Prentisiaeth Uwch - Adeiladu/Rheoli Safle Peirianneg Sifil

Mae’r Brentisiaeth Lefel Uwch mewn Goruchwylio Safle Adeiladu/Peirianneg Sifil (Adeiladu) – Lefel 4 (HNC) wedi’i datblygu i ddiwallu anghenion y sectorau canlynol, Peirianneg Adeiladu a Sifil, Atgyweirio Priffyrdd a Chynnal a Chadw, Datblygiad Preswyl, Cadwraeth, Dymchwel a Thwnelu. Mae'r ystod eang hon o feysydd galwedigaethol wedi'u cynllunio i asesu cymhwysedd galwedigaethol yn y gweithle a dangos gwybodaeth a dealltwriaeth trwy'r dystysgrif dechnegol, ar gyfer ymgeiswyr sydd â phrofiad blaenorol priodol o waith yn y sectorau a nodwyd.

Bydd y Brentisiaeth Lefel 4 Uwch yn mynd i’r afael â’r canlynol:

• Darparu dilyniant o Oruchwyliaeth Gwaith Galwedigaethol
• Darparu dilyniant i Lefel 5 ac uwch
• Caniatáu mynediad i raglenni gradd
• Cynorthwyo i gadw a darparu llwybr ar gyfer gweithwyr profiadol
• Gwella sgiliau goruchwylio, rheoli ac arwain

Cyflwynir y dystysgrif dechnegol hon ar dir y coleg un diwrnod yr wythnos, ochr yn ochr â sesiynau arweiniad ac adolygu ar gyfer casglu tystiolaeth yn y gwaith sydd ei hangen i gwblhau'r CGC.

Cyflwynir y dystiolaeth hon i lwyfan ar-lein sy'n galluogi mynediad cyson i'r portffolio a ffordd gyfannol o reoli'r meini prawf. Mae cynlluniau dysgu unigol yn rhoi cyfeiriad clir i bob prentis o ran eu cynnydd gydag adolygiadau rheolaidd yn rhoi cyfle i gyflogwyr fonitro eu buddsoddiad.