Academi Ddigidol Werdd

• Canllawiau i Fusnesau Cynaliadwy
• Hyfforddiant ar Ymwybyddiaeth o Garbon (safle allanol)

⁠Bydd y prosiect yn gweithio gyda chi i fynd â'ch busnes ar daith arloesol a fydd yn eich helpu i:

• Ennill mantais gystadleuol a rhoi hwb i'ch enw da fel busnes gwyrdd
• Deall eich blaenoriaethau digidol a sero net a pha gamau i'w cymryd
• Addasu'n gyflym i'r cynnydd yn rheoliadau sero net y llywodraeth a'r pwysau gan gontractwyr
• Ehangu eich busnes drwy ddatblygu datrysiadau arloesol newydd i ymuno â'r cynnydd yn y farchnad 'sero net'
• Diwallu'r cynnydd mewn galwadau gan gwsmeriaid am gynnyrch a gwasanaethau ecogyfeillgar
• Cynyddu elw, torri costau cynhyrchu a chanfod mesurau sy'n arbed ynni
• Gwella eich sefyllfa yn y gadwyn gyflenwi drwy gynnwys cynaliadwyedd yn eich prosesau caffael

Drwy'r prosiect byddwch yn gallu cael mynediad at gefnogaeth ymgynghorol, a ariennir yn llawn, gan fentor arbenigol a fydd yn gweithio gyda chi i werthuso ble mae eich busnes chi heddiw.

Bydd yn eich helpu i gynnal asesiad diagnostig sero net o allbwn carbon eich busnes a'ch gweithwyr, gan gynnwys teithio mewn car, defnyddio ynni, gwaredu gwastraff a defnyddio deunyddiau, yn ogystal ag asesiad manwl o alluoedd digidol. Bydd hyn yn arwain at adroddiad unigol a map pwrpasol ar gyfer eich busnes.

Yna byddant yn gweithio gyda chi i ddatblygu cynllun a fydd yn eich helpu i nodi a chael mynediad at gyllid a hyfforddiant i ymgysylltu’n llwyddiannus â thechnoleg ddigidol a’i defnyddio i leihau eich ôl troed carbon, a chefnogi’r gwaith o gyflawni’r map ffordd ar gyfer eich busnes.

Trwy’r Academi Ddigidol Werdd gallwch gael mynediad at grantiau cyfalaf datgarboneiddio a digidol hyd at £10,000 a fydd yn helpu i leihau eich allyriadau a gwneud eich busnes yn fwy cynaliadwy.

Peidiwch ag oedi rhag cysylltu â’r Tîm Digidol Gwyrdd gan mai dim ond tan fis Rhagfyr 2024 y mae’r grantiau ar gael.

Trwy Gronfa Ffyniant Gyffredin y DU, mae Busnes@LlandrilloMenai wedi bod yn gweithio gyda busnesau ar draws siroedd Môn, Gwynedd, Conwy, Dinbych a sir Y Fflint i leihau eu ôl-troed carbon trwy’r Academi Ddigidol Werdd. Mae’r rhaglen sydd wedi ei ariannu yn llawn, yn darparu cymorth a chyngor arbenigol i helpu busnesau micro, bach a ganolig addasu ar gyfer dyfodol sero net.