Diploma NVQ Lefel 3 City & Guilds mewn Coginio Proffesiynol (Paratoi a Choginio)

Manylion Allweddol

  • Ar gael yn:
    Bangor
  • Dull astudio:
    Llawn amser
  • Hyd:

    1 flwyddyn

Gwnewch gais
×

Diploma NVQ Lefel 3 City & Guilds mewn Coginio Proffesiynol (Paratoi a Choginio)

Llawn Amser (Addysg Bellach)

Bangor
Apply now

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Os oes gennych chi ddiddordeb mewn bwyd ac awydd i weithio yn un o ddiwydiannau mwyaf cyffrous y byd, efallai mai dyma'r cwrs i chi gael ehangu eich sgiliau a'ch gwybodaeth. Mae'r swyddi sydd ar gael yn y diwydiant yn amrywio o gogyddion cyffredinol i gogyddion sous a phrif gogyddion, i enwi dim ond rhai.

Gofynion mynediad

I gael lle ar y cwrs hwn, byddwch angen o leiaf un o'r canlynol:

  • Cymhwyster Lefel 2 perthnasol
  • Sgiliau Hanfodol Cymru Lefel 2 mewn Cyfathrebu a Chymhwyso Rhif
  • Profiad perthnasol mewn diwydiant

Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.

Cyflwyniad

Cyflwynir y rhaglen drwy gyfuniad o’r dulliau a ganlyn:

  • Darlithoedd
  • Sesiynau trafod a dosbarthiadau tiwtorial
  • Gwaith grŵp
  • Profiad gwaith
  • Ymweliadau â diwydiant

Bydd eich rhaglen yn cynnwys cyfuniad o:

  • Cymwysterau Sgiliau Hanfodol
  • Unedau Agored

Bydd eich rhaglen yn cynnwys cyfuniad o:

  • Cymwysterau Sgiliau Hanfodol a/neu
  • Ailsefyll TGAU a/neu
  • Bagloriaeth Cymru
Bagloriaeth Cymru

Mae Bagloriaeth Cymru'n gymhwyster gwerthfawr a astudir yn aml ochr yn ochr â chwrs llawn amser.

Caiff y cymhwyster, sy'n werth hyd at 120 pwynt UCAS, ei raddio A*–E a bydd yn rhoi i chi sgiliau personol a sgiliau busnes trosglwyddadwy. Mae prifysgolion a chyflogwyr yn ei ystyried yn gymhwyster gwerthfawr.

Yn rhan o'r cymhwyster, byddwch yn dysgu am Ddinasyddiaeth Fyd-eang, Mentergarwch a Chyflogadwyedd, yn cymryd rhan mewn gweithgareddau ymgysylltu â'r gymuned ac yn mynd ar brofiad gwaith.

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.

Asesiad

  • Asesiadau ymarferol
  • Gwaith portffolio
  • Profiad o'r diwydiant

Dilyniant

Bydd cwblhau'r cwrs hwn yn rhoi dewisiadau amrywiol i chi o ran addysg a chyflogaeth.

Byddwch wedi meithrin sgiliau uwch a dysgu am safonau'r diwydiant, gan ei gwneud yn bosibl i chi weithio tuag at yrfaoedd amrywiol yn syth ar ôl i chi gwblhau'r cwrs.

Mwy o wybodaeth

Math o gwrs: Llawn Amser (Addysg Bellach), Rhan amser

Lefel: 3

Mae'r cwrs i'w gael yn ddwyieithog ar y campysau/lleoliadau canlynol :

  • Bangor