Plygiadau'r Plygain: Cardiau Nadolig ac addurniadau origami

Ymunwch â ni am weithdy ymarferol hwyliog wedi'i anelu at oedolion, lle byddwch chi'n dysgu'r grefft o origami i greu cardiau Nadolig ac addurniadau unigryw. Cynhelir y gweithdy yn ystod y dydd yn ystod y tymor. Bydd y sesiwn hon yn eich galluogi i feistroli plygiadau hanfodol a chrefftio eitemau Nadoligaidd hardd. Mae'r cwrs yn addas ar gyfer pob lefel sgiliau ac yn cynnig awyrgylch hamddenol a Nadoligaidd i ryddhau eich creadigrwydd a mwynhau cwmni crefftwyr eraill. Darperir yr holl ddeunyddiau, felly'r unig beth sy'n ofynnol ydi eich brwdfrydedd. Manteisiwch ar y cyfle i wneud tymor y Nadolig yn wirioneddol arbennig gyda'ch trysorau wedi'u gwneud â llaw. Bydd cyfranogwyr yn ymarfer mesur papur yn fanwl gywir, gan ddilyn cyfarwyddiadau cam wrth gam a defnyddio eu sgiliau datrys problemau, gan wneud mathemateg yn berthnasol ac yn bleserus mewn cyd-destun creadigol.