Dysgwyr sy'n Oedolion

Beth bynnag fo'ch oedran, ble bynnag rydych chi'n byw, beth bynnag fo'ch diddordebau neu'ch rhesymau dros fod eisiau datblygu sgiliau newydd neu ddysgu rhagor - gallwn ni eich helpu.

⁠Pam y dylai oedolion ddychwelyd i addysg?
Mae gan bob myfyriwr ei resymau ei hun dros fod eisiau dychwelyd i addysg. Gall rhai o'r rhesymau hyn gynnwys:

• Datblygu Gyrfa a Datblygiad Proffesiynol: Gall datblygu eich sgiliau arwain at gyfleoedd yn y gwaith, cynyddu eich gallu i ennill cyflog da, neu eich helpu i gael gyrfa newydd.
• Twf a Datblygiad Personol: Gall mynd ati i ddysgu ar unrhyw adeg yn eich bywyd ysgogi eich creadigrwydd a'ch gwneud chi'n fwy hyderus.
• Annog Ymgysylltu Cymdeithasol: Gall dysgu sgiliau newydd fod yn ffordd wych o gwrdd â phobl newydd a chael hwyl trwy gymdeithasu.

Mae dysgu gydol oes wedi cael ei gysylltu â gallu gwybyddol a llesiant gwell, gan helpu i gael effaith gadarnhaol ar ansawdd cyffredinol eich bywyd.

Pa gyrsiau dysgu oedolion rydym ni'n yn eu cynnig?
Mae'r dewis helaeth o gyrsiau rhan-amser sydd ar gael i oedolion yn cynnig rhywbeth i bawb. Maent yn cynnwys:

• Mynediad i Addysg Uwch
• Sgiliau Sylfaenol – Saesneg a Mathemateg
• Cyrsiau Cymunedol a Chyrsiau Hamdden
• Sgiliau Cyflogadwyedd a Sgiliau Byd Gwaith
• Saesneg i Siaradwyr Ieithoedd Eraill (ESOL)
• Cyrsiau Proffesiynol
• Cyrsiau Lefel Prifysgol

Pa gefnogaeth sydd ar gael i oedolion sy'n ddysgwyr?
⁠Ein nod yw gwneud yn siŵr bod y dysgu a'r addysgu ar gael i gynifer o bobl â phosibl.

Fel oedolyn sy'n ddysgwr, rydym yn deall y gall fod rhaid i chi gyfuno'ch astudiaethau â chyfrifoldebau eraill, fel gwaith a gofal plant.

Mae'n bosibl hefyd nad ydych chi wedi cael addysg ffurfiol ers nifer o flynyddoedd ac o ganlyniad efallai nad oes gennych lawer o hyder i gymryd y cam cyntaf.

• O fewn cyrraedd i bawb: Mae ein cyrsiau rhan-amser yn cael eu cynnal ar ein campysau ac yn ein canolfannau allgymorth ledled gogledd-orllewin Cymru. Yn ogystal â'n prif gampysau ym Mangor, Dolgellau, Pwllheli, Llangefni, Llandrillo-yn-Rhos a'r Rhyl, mae gennym hefyd ganolfannau allgymorth mewn trefi fel Bangor, Caernarfon, Dinbych a Chaergybi. Rydym hefyd yn cynnal cyrsiau amrywiol mewn lleoliadau cymunedol fel llyfrgelloedd.
• Hyblygrwydd⁠: Mae llawer o'n cyrsiau wedi'u hamserlennu i'ch helpu i wneud iddynt gyd-fynd â'ch cyfrifoldebau eraill.
• ⁠Cymorth Ariannol: Mae llawer o'n cyrsiau rhan-amser ar gael am ddim. Fel oedolyn sy'n ddysgwr, gallwch fod yn gymwys ar gyfer gwahanol fathau o gymorth ariannol i'ch helpu gyda chostau eich astudiaethau.
• Amgylchedd Dysgu Cefnogol: Bydd y tiwtoriaid profiadol, yr arweiniad personol a'r ystod o gymorth dysgu sydd ar gael yma'n eich helpu i wneud y defnydd gorau o'ch amser yn y coleg.

Ddim yn siŵr ble i ddechrau?
I gael rhagor o wybodaeth, llenwch y ffurflen gysylltu yma, neu cysylltwch â'ch campws lleol.

Fel arall gallwch ddod i un o'n digwyddiadau agored i drafod eich dewisiadau â'n staff.