Cefnogi Dysgu ac Addysgu Lefel 2
Manylion Allweddol
- Ar gael yn:Dysgu seiliedig ar waith
- Dull astudio:Rhan amser
- Hyd:
12 mis
Cefnogi Dysgu ac Addysgu Lefel 2Rhan amser
Dewch i gysylltiad am ragor o wybodaeth am sut i wneud cais am y cwrs hwn.
Disgrifiad o'r Cwrs
Prif ddiben y cymhwyster yw cadarnhau eich bod yn alwedigaethol gymwys yn eich rôl o fewn ysgol gynradd ac uwchradd fel cynorthwyydd addysgu ar gyfer grŵp o blant a/neu gymorth un-i-un plentyn.
Bod yn hyderus i gefnogi plant oed ysgol gyda'u haddysg, problemau ymddygiad ac unrhyw blant ag anghenion ychwanegol.
Tystiolaeth Dysgwr
Victoria. Diploma Lefel 2 mewn Cefnogi Addysgu a Dysgu mewn Ysgolion
Dywedodd Victoria: “Dechreuais fel prentis cynorthwyydd addysgu yn Ysgol Aberconwy ym mis Medi 2021. Hon oedd fy rôl gyntaf mewn ysgol uwchradd ac mi oedd yn anodd ar y dechrau ond mi wnes i setlo yn fuan i mewn i’r 6ed Dosbarth yn fwy fel mentor arweiniol yn hytrach na chynorthwyydd addysgu. Roedd Michele yn gallu helpu i egluro fy rôl gyda’r ysgol. Roedd cael rhyddid i gwblhau’r unedau pan oedd yn gweddu orau i mi yn ddelfrydol gan y byddwn yn gwneud ychydig ohonynt bob nos ar ôl i fy mhlant fynd i’r gwely. Golygai hyn y gallwn dreulio’r penwythnosau a hanner tymor gyda fy mhlant Roedd y cymorth a gefais drwy gydol y cwrs yn werthfawr iawn i mi yn bersonol. Roeddwn i'n teimlo'n gyfforddus yn e-bostio fy aseswr Michele gydag unrhyw gwestiwn. Roedd Michele yn cadw mewn cysylltiad â mi yn rheolaidd ac yn aml byddai'n cael ein galwadau Zoom misol yr oedd Michele bob amser yn sicrhau eu bod ar amser neu ddyddiad a oedd yn addas i mi weithio ac os nad oedd yr amser/dyddiad yn gweddu roedd hi bob amser yn hapus i aildrefnu ar gyfer amser mwy cyfleus. Helpodd Michele i mi fynd yn ôl ar y trywydd iawn a helpodd i'm gwthio i'm llawn botensial. Roedd hi’n gwybod fy mod i eisiau cwblhau’r cwrs cyn gwyliau’r haf ac fe helpodd hi fi drwy anfon adborth o’r asesiadau yn gyflym. Roedd yr adborth o’r unedau bob amser i’r safon uchaf a phan ddaeth hi i arsylwadau helpodd Michele i mi dawelu gan fy mod yn nerfus! Diolch am bob cymorth yn ystod y flwyddyn ddiwethaf. Diolch yn Fawr"
Gofynion mynediad
Cynorthwywyr Dysgu sy'n gweithio gyda phlant un i un a/neu sy'n cefnogi grwpiau bach.
Bod yn gyflogedig neu’n gwirfoddoli o leiaf 16 awr yr wythnos.
Mae pob lle yn amodol ar gyfweliad boddhaol.
Cyflwyniad
Darperir mwyafrif yr hyfforddiant yn y gweithle/Ar-lein
Bydd aseswr yn ymweld â'ch gweithle i gwblhau o leiaf dri arsylwad
Rhoddir portffolio electronig i chi a bydd aseswr yn eich cefnogi unwaith y mis naill ai drwy ymweliad â'ch gweithle neu drwy alwad fideo.
Asesiad
Cwblhau portffolio o dystiolaeth (Defnyddio E-bortffolio Onefile).
Bydd eich aseswr yn trefnu i ymweld â'ch gweithle i asesu eich gallu i gefnogi disgyblion gyda thasgau llythrennedd, rhifedd a TGCh. Bydd angen i chi hefyd ddangos eich gallu i annog ymddygiad cadarnhaol, cadw at bolisïau a gweithdrefnau Iechyd a Diogelwch, a dangos cefnogaeth effeithiol a sgiliau cyfathrebu gyda disgyblion ac aelodau o'r tîm.
Bydd gwaith damcaniaethol yn cael ei wneud drwy:
- Astudiaethau achos
- Cwestiynau ac Atebion
- Trafodaethau
- Cwblhau unedau gwaith trwy gyfuniad o unedau gorfodol a dewisol yn dibynnu ar eich rôl waith. Dylid cwblhau'r rhain yn fisol.
- Tystiolaethau gan athrawon
Bydd y cymhwyster yn cael ei farcio gan aseswr gweithle a'i safoni gan y swyddog sicrhau ansawdd mewnol.
Dilyniant
Os yw rôl eich swydd yn caniatáu gallwch symud ymlaen i gymhwyster CDA Lefel 3.
Mwy o wybodaeth
Math o gwrs: Rhan amser
Lefel:
2
Maes rhaglen:
- Iechyd, Gofal Cymdeithasol a Gofal Plant
Dwyieithog:
n/aIechyd, Gofal Cymdeithasol a Gofal Plant
Dewch i wybod mwy am y maes hwn ac i weld ein canllawiau lefelau:
Iechyd, Gofal Cymdeithasol a Gofal Plant
![Myfyrwyr mewn ystafell ddosbarth](/imager/images/Programme-Areas/357278/GLLM-CMD-Dolgellau-23_72c9be5606906c16e9d80d1324889ea0.jpeg)