Pecyn Hyfforddi ac Asesu Nwy Domestig (CCN1) NICEIC ACS (1)

Crëwyd y rhaglen hon ar gyfer peirianwyr a gweithwyr nwy proffesiynol er mwyn sicrhau eu bod yn cael y wybodaeth ddiweddaraf am y rheolau a'r sgiliau sydd eu hangen arnynt i weithio gyda gwahanol fathau o offer nwy yn y cartref. Trwy gyfuno gwybodaeth ddamcaniaethol ac asesiadau ymarferol mae'r cwrs yn cyflwyno'r sgiliau a'r wybodaeth sydd eu hangen ar y mynychwyr i gynnal eu cymwysterau a gwybod am y datblygiadau diweddaraf yn y diwydiant nwy.

Bydd y cwrs yn cynnwys astudio

• Deddfwriaeth a safonau diogelwch nwy
• Camau gweithredu a gweithdrefnau brys
• Cynhyrchion a nodweddion hylosgi
• Awyru
• Gosod pibellau a ffitiadau
• Profi tyndra a llwyrlanhau
• Gwirio a/neu osod rheolyddion mesur
• Sefyllfaoedd anniogel, hysbysiadau brys a labeli rhybuddio
• Gweithredu a lleoli rheolyddion a falfiau ynysu brys
• Gwirio a gosod pwysedd llosgyddion a chyfraddau nwy ar offer
• Gweithredu a gwirio dyfeisiau a rheolyddion diogelwch nwy ar offer
• Safonau Simneiau
• Archwilio a phrofi simneiau
• Gosod simneiau agored, simneiau cytbwys a simneiau ffan
• Ailsefydlu cyflenwad nwy presennol ac aildanio offer
• Archwilio, profi, comisiynu a chynnal a chadw offer nwy (ailasesiad yn unig).

• Rheoliadau diogelwch nwy, Rheoliadau Adeiladu, Safonau Prydeinig a deddfwriaethau perthnasol eraill
• Sefyllfaoedd anniogel a chamau brys
• Pibellau nwy (yn benodol i gategori'r offer)
• Ffliwiau ac awyru (yn benodol i gategori'r offer)
• Hylosgi (yn benodol i gategori'r offer)
• Dadansoddi Perfformiad Hylosgi (profion ffliwiau nwy)
• Rheolyddion offer (yn benodol i gategori'r offer)
• Comisiynu, gwasanaethu, cynnal a chadw a chanfod diffygion sylfaenol yn ymwneud â diogelwch nwy