TGAU Mathemateg

Manylion Allweddol

  • Ar gael yn:
    Abergele, Llangefni, Llandrillo-yn-Rhos
  • Dull astudio:
    Rhan amser
  • Hyd:

    30 wythnos, 3 awr yr wythnos

Cofrestrwch
×

TGAU Mathemateg

Rhan amser

Dewch i gysylltiad am ragor o wybodaeth am sut i wneud cais am y cwrs hwn.

Disgrifiad o'r Cwrs

Bydd llawer o brifysgolion a chyflogwyr yn disgwyl i chi gael TGAU gradd C neu uwch mewn Mathemateg. Os na chawsoch y cymhwyster hwn yn yr ysgol, bydd Grŵp Llandrillo Menai'n rhoi cyfle i chi wella'ch gradd er mwyn i chi allu mynd ymlaen i ddilyn rhaglen addysg bellach neu addysg uwch addas neu i swydd.

Neu mae'n bosibl eich bod am astudio Mathemateg am eich bod yn mwynhau dysgu ac wrth eich bodd gyda'r pwnc? Bydd croeso i chi ar ein cwrs!

Beth yw'r gwahaniaeth rhwng TGAU Mathemateg - Rhifedd a TGAU Mathemateg?

  • Bydd TGAU Mathemateg - Rhifedd yn asesu'r fathemateg y bydd arnoch chi angen ei defnyddio mewn bywyd bob dydd ac yn y byd gwaith
  • Bydd TGAU Mathemateg yn ymestyn i'r agweddau Mathemateg sy'n ofynnol i fynd ymlaen i astudiaethau mathemategol, gwyddonol neu dechnegol pellach.

At bwy mae'r cwrs wedi'i anelu?

Unrhyw un â diddordeb mewn cael cymhwyster TGAU neu'n dymuno gwella'u gradd flaenorol yn y pwnc.

Meysydd Allweddol y byddwch yn eu hastudio:

Mae Mathemateg yn rhoi trosolwg ehangach o'i gymharu â Rhifedd. Dyma rai o'r pynciau a astudir: rhifau, algebra, graffiau, siapiau ac ystadegau.

Cost

Ffi dysgu o £80. Ffi arholiad o £40. Mae consesiynau ar gael. Uwchlwythwch dystiolaeth ar gyfer y consesiwn pan fyddwch yn cofrestru ar-lein.

Gofynion mynediad

Mae angen dealltwriaeth dda o gysyniadau mathemateg sylfaenol felly bydd angen cwblhau asesiad cyn i chi gofrestru. Os yw'n briodol, byddwn yn argymell cwrs gwahanol cyn i chi gofrestru ar gyfer TGAU.

Os nad ydych chi wedi sefyll yr arholiad o'r blaen, neu wedi'i sefyll ers talwm, bydd eich tiwtor yn cael sgwrs gyda chi i benderfynu a yw'r cwrs hwn yr un cywir ar eich cyfer chi.

Bydd disgwyl i ddysgwyr ddefnyddio e-bost, Google Classroon ac o bosibl adnoddau ar-lein eraill a fydd yn cefnogi eu dysgu. Darperir cymorth i gael mynediad i'r rhain.

Cyflwyniad

  • Cynigir cyrsiau wyneb yn wyneb ac ar-lein

  • Trafodaethau

  • Ymchwilio’n annibynnol

  • Gwaith grŵp

  • Gosodir gwaith cartref yn rheolaidd

Asesiad

Dau arholiad ysgrifenedig (un gyda chyfrifiannell ac un heb gyfrifiannell)

Dilyniant

Gallech ddewis un o blith amryw o gyrsiau gwahanol sydd ar gael yng Ngrŵp Llandrillo Menai

Mwy o wybodaeth

Math o gwrs: Rhan amser, Llawn Amser (Addysg Bellach)

Lefel: 2

Mae'r cwrs i'w gael yn ddwyieithog ar y campysau/lleoliadau canlynol :

  • Llangefni