Therapi Harddwch Lefel 1/2
Manylion Allweddol
- Ar gael yn:Y Rhyl
- Dull astudio:Llawn amser
- Hyd:
1 flwyddyn
Therapi Harddwch Lefel 1/2Llawn Amser (Addysg Bellach)
Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.
Disgrifiad o'r Cwrs
- Oes gennych chi ddiddordeb mewn gweithio yn y diwydiant harddwch?
- Hoffech chi gael cyfle i feithrin amrywiaeth o sgiliau proffesiynol yn y maes hwn?
Os ateboch yn gadarnhaol i'r ddau gwestiwn uchod, yna gallai'r cwrs hwn fod yn llwybr delfrydol i chi gyrraedd y nod.
Bydd y cymhwyster hwn yn eich galluogi i wella golwg y dwylo a’r traed gyda thechnegau a thriniaethau ewinedd. Byddwch hefyd yn dysgu sut i roi triniaethau tylino pen, triniaethau glanhau, tynhau a lleithio, a byddwch yn dysgu sut i roi cyngor ar ofal croen a defnyddio colur. Byddwch hefyd yn dysgu sgiliau ymdrin ag elfennau artistig a chreadigol ar y cwrs; fel celf ewinedd, paentio wynebau thematig a cholur ffotograffig.
Byddwch yn datblygu gwybodaeth gadarn o arferion iechyd a diogelwch ac yn datblygu gwybodaeth greiddiol am ddyletswyddau derbynfa salon, arddangosfeydd manwerthu a gweithio gydag eraill.
Trwy gydol y cwrs hwn byddwch yn datblygu eich gwybodaeth a'ch dealltwriaeth o anatomeg a ffisioleg berthnasol, iechyd a diogelwch, gofal cleientiaid a chynhyrchion ac offer harddwch cosmetig. Byddwch hefyd yn datblygu ystod o sgiliau technegol fydd yn eich galluogi i ddarparu amrywiaeth o driniaethau gan ddefnyddio gwahanol dechnegau, gan gynnwys datblygu sgiliau rhyngbersonol a fydd yn eich cynorthwyo i gyfathrebu'n effeithiol â chleientiaid.
Bydd rhan gyntaf y rhaglen yn rhedeg o fis Medi hyd at hanner tymor mis Chwefror, gyda’r nod o gyflawni Diploma Lefel 1 VTCT mewn Therapi Harddwch.
- O fewn hwn byddwch yn ymdrin â'r pynciau canlynol
- Dilyn rheolau iechyd a diogelwch yn y salon
- Cyflwyniad i’r sector gwallt a harddwch
- Darparu triniaethau i'r ewinedd
- Darparu triniaethau i'r traed
- Dyletswyddau derbynfa Salon
- Gofalu am groen yr wyneb
- Y grefft o goluro ffotograffig
- Paentio wyneb thematig
- Gweithio gydag eraill yn y sector harddwch
- Rhoi colur
- Creu delwedd gwallt a harddwch
- Defnyddio celf ewinedd
- Cyfleu delwedd broffesiynol mewn salon.
Bydd ail ran y rhaglen yn rhedeg o fis Chwefror gan anelu i orffen erbyn diwedd Mehefin, gyda’r nod o gyflawni'r canlynol:
- Dyfarniad NVQ Lefel 2 VTCT mewn triniaethau Aeliau a Blew'r Amrannau
- Dyfarniad Lefel 2 VTCT mewn Technegau Farnis Gel
- Dyfarniad NVQ Lefel 2 VTCT mewn Colur
Bydd eich rhaglen yn cynnwys cyfuniad o:
- Gymwysterau Sgiliau Hanfodol a/neu
- Ailsefyll arholiadau TGAU
Gall hyn gynnwys cyfuniad o gymwysterau Cymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol. Efallai y bydd cyfle hefyd i ailsefyll TGAU Rhifedd/Mathemateg a/neu Iaith Gymraeg/Saesneg.
Ar ôl cwblhau'r Diploma lefel 1 a'r unedau lefel 2, bydd gennych y dewis i ddatblygu eich sgiliau mewn llwybr arbenigol trwy ymgymryd ag astudiaethau pellach ar lefel 2, neu i chwilio am waith. Gall cael gwaith roi rhagor o gyfleoedd i chi ennill sgiliau a chymwysterau wrth weithio yn y diwydiant.
I’r rhai sy’n ystyried hunangyflogaeth yn y dyfodol, rydym hefyd yn cynnig y cyfle i ymuno â’r gweithdai canlynol drwy gydol y flwyddyn.
- Gweithdy Menter
- Gweithdy Materion Ariannol
Byddwch yn gweithio â Thiwtor Personol a fydd yn eich helpu i drefnu'ch astudiaethau ac yn eich cyfarfod o leiaf unwaith yr wythnos.
Gofynion mynediad
I gael lle ar y cwrs hwn, byddwch angen parodrwydd i ddysgu, mae hunan-gymhelliant a sgiliau trefnu da yn angenrheidiol, yn ogystal ag o leiaf un o'r canlynol:
- 2 TGAU gradd D neu uwch
- Bydd disgwyl i chi ddangos eich ymrwymiad i ddysgu trwy gyflawni'ch graddau targed yn eich arholiadau TGAU a chael presenoldeb da ym mlwyddyn 11.
- Cwblhau'n llwyddiannus un o’r rhaglenni hyn: Hyfforddeiaeth, Cyn-alwedigaethol, Llwybrau Dysgu neu Gyswllt Ysgolion
- Profiad perthnasol mewn diwydiant
Os nad ydych yn siŵr a ydych yn bodloni'r gofynion mynediad, neu os hoffech drafod y gofynion mynediad hyn ymhellach, cysylltwch â'r gwasanaethau cymorth dysgu un ai'n uniongyrchol neu trwy'r cyfleuster sgwrsio. Bydd staff y gwasanaethau i ddysgwyr yn gallu trafod eich proffil gyda chi a rhoi cyngor ar y cyrsiau sydd ar gael.
Rydym yn argymell bod gennych liniadur neu lyfr Chrome y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un. Cysylltwch â'r tîm Gwasanaethau i Ddysgwyr am ragor o wybodaeth.
Mae'r broses ymgeisio'n cynnwys cyfweliad gyda'r Tiwtor Personol fydd yn rhoi cyfle i chi drafod y cwrs ymhellach.
Cyflwyniad
Cyflwynir y cwrs drwy gyfuniad o’r dulliau a ganlyn:
- Gwersi Ymarferol
- Sesiynau Theori
- Gweithdai
- Hyfforddiant mewn Salon Fasnachol
- Google classroom (amgylchedd dysgu rhithwir)
Asesiad
Ar gyfer y cymwysterau yma, mae gofyn i chi gynhyrchu portffolio tystiolaeth. Bydd y portffolio'n cadarnhau'r wybodaeth, y ddealltwriaeth a'r sgiliau yr ydych wedi'u dysgu. Gall hyn gynnwys amrywiaeth o'r canlynol:
- Gwaith a arsylwyd
- Datganiadau gan dystion
- Cyfryngau clyweledol
- Tystiolaeth o ddysgu neu gyrhaeddiad blaenorol - cwestiynau ysgrifenedig
- Cwestiynau llafar
- Aseiniadau
- Astudiaethau achos
- Arholiadau ar-lein
Dilyniant
Ar ôl cwblhau'r cwrs yn llwyddiannus, bydd gennych gymhwyster a set o sgiliau gwerthfawr a fydd yn help i chi fynd ymlaen i swydd neu i barhau â'ch addysg.
Gallech fynd ymlaen i ddilyn nifer o gyrsiau yng Ngrŵp Llandrillo Menai, gan gynnwys:
- Therapi Harddwch Lefel 2
- Prentisiaeth Sylfaen Lefel 2 mewn Therapi Harddwch
Mwy o wybodaeth
Math o gwrs: Llawn Amser (Addysg Bellach)
Lefel:
1+2
Dwyieithog:
Mae mwyafrif y deunyddiau dysgu yn ddwyieithog ac mae cyfleoedd i chi ddatblygu eich sgiliau Cymraeg wrth gwblhau'r cwrs hwn.