Tystysgrif Level 3 mewn Gweithrediadau…

Manylion Allweddol

Ar gael yn:
Employers site
Dull astudio:
Rhan amser
Hyd:
18 mis

Tystysgrif Level 3 mewn Gweithrediadau Polymer GQA PAA\VQ-SET

Prentisiethau

Dewch i gysylltiad am ragor o wybodaeth am sut i wneud cais am y cwrs hwn.

Disgrifiad o'r Cwrs

Os ydych chi am ennill cydnabyddiaeth am eich sgiliau polymer presennol neu ddysgu sgiliau prosesu polymer newydd, yna bydd y cymhwyster hwn yn cydnabod sgiliau a gwybodaeth unigolion sy'n gweithio yn y sectorau Polymer a Pholymer Cyfansawdd.

Mae'r cymhwyster yn cynnwys un uned Orfodol sy'n trafod Iechyd a Diogelwch ac yna gall y dysgwyr ddewis o blith unedau dewisol ar ddechrau, cynnal a chau proses gynhyrchu ar beiriant, archwilio a gorffen cynhyrchion, cynnal profion a samplu a thasgau eraill a gyflawnir yn y Diwydiant Polymer.

Mae'r Dystysgrif Lefel 3 mewn Gweithrediadau Polymer yn ymdrin ag egwyddorion iechyd a diogelwch HSG65 a gofynion amgylcheddol ISO14001, gwneud diagnosis ac ymdrin â phroblemau prosesu, techneg chwe phwynt, ffurfweddu systemau prosesu ac optimeiddio gweithrediadau prosesu, a all gynnwys cynnal a chadw peiriannau prosesu polymer yn awtonomaidd. Yna gall dysgwyr ddewis o blith Unedau Dewisol sy'n ymdrin â gwasanaethu arferol, gweithrediadau samplu cymhleth, darparu cymorth technegol a chynllunio gweithgareddau prosesu polymer.

Mae'n addas i weithredwyr proses sy'n gweithio mewn sefydliadau sy'n rhoi gweithdrefnau iddynt weithio o'u mewn a meini prawf ar gyfer gwneud penderfyniadau a gweithredu. Gall gweithrediadau'r broses ymwneud â chynhyrchu parhaus neu gynhyrchu swp a gall fod yn weithrediad sylfaenol neu eilaidd.

Mae'r grwpiau o unedau dewisol yn gwneud y cymhwyster yn addas ar gyfer ystod eang o swyddi yn y sector prosesu polymer.

Swyddi • Gosodwyr / Gweithredwyr Prosesu • Arolygwyr Rheoli Ansawdd • Gweithredwyr Gorffen a Chydosod • Gweithredwyr / Technegwyr Prosesu.

Gofynion mynediad

Cynigir llefydd yn amodol ar gyfweliad boddhaol

• Cymhelliant i lwyddo mewn diwydiant

• Ymwybyddiaeth o ofynion y Brentisiaeth

• Parodrwydd i gydymffurfio â thelerau ac amodau cyflogaeth y cyflogwr/darparwr hyfforddiant

• Y gallu i gymhwyso dysgu yn y gweithle

• Parodrwydd i weithio gan roi sylw dyledus i'ch Iechyd a Diogelwch eich hun ac eraill

• Cyfathrebu effeithiol ag amrywiaeth o bobl.

Bydd angen nawdd cyflogwr arnoch i'ch galluogi i gwblhau'r elfen tystiolaeth o'r gweithle yn y cymhwyster.

Cyflwyniad

Cyflwynir y cwrs drwy sesiynau addysgu a sesiynau ymarferol.

Cyflwyniadau
Dysgu yn y dosbarth
Google Classroom (amgylchedd dysgu rhithwir)
Sesiynau ymarferol mewn amgylchedd gwaith realistig i ddatblygu portffolio o dystiolaeth
Mae’r fframwaith yn cynnwys y Sgiliau Hanfodol (Cyfathrebu, Cymhwyso Rhif, TGCh/Llythrennedd Digidol) sydd eu hangen ar gyfer prentisiaeth mewn Gweithrediadau Prosesu Polymer.