Tystysgrif mewn Marchnata Digidol Broffesiynol - Lefel 4 (Cwrs Dysgu o Bell/Ar-lein dan arweiniad)

Byddwch yn gweithio fel swyddog marchnata iau mewn sefydliad neu swyddog marchnata mewn Busnes Bach a Chanolig

Erbyn diwedd y modiwl hwn byddwch yn gallu:

• Deall sut i ddefnyddio adnoddau a thechnegau marchnata digidol
• Asesu gwahanol gymwysiadau marchnata digidol
• Deall sut i integreiddio marchnata digidol a marchnata all-lein
• Deall sut i gynyddu ymgysylltiad y rhanddeiliaid

• Deall sut i ddatblygu cynllun marchnata digidol
• Defnyddio ac addasu dadansoddiadau marchnata digidol

Beth fyddwch yn dysgu:

Rydym yn cynnig y modiwlau canlynol:

Marchnata Cymhwysol - Byddwch yn edrych ar yr amgylchedd marchnata, ymddygiad cwsmeriaid yn yr oes ddigidol, ymchwil marchnad a'r broses o gynllunio gwaith marchnata. Bydd hyn yn cynnwys y cymysgedd marchnata a fframwaith cynllunio tactegol i helpu i wneud y marchnata'n fwy effeithiol.

Cynllunio Ymgyrchoedd - Yn y modiwl hwn byddwch yn meithrin sgiliau a gwybodaeth i roi ymgyrchoedd llwyddiannus ar waith a fydd yn cael effaith gadarnhaol ar eich sefydliad. Byddwch yn dysgu'r broses o ran cynllunio ymgyrchoedd yn cynnwys sut i ddadansoddi safle cyfredol unrhyw sefydliad. Byddwch hefyd yn dysgu sut i bennu amcanion ymgyrch, rhoi ymgyrch ar waith ac yna mesur a gwerthuso'i llwyddiant er mwyn sicrhau gwelliant parhaus ym maes cyfnewidiol marchnata.

Technegau Marchnata Digidol- Mae'r modiwl hwn yn canolbwyntio ar bwysigrwydd y tirlun digidol. Byddwch yn meithrin sgiliau i allu gwella perfformiad o ran marchnata digidol ac yn edrych ar yr heriau a'r cyfleoedd sy'n bodoli yn yr amgylchedd digidol. Byddwch hefyd yn defnyddio ystod o adnoddau i gynllunio sut i wella effeithiolrwydd sefydliad mewn oes ddigidol.