydych yn awyddus i fod yn Beiriannydd ym maes Awyrennau ac yn meddu ar y gofynion mynediad perthnasol, yna mae'r cwrs yn addas i chi.

Ar ddiwedd y flwyddyn gyntaf byddwch yn ennill Diploma Sylfaen BTEC (1.5 Lefel A) mewn Peirianneg a chymhwyster NVQ Lefel 2 mewn Perfformio Gweithrediadau Peirianneg. Bydd gofyn i chi hefyd gwblhau 150 o Brofiad Gwaith mewn Diwydiant, fel arfer am ddiwrnod yr wythnos drwy gydol y flwyddyn.

Ar ddiwedd yr ail flwyddyn byddwch yn ennill Diploma Estynedig BTEC (3 x Lefel A) mewn Peirianneg Awyrennau.

Gofynion mynediad

I gael lle ar y cwrs hwn, byddwch angen o leiaf un o'r canlynol:

5 TGAU gradd A*- C gan gynnwys Saesneg neu Gymraeg Iaith Gyntaf a Mathemateg neu Rifedd a phwnc Gwyddoniaeth. Yn ddelfrydol Gradd B mewn Mathemateg (Haen Uwch)
Wedi cwblhau'r cwrs Peirianneg Lefel 2

Mae'r broses ymgeisio'n cynnwys cyfweliad.

Cyflwyniad

Cyflwynir y rhaglen drwy gyfuniad o’r dulliau a ganlyn:

Sesiynau ymarferol yn y gweithdy
Sesiynau yn y dosbarth
Gwaith â phwyslais ar y myfyriwr
Arddangosiadau
Trafodaethau
Tiwtorialau
Amgylchedd dysgu rhithwir
Bydd yn rhaid i chi gwblhau 150 awr o brofiad gwaith.

Bydd eich rhaglen yn cynnwys cyfuniad o:

Cymwysterau Sgiliau Hanfodol a/neu
Ail-sefyll TGAU

Bydd eich rhaglen yn cynnwys cyfuniad o:

Cymwysterau Sgiliau Hanfodol a/neu
Ailsefyll TGAU a/neu
Bagloriaeth Cymru

Bagloriaeth Cymru

Mae Bagloriaeth Cymru'n gymhwyster gwerthfawr a astudir yn aml ochr yn ochr â chwrs llawn amser.

Caiff y cymhwyster, sy'n werth hyd at 120 pwynt UCAS, ei raddio A*–E a bydd yn rhoi i chi sgiliau personol a sgiliau busnes trosglwyddadwy. Mae prifysgolion a chyflogwyr yn ei ystyried yn gymhwyster gwerthfawr.

Yn rhan o'r cymhwyster, byddwch yn dysgu am Ddinasyddiaeth Fyd-eang, Mentergarwch a Chyflogadwyedd, yn cymryd rhan mewn gweithgareddau ymgysylltu â'r gymuned ac yn mynd ar brofiad gwaith.

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.

Asesiad

Bydd y rhaglen yn cael ei hasesu drwy gyfuniad o’r canlynol:

Asesiadau/aseiniadau ymarferol ac ysgrifenedig
Cyflwyniadau ac arddangosiadau
Portffolios o waith
Perfformiad ac arsylwi
Arddangos sgiliau ymarferol
Arholiad ar-lein

Dilyniant

Ar ôl cwblhau'r cwrs hwn yn llwyddiannus, bydd gennych nifer o ddewisiadau o ran beth i'w wneud nesaf gan gynnwys:

Cwblhau blwyddyn atodol er mwyn ennill Diploma Estynedig (yn cyfateb i 3 gradd Safon Uwch)
Prentisiaeth Lefel 3 mewn Peirianneg Awyrofod
Prentisiaethau
Prentisiaethau Uwch
Prentisiaethau Gradd
Mynd i'r Brifysgol