Lefel AS/A Astudiaethau Crefyddol
Manylion Allweddol
- Ar gael yn:Llandrillo-yn-Rhos, Pwllheli, Dolgellau
- Dull astudio:Llawn amser
- Hyd:
1-2 flynedd
Lefel AS/A Astudiaethau CrefyddolLlawn Amser (Addysg Bellach)
Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.
Disgrifiad o'r Cwrs
Hoffech chi ddeall rhagor am grefydd, moeseg ac athroniaeth? Mae'r cwrs hwn yn addas ar gyfer amrediad eang o fyfyrwyr sydd am astudio'r meysydd hyn, gan fynd i'r afael â materion personol, moesol, moesegol a chyfoes yr un pryd. Bydd yn eich paratoi ar gyfer byd gwaith ac ar gyfer Addysg Uwch, gan roi i chi wybodaeth fanwl yn ogystal â sgiliau eang o ran meddwl yn feirniadol a rhesymu.
Mae'r cwrs yn cynnig fframwaith ar gyfer ystyried amrywiaeth o bynciau, yn cynnwys y berthynas rhwng crefydd a diwylliant, yn ogystal â gwerthoedd moesol unigolion, cymunedau ffydd a chymdeithasau.
Byddwch hefyd yn dysgu sgiliau fel rhesymu ynghylch materion sy'n gysylltiedig â gwerthoedd, agweddau a gweithredoedd, yn ogystal â dod i gasgliadau cyfrifol ynghylch damcaniaethau a materion moesol.
UG Uned 1 - Cyflwyniad i Astudiaeth o Grefydd
Cristnogaeth, crefydd swyddogol y Deyrnas Unedig, fydd yn cael ei astudio yma. Byddwch yn dysgu am rai o hanfodion y ffydd ac yn datblygu nid yn unig eich dealltwriaeth ond eich meddwl critigol yn ogystal wrth ymdrin â natur Duw, awdurdod Y Beibl a hunaniaeth grefyddol ag ati.
UG Uned 2 - (Rhan A)
Cyflwyniad i Grefydd a Moeseg - sut dylid ymdrin â dilemâu moesol yw prif nodwedd yr uned yma wrth i dair damcaniaeth foesegol gael eu hastudio - dyma syniadau gwahanol ar sut i wneud penderfyniad moesol. Cymhwysir y damcaniaethau i faterion sy'n ein hwynebu pob dydd e.e. Ystyrir os yw erthylu, ewthanasia, rhyw tu allan i briodas, arfau niwclear ac arbrofi ar anifeiliaid yn iawn neu ddim. Rhoddir sylw yn arbennig i'r modd caiff y materion hyn eu gweld gan Gristnogion.
UG Uned 2 - (Rhan B)
Cyflwyniad i Athroniaeth Crefydd - A yw Duw yn bodoli? Pam fod drygioni yn y byd? Dyma'r math o gwestiynau sy'n cael eu gofyn yma. Byddwch yn ogystal yn cael y cyfle i ystyried dilysrwydd profiadau crefyddol fel troedigaeth a gweledigaethau.
U2 Uned 3 - Astudiaeth o Grefydd
Byddwch yn parhau yma i astudio Cristnogaeth i fwy o ddyfnder gan gynnwys ymdriniaeth o'r Beibl fel Gair Duw ac Iesu Grist fel y gwir Feseia. Byddwch yn ystyried gwerth oesol i bethau hanesyddol - ai dyn yn perthyn i'w gyfnod yn unig oedd Iesu?
U2 Uned 4 - Crefydd a Moeseg
Byddwch yn parhau yma i astudio Crefydd a Moeseg i fwy o ddyfnder gan gynnwys astudiaeth o amrywiol ddamcaniaethau moesegol, cymhwyso i faterion fel mudo a'r gosb eithaf ac yn ymdrin â chwestiwn ewyllys rydd.
U2 Uned 5 - Athroniaeth Crefydd
A oes y fath beth a gwyrthiau? Ai niwrosis yw cred grefyddol?
Parhau i ofyn y math yma o gwestiynau a wneir yma. Byddwch yn cael cyfle i fynd i'r afael ag iaith grefyddol ac ystyried dadleuon anffyddwyr yn erbyn cred grefyddol.
Gofynion mynediad
Wyt ti'n bwriadu gwneud cais i ddilyn cwrs Lefel A? Dewisa 'Gwneud Cais' ar gyfer unrhyw un o'r pynciau mae gen ti ddiddordeb yn ei astudio. Gelli nodi dy ddau bwnc Lefel A arall wrth wneud y cais ar-lein.
I gael lle ar y cwrs hwn byddwch angen:
- 6 TGAU gradd C neu uwch, yn cynnwys Saesneg neu Gymraeg Iaith Gyntaf
- TGAU gradd B mewn Astudiaethau Crefyddol. Os na astudiwyd Astudiaethau Crefyddol ar lefel TGAU, yna bydd angen TGAU gradd B mewn Saesneg neu Gymraeg Iaith Gyntaf
Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.
Mae dilyniant i Lefel A yn ddibynnol ar eich perfformiad yn eich arholiadau AS.
Cyflwyniad
Cyflwynir y cwrs drwy gyfuniad o'r canlynol:
- Dysgu yn y dosbarth
- Darlithoedd
- Cyflwyniadau
- Gwaith grŵp
- Ymchwil
Bydd eich rhaglen yn cynnwys cyfuniad o:
- Cymwysterau Sgiliau Hanfodol a/neu
- Ailsefyll TGAU a/neu
- Bagloriaeth Cymru
Bagloriaeth Cymru
Mae Bagloriaeth Cymru'n gymhwyster gwerthfawr a astudir yn aml ochr yn ochr â chwrs llawn amser.
Caiff y cymhwyster, sy'n werth hyd at 120 pwynt UCAS, ei raddio A*–E a bydd yn rhoi i chi sgiliau personol a sgiliau busnes trosglwyddadwy. Mae prifysgolion a chyflogwyr yn ei ystyried yn gymhwyster gwerthfawr.
Yn rhan o'r cymhwyster, byddwch yn dysgu am Ddinasyddiaeth Fyd-eang, Mentergarwch a Chyflogadwyedd, yn cymryd rhan mewn gweithgareddau ymgysylltu â'r gymuned ac yn mynd ar brofiad gwaith.
Sgiliau Hanfodol
Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.
Ailsefyll TGAU
Gall hyn gynnwys TGAU Rhifedd/Mathemateg a/neu Gymraeg/Saesneg.
Mathemateg a Chymraeg/Saesneg
Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.
Asesiad
Mae'r rhaglen yn seiliedig ar arholiad a chaiff ei hasesu drwy gyfuniad o'r canlynol:
- Aseiniadau
- Asesiadau dan reolaeth
- Cyflwyniadau
Dilyniant
Beth bynnag a gewch, Lefel A lawn neu Lefel AS, bydd gennych gymhwyster gwerthfawr a fydd o gymorth i chi fynd yn eich blaen. Byddwch yn cael pwyntiau UCAS a gallwch wneud cais am amrywiaeth o gyrsiau Addysg Uwch mewn llawer o sefydliadau.
Ymhlith y cyrsiau gradd y gallwch wneud cais iw dilyn mae Astudiaethau Crefyddol, Athroniaeth a Diwinyddiaeth, a llawer mwy. Ystyrir Astudiaethau Crefyddol yn bwnc traddodiadol, ac felly mae gan brifysgolion feddwl uchel ohono.
Maer cwrs hefyd yn eich paratoi ar gyfer amrywiaeth o yrfaoedd y gallwch eu dilyn ar unwaith neu ar l cyfnod mewn Addysg Uwch.
Mae Astudiaethau Crefyddol yn addas ar gyfer amryw o alwedigaethau, yn cynnwys swyddi ym maes gwaith datblygu, gwaith yn y gymuned a gofal cymdeithasol. Ar ben hynny, bydd y sgiliau a ddysgir ar y cwrs yn arbennig o werthfawr mewn amrywiol feysydd fel y gyfraith, newyddiaduraeth a gwleidyddiaeth ac ar gwrs hyfforddi athrawon.
Mwy o wybodaeth
Math o gwrs: Llawn Amser (Addysg Bellach)
Lefel:
3
Dwyieithog:
Mae'r rhaglen yma ar gael yn ddwyieithog yn y campws/campysau canlynol:
- Dolgellau
- Pwllheli