Prentisiaeth Uwch - Treftadaeth… | Busnes@LlandrilloMenai

Manylion Allweddol

Ar gael yn:
Dysgu seiliedig ar waith
Dull astudio:
Rhan amser
Hyd:
12 mis

Prentisiaeth Uwch - Treftadaeth Ddiwylliannol Lefel 5

Prentisiethau

Dewch i gysylltiad am ragor o wybodaeth am sut i wneud cais am y cwrs hwn.

Disgrifiad o'r Cwrs

Mae'r brentisiaeth lefel uwch (lefel 5) hon wedi'i chynllunio gyda chymorth cyflogwyr er mwyn creu llwybr mynediad a dilyniant anraddedig i reoli ym maes treftadaeth ddiwylliannol. Nod y brentisiaeth yw cynnig dewis amgen i'r llwybrau Addysg Uwch traddodiadol i mewn i'r sector.

Mae’r sector treftadaeth ddiwylliannol yn cynnwys llawer o feysydd gwaith cydgysylltiedig a chyfunol, gan dorri ar draws meysydd fel Llyfrgelloedd, Amgueddfeydd, Archifau, y diwydiannau creadigol a gwasanaethau twristiaeth yn y Deyrnas Unedig. Mae Treftadaeth Ddiwylliannol a’r amgylchedd hanesyddol yn rhan annatod o gyfansoddiad economi Cymru.

Gofynion mynediad

Unrhyw gymhwyster Lefel 3 a'r gallu i weithio ar lefel Addysg Uwch.

Mae pob lle'n amodol ar gyfweliad boddhaol.

Cyflwyniad

Cyflwynir y cymhwyster yn y gweithle gydag asesydd dros gyfnod o 18 mis. Caiff ei asesu drwy e-bortffolio.

Mae'r unedau a gynigir yn cynnwys:

Unedau gorfodol (rhaid cwblhau pob un)

Gofalu am gasgliadau
Mynediad i a dealltwriaeth am gasgliadau mewn sefydliadau treftadaeth ddiwylliannol
Treftadaeth Ddiwylliannol – Rheoli Casgliadau
Bodloni anghenion defnyddwyr sefydliadau diwylliannol

Unedau dewisol (rhaid cwblhau un)

Cynllunio busnes ar gyfer treftadaeth ddiwylliannol
Rheoli safleoedd a diogelwch mewn lleoliadau treftadaeth ddiwylliannol
Sgiliau arwain a rheoli'r gweithlu mewn sefydliad treftadaeth ddiwylliannol
Cynhyrchu incwm mewn sefydliad treftadaeth ddiwylliannol

Mae’r fframwaith prentisiaeth hefyd yn cynnwys sgiliau hanfodol mewn Cymhwyso Rhif a Chyfathrebu ar gyfer y rhai nad oes ganddynt y cymhwyster dirprwy perthnasol. Bydd y Sgiliau Hanfodol yn cael eu cyflwyno ar-lein a bydd angen dod i'r coleg i sefyll y profion. Mae'r hyd yn amrywio yn ôl yr unigolyn.