Prentisiaeth - Rheoli ym maes Adnoddau Dynol Lefel 3
Manylion Allweddol
- Ar gael yn:Online
- Dull astudio:Rhan amser
- Hyd:
1 flwyddyn
Prentisiaeth - Rheoli ym maes Adnoddau Dynol Lefel 3Prentisiethau
Dewch i gysylltiad am ragor o wybodaeth am sut i wneud cais am y cwrs hwn.
Disgrifiad o'r Cwrs
Bydd y Prentis yn gweithio tuag at gael Tystysgrif Sylfaen CIPD (Chartered Institute of Personnel Development) mewn Ymwneud â Phobl. Mae'n addas i'r rhai sydd â'u bryd ar gael swydd broffesiynol ym maes Adnoddau Dynol. Mae'r cwrs, sydd wedi'i anelu'n benodol at weinyddwyr a chynghorwyr AD, yn canolbwyntio ar feithrin sgiliau unigolion mewn pynciau cyfoes sy'n ymwneud ag adnoddau dynol.
Cymhwyster newydd gan CIPD yw'r Dystysgrif Sylfaen mewn Ymwneud â Phobl, a chewch astudio ar ei gyfer ar-lein trwy Grŵp Llandrillo Menai.
Rhoddir pwyslais ar rôl AD fel partner busnes i reolwyr llinell, ac edrychir ar sut y mae AD yn chwarae rhan bwysig yn y broses o lunio gweledigaeth sefydliad. Ar ôl cwblhau’r cwrs yn llwyddiannus, byddwch yn derbyn y Dystysgrif Sylfaen mewn Ymwneud â Phobl.
Bydd astudio at gymhwyster CIPD ar lefel sylfaen yn rhoi i chi'r wybodaeth sydd ei hangen i ddod yn Aelod Cyswllt newydd o CIPD ar lefel broffesiynol.
Yn ogystal â'r cymhwyster ffurfiol, byddwch wedi cael profiad amhrisiadwy o weithio ym maes AD ac wedi dysgu llawer gan eraill a fu'n dilyn y cwrs gyda chi.
Yn ystod y flwyddyn, byddwch yn astudio'r pynciau a ganlyn. Er bod y gwersi'n cael eu cynnal ar-lein, mae pob pwnc yn cynnwys llawer o drafod yn y dosbarth a rhyngweithio ymysg myfyrwyr.
Caiff yr holl fodiwlau eu dysgu gan staff profiadol sydd â phrofiad helaeth o weithio yn eu maes.
- 3C001 Cyd-destun Busnes, Diwylliant a Newid
- 3C002 Egwyddorion Dadansoddeg
- 3C003 Ymddygiadau Craidd i Bobl Broffesiynol
- 3C004 Hanfodion Ymwneud â Phobl
Mae'r brentisiaeth hefyd yn cynnwys cymwysterau Sgiliau Hanfodol Lefel 2 mewn Cymhwyso Rhif, Cyfathrebu a Llythrennedd Digidol, ond mae modd cael eich eithrio mewn rhai achosion.
Gofynion mynediad
Rhaid i chi fod yn gweithio o leiaf 16 awr yr wythnos ym maes AD a bod â chyflogwr a wnaiff eich cefnogi. Mae'r Brentisiaeth yn addas i amrywiaeth o swyddi ym maes AD, gan gynnwys Gweinyddwr AD, Cynghorydd AD, Swyddog AD, Rheolwr AD Cynorthwyol, Cynghorydd AD Cynorthwyol. Bydd gofyn cael cadarnhad bod gan y myfyrwyr y sgiliau sylfaenol angenrheidiol a'u bod yn gallu bodloni gofynion y cwrs o ran asesu.
Yn ogystal, bydd gofyn i chi fod yn aelod o CIPD trwy gydol y cwrs. Mae'n bosibl y bydd gofyn i chi fod yn aelod am ail flwyddyn. Ar hyn o bryd, mae'n costio £135 i ymaelodi am flwyddyn (ond gall CIPD newid y gost). Mae Grŵp Llandrillo Menai'n deall ei bod yn bosib nad yw rhai myfyrwyr wedi astudio ers tro, ac felly cynigir cefnogaeth bersonol i fyfyrwyr newydd.
Mae pob lle'n amodol ar gyfweliad boddhaol.
Cyflwyniad
Defnyddir amrediad eang o ddulliau dysgu i gyflwyno cwrs y Dystysgrif Sylfaen mewn Ymwneud â Phobl ac fe gyflwynir y cyfan ar-lein.
Cyflwynir y Sgiliau Hanfodol ar-lein hefyd. Bydd rhaid dod i'r coleg i wneud y profion.
Asesiad
Ym mhob pwnc, cewch eich asesu trwy gyfrwng aseiniad ffurfiannol. Nid oes arholiadau ffurfiol.
Asesir y Sgiliau Hanfodol trwy gyfrwng tasgau a phrofion.
Dilyniant
Diploma Cysylltiol Lefel 5 CIPD mewn Rheoli Pobl, Prentisiaeth Uwch.
Mwy o wybodaeth
Math o gwrs: Prentisiethau
Lefel:
3
Maes rhaglen:
- Business and Management
Business and Management
Dewch i wybod mwy am y maes hwn ac i weld ein canllawiau lefelau:
![Myfyrwyr yn siarad mewn ystafell ddosbarth](/imager/images/444285/GLLM-General-Classroom-1_72c9be5606906c16e9d80d1324889ea0.jpeg)