Llwybr i Sgiliau Adeiladu

Manylion Allweddol

Ar gael yn:
Llangefni, Llandrillo-yn-Rhos, Y Rhyl, CaMDA Dolgellau
Dull astudio:
Llawn amser
Hyd:
1 flwyddyn

Gwnewch gais

Llwybr i Sgiliau Adeiladu

Llawn Amser (Addysg Bellach)

Dolgellau

Llangefni

Llandrillo-yn-Rhos

Y Rhyl

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Hoffech chi gael gyrfa ymarferol yn un o'r crefftau adeiladu?

Mae'r rhaglen hon yn rhoi agoriad i chi i yrfa yn y diwydiant adeiladu a'r amgylchedd adeiledig. Mae'n ddelfrydol i unrhyw un sydd am feithrin sgiliau adeiladu cyffredinol drwy gael profiad ymarferol.

Ar y rhaglen cewch gyfle i brofi amrywiaeth o alwedigaethau. Byddwch yn dysgu sgiliau crefft sylfaenol, ac yn cael eich paratoi ar gyfer cyflogaeth ac astudiaethau pellach. Ar ddiwedd y rhaglen, gallwch wneud penderfyniad gwybodus ynghylch pa faes technegol yr hoffech weithio ynddo.

Gofynion mynediad

I gael lle ar y cwrs hwn, byddwch angen o leiaf un o'r canlynol:

Bydd disgwyl i chi ddangos eich ymrwymiad i ddysgu trwy gwblhau blwyddyn 11 gyda phresenoldeb da
neu gwblhau rhaglen Cyn-alwedigaethol neu Hyfforddeiaeth yn llwyddiannus.
Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.

Cyflwyniad

Mae'r rhaglen hon yn cynnwys y modiwlau canlynol:

Cymhwyster Cyn Sylfaen ym maes Adeiladu fydd yn cynnwys crefftau amrywiol fel plastro, gwaith brics, plymwaith, paentio, gwaith saer, yn dibynnu ar y campws a ddewiswch
Sgiliau Hanfodol Cymru; Sgiliau Cymhwyso Rhif a Chyfathrebu NEU TGAU (i ddysgwyr a gafodd radd D mewn un ai Saesneg, Mathemateg neu Gymraeg)
Sesiynau tiwtora i grŵp ac unigolion

Cyflwynir y rhaglen drwy gyfuniad o'r dulliau a ganlyn:

Gwersi ymarferol a gwersi theori
Amgylcheddau gwaith realistig
Gweithdai arbenigol ar gyfer y gwahanol grefftau
Darlithoedd
Trafodaethau
Tasgau llyfr gwaith

Bydd eich rhaglen yn cynnwys cyfuniad o:

Cymwysterau Sgiliau Hanfodol a/neu
Ailsefyll TGAU

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.

Asesiad

Cewch eich asesu drwy gyfuniad o'r dulliau canlynol:

Arsylwadau ar eich gwaith ymarferol
Aseiniadau sy'n gofyn am wybodaeth a'r gallu i wneud tasgau ymarferol
Portffolio o waith dosbarth

Dilyniant

Mae'r rhaglen yn rhoi mynediad i chi i'r cwrs Cymhwyster Sylfaen ym maes Adeiladu sy'n rhoi pwyslais ar o leiaf ddwy grefft ( i gael rhagor o wybodaeth, darllenwch am y Cymhwyster Sylfaen )

Dilyniant i Brentisiaeth; os bydd dysgwyr yn llwyddo i gael prentisiaeth mewn disgyblaeth adeiladu yn dilyn y cwrs Cyn Sylfaen, bydd dal yn ofynnol iddynt gwblhau'r Cymhwyster Sylfaen ym maes Adeiladu.

Mwy o wybodaeth

Math o gwrs: Llawn Amser (Addysg Bellach)

Lefel: 1

Dwyieithog:

n/a