Dysgwyr Grŵp Llandrillo Menai'n ennill 34 o fedalau yng Nghystadleuaeth Sgiliau Cymru

Enillodd myfyrwyr a phrentisiaid Grŵp Llandrillo Menai 34 o fedalau yng Nghystadleuaeth Sgiliau Cymru eleni - gan gynnwys 10 medal aur.

Ymhlith enillwyr y medalau roedd tri 'Gorau yn y Rhanbarth' - sy'n golygu mai nhw gafodd y sgôr uchaf ar draws yr holl gystadlaethau a gynhaliwyd yng Ngogledd Cymru.

Enillodd Faith Robinson, myfyrwraig yng Ngholeg Menai, y teitl ‘Gorau yn y Rhanbarth’ a medal arian mewn Gofal Plant, tra roedd Bethan Griffiths ac Elliot Cropper, dysgwyr o Goleg Meirion-Dwyfor yn rhannu’r clod yn y cystadlaethau Sgiliau Cynhwysol ar ôl dod yn gydradd gyntaf yng nghategori'r Gwasanaeth Bwyty.

Cipiodd tîm Busnes@LlandrilloMenai sef Olivia Hennessey, Samantha Johnson a Catrin Jones, fedal aur mewn Cyfrifeg, a myfyrwyr Coleg Llandrillo, Ollie Clarke a Daniel Cunnah, fuddugoliaeth yng nghategori Ynni Adnewyddadwy.

Enillwyr eraill y medalau aur oedd Milena Nycz (Coleg Menai, Dylunio Graffeg), Guto Jones (Coleg Meirion-Dwyfor, Sgiliau Cynhwysol: Sgiliau Bywyd), a Sara Griffith (Coleg Meirion-Dwyfor, Sgiliau Cynhwysol: Gofal Plant). ⁠ ⁠

Enillodd myfyrwyr a phrentisiaid y Grŵp chwe medal arian ac 18 medal efydd hefyd, a chafodd 35 o ddysgwyr ‘Gymeradwyaeth Uchel’ (gweler y rhestr lawn isod).

Cyflwynwyd eu medalau iddyn nhw mewn seremonïau ar gampysau Llangefni a'r Rhyl nos Iau. Bydd y dysgwyr a enillodd fedal yn y categorïau Sgiliau Cynhwysol yn eu derbyn yng Nglynllifon ddydd Llun, Mawrth 17.

Mae Cystadleuaeth Sgiliau Cymru yn cynnig cyfle i gystadleuwyr ddatblygu eu sgiliau i safon uchel ar draws dros 50 o ddisgyblaethau wrth iddynt frwydro i fod y gorau yn y wlad.

Cynhelir cystadlaethau mewn amrywiaeth o sectorau, gan gynnwys busnes, adeiladu, digidol, peirianneg, iechyd a gofal cymdeithasol, lletygarwch a mwy.

Roedd llawer o ddysgwyr yn cystadlu ar dir cyfarwydd, gyda Grŵp Llandrillo Menai yn cynnal 23 o ddisgyblaethau ar draws ei gampysau a lleoliadau eraill eleni - y nifer fwyaf erioed i gael eu cynnal gan un grŵp coleg.

Bu eraill yn cystadlu mewn lleoliadau ledled y wlad gan gynnwys Coleg Cambria, Coleg Caerdydd a’r Fro, ac NPTC yn y Drenewydd.

Dywedodd Aled Jones-Griffith, Prif Weithredwr Grŵp Llandrillo Menai: “Dywedodd Aled Jones-Griffith, Prif Weithredwr Grŵp Llandrillo Menai:

“Mae’r dysgwyr wedi arddangos eu sgiliau ar y lefel uchaf ac rydyn ni’n hynod o falch ohonynt. Mae'n wych gweld cynifer ohonyn nhw'n ennill medalau ac yn cael cymeradwyaeth am eu gwaith caled.

“Mae llwyddiant ein dysgwyr yn dysteb i'w hymroddiad a'u penderfyniad, yn ogystal ag i'w tiwtoriaid a'u haseswyr sydd wedi gweithio mor galed i'w helpu i gyrraedd y brig. Rydw i’n dymuno'r gorau i'r dysgwyr yn y dyfodol.

“Rydw i'n falch iawn hefyd bod mwy nag erioed o'r blaen o gystadlaethau wedi cael eu cynnal ar safleoedd y Grŵp. Mae hyn yn tanlinellu ein hymrwymiad cadarn i ddatblygu ac ysgogi sgiliau gweithlu'r dyfodol yng Nghymru.”

Mae Cystadleuaeth Sgiliau Cymru yn cael ei ariannu gan Lywodraeth Cymru ac yn cael ei redeg gan Ysbrydoli Sgiliau Cymru - rhwydwaith o golegau, hyfforddwyr dysgu yn y gweithle a sefydliadau dan arweiniad cyflogwr.

Canlyniadau Grŵp Llandrillo Menai, Cystadleuaeth Sgiliau Cymru 2025:

AUR

Cyfrifeg: Olivia Hennessey

Cyfrifeg: Samantha Johnson

Cyfrifeg: Catrin Jones

Dylunio Graffig: Milena Nycz

Sgiliau Cynhwysol - Sgiliau Bywyd: Guto Jones

Sgiliau Cynhwysol - Gwasanaeth Bwytai: Bethan Griffiths (Gorau yn y Rhanbarth)

Sgiliau Cynhwysol - Gwasanaeth Bwytai: Elliot Cropper (Gorau yn y Rhanbarth)

Sgiliau Cynhwysol - Gofal Plant: Sara Griffith

Ynni Adnewyddadwy: Ollie Clarke

Ynni Adnewyddadwy: Daniel Cunnah

ARIAN

Gofal Plant: Faith Robinson (Gorau yn y Rhanbarth)

Sgiliau Cynhwysol - TG: Harri Parry

Plastro: Ruby Hillary

Gwaith Plymiwr a Gwresogi: Tomi Evans

Ynni Adnewyddadwy: Zack Arnold

Ynni Adnewyddadwy: Callum Hickman

EFYDD

Gweithgynhyrchu Ychwanegion: Oliver Weldon

Awtomatiaeth: Nathaniel Pugh

Awtomatiaeth: Marcie Jones

Cynhyrchu Cyfryngau Digidol: Matthew Owen

Trin gwallt: Leah Matthews

Technoleg Cerbydau Trwm: Mackenzie Diggons

Roboteg Diwydiannol: Yaris Pritchard

Roboteg Diwydiannol: Megan Roberts

CAD Peirianneg Fecanyddol: Connie Whitfield

Y Celfyddydau Perfformio: Ryan Hughes

Y Celfyddydau Perfformio: Ffion Jones

Y Celfyddydau Perfformio: Luke Lewis

Y Celfyddydau Perfformio: Nicole Robb

Y Celfyddydau Perfformio: Mia Roberts

Y Celfyddydau Perfformio: Nataliia Tymoshevska-Ziuzko

Y Celfyddydau Perfformio: Anna Walker

Plastro: Ryan Jones

Atgyweirio Corff Cerbyd: Tomos Kyffin Jones

CANMOLIAETH UCHEL

Celf Gemau Digidol 3D: Ashley Mawson

Celf Gemau Digidol 3D: Ivan Wilkinson

Gweithgynhyrchu Ychwanegion: Kenneth Christie

Gweithgynhyrchu Ychwanegion: Ewan Harper

Gweithgynhyrchu Ychwanegion: Leo Jones-Roberts

Gosod Brics: Ethan Roberts

Gwaith Coed: Daniel Young

Trin Gwallt: Kayleigh Blears

Trin Gwallt: Stephanie Hughes

Iechyd a Gofal Cymdeithasol: Jason Griffiths

Sgiliau Cynhwysol - Cynorthwyydd Ffitrwydd Lauren Roberts

Sgiliau Cynhwysol - Garddwriaeth Dylan Jacobs

Sgiliau Cynhwysol - Garddwriaeth Mia Marinkovic

Sgiliau Cynhwysol - Garddwriaeth Scott Whitehead

Sgiliau Cynhwysol - Garddwriaeth Ifan Williams

Sgiliau Cynhwysol - Garddwriaeth Owi Williams

Sgiliau Cynhwysol - Sgiliau Bywyd Arlind Imeri

Sgiliau Cynhwysol - Sgiliau Bywyd Ella Jones

Sgiliau Cynhwysol - Y Cyfryngau Sabian James

Sgiliau Cynhwysol - Gwasanaeth Bwytai Llinos Jones

Electroneg Ddiwydiannol: Nicholas Flanagan

Technoleg Fodurol Cerbydau Ysgafn: Tyler Edwards

Technoleg Fodurol Cerbydau Ysgafn : Guilherme Guedes

Technoleg Fodurol Cerbydau Ysgafn : Herbi Jones

CAD Peirianneg Fecanyddol: Corey Jones

Hyfforddwr Personol: Huw Owen

Hyfforddwr Personol: Begw Roberts