Llwybr i Iechyd a Gofal

Manylion Allweddol

Ar gael yn:
Llangefni, Llandrillo-yn-Rhos, Y Rhyl
Dull astudio:
Llawn amser
Hyd:
1 flwyddyn

Gwnewch gais

Llwybr i Iechyd a Gofal

Llawn Amser (Addysg Bellach)

Llangefni

Apply now

Llandrillo-yn-Rhos

Apply now

Y Rhyl

Apply now

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Oes gennych chi ddiddordeb mewn gweithio yn y sector Iechyd a Gofal? Hoffech chi gael gyrfa'n gweithio mewn cartrefi gofal, ysbytai, meithrinfeydd neu leoliadau gofal eraill? Ar y rhaglen hon, cewch astudio a dysgu sgiliau yn y pynciau a ganlyn:

Cyflwyniad i sgiliau magu plant
Ymwybyddiaeth o fagu plant
Agweddau a gwerthoedd ar gyfer datblygiad personol
Cyflwyniad i ymwybyddiaeth o alcohol a chyffuriau
Delio â phroblemau mewn bywyd bob dydd
Cymryd rhan mewn gweithgareddau hamdden
Byw'n iach
Cyflwyniad a hylendid personol
Ymddygiad yn y gwaith
Cyfathrebu Effeithiol
Ymwybyddiaeth o'r amgylchedd

Yn ystod y flwyddyn byddwn ni'n eich helpu i gynllunio a pharatoi ar gyfer byd gwaith neu astudio ymhellach yn y coleg. Cewch hefyd gyfle i feithrin y sgiliau sydd eu hangen arnoch i weithio gydag eraill. Byddwn yn eich helpu i feithrin y sgiliau hyn trwy wahanol weithgareddau a thripiau.

Cymhwyster City & Guilds mewn Sgiliau Cyflogadwyedd a Datblygiad Personol a Chymdeithasol yw'r prif gymhwyster, yn ogystal â chymwysterau Mathemateg a Saesneg.

Bydd Tiwtor Personol yn eich helpu i drefnu'ch astudiaethau ac yn eich cyfarfod o leiaf unwaith yr wythnos.

Byddwn yn cyflwyno'r cwrs drwy gyfrwng darlithoedd, trafodaethau, astudiaethau achos, ymweliadau a thripiau allanol, dysgu rhyngweithiol, astudio unigol, gwaith grŵp a llawer o ddulliau eraill i wneud y dysgu'n brofiad y byddwch yn ei fwynhau.

Rydym yn defnyddio sawl dull asesu. Mae'n bosib y byddwch yn ymwybodol o rai ohonynt ac efallai y bydd eraill yn brofiad newydd. Bydd y rhain yn cynnwys gwaith cwrs, aseiniadau mewn grŵp, cyflwyniadau, chwarae rôl, arsylwadau ar eich gwaith ymarferol ac, mewn rhai achosion, arholiadau

Gofynion mynediad

Rydym yn croesawu ceisiadau ar gyfer y cwrs hwn gan fyfyrwyr sydd ag un o'r canlynol:

Bydd disgwyl i chi ddangos eich ymrwymiad i ddysgu trwy gyflawni'ch graddau targed yn eich arholiadau TGAU a chael presenoldeb da ym mlwyddyn 11.
Yr awydd a'r penderfyniad i ennill cymhwyster.
Profiad perthnasol yn y sector gofal

Os nad ydych yn siŵr a ydych yn bodloni'r gofynion mynediad, neu os hoffech drafod y gofynion mynediad hyn ymhellach, cysylltwch â'r gwasanaethau cymorth dysgu un ai'n uniongyrchol neu trwy'r cyfleuster sgwrsio. Bydd staff y gwasanaethau i ddysgwyr yn gallu trafod eich proffil gyda chi a rhoi cyngor ar y cyrsiau sydd ar gael.

Rydym yn argymell bod gennych liniadur neu lyfr Chrome y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Cysylltwch â'r tîm Gwasanaethau i Ddysgwyr am ragor o wybodaeth.

Cyflwyniad

Cyflwynir y rhaglen drwy gyfuniad o'r dulliau a ganlyn:

Darlithoedd
Trafodaethau
Astudiaethau achos
Ymweliadau addysgol
Gwaith grŵp
Astudio yn eich amser eich hun
Dysgu yn y dosbarth
Cefnogaeth tiwtor
Google Classroom (amgylchedd dysgu rhithwir)

Asesiad

Rydym yn defnyddio sawl dull asesu. Mae'n bosibl y byddwch yn gyfarwydd â rhai ohonynt ac efallai y bydd eraill yn brofiad newydd. Bydd y dulliau hyn yn cynnwys:

Gwaith cwrs
Aseiniadau grŵp
Cyflwyniadau
Chwarae rôl
Arsylwadau
Arholiadau, sef rhai TGAU yn bennaf

Dilyniant

Bydd cwblhau'r cwrs hwn yn llwyddiannus yn rhoi llawer o ddewisiadau i chi. Bydd eich Tiwtor Personol yn gweithio gyda chi a Gyrfa Cymru i wneud yn siŵr eich bod yn edrych ar yr holl gyfleoedd a dewisiadau sy'n bosibl i chi.

Os gwnewch chi gwblhau'r cwrs hwn yn llwyddiannus, bydd gennych y wybodaeth a'r hyder i fynd ymlaen i ddilyn cwrs Lefel 1 ym maes Iechyd a Gofal Cymdeithasol. Fel arall, gallech ddefnyddio'r cymhwyster i gael eich cyflogi ar lefel mynediad yn y sector Iechyd a Gofal Cymdeithasol, neu brentisiaeth: