Amaethyddiaeth Lefel 3
Manylion Allweddol
- Ar gael yn:Glynllifon
- Dull astudio:Llawn Amser
- Hyd:
Llawn Amser dros 2 flynedd. Mae'r cwrs fel arfer yn 4 diwrnod yr wythnos gyda 5 wythnos o brofiad gwaith y flwyddyn.
Amaethyddiaeth Lefel 3Llawn Amser (Addysg Bellach)
Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.
Disgrifiad o'r Cwrs
Hoffech chi gael gyrfa mewn amaethyddiaeth? Hoffech chi ddatblygu'ch sgiliau i safon uwch?
Ar y cwrs hwn, cewch feithrin eich gwybodaeth am amaethyddiaeth, gan ddysgu rheoli yn ogystal â deall yr agweddau ymarferol. Mae hefyd yn lwybr galwedigaethol i Addysg Uwch.
Mae'r cwrs yn addas i fyfyrwyr sydd wedi cwblhau Diploma Lefel 2 mewn Amaethyddiaeth, neu gwrs Lefel 2 Seiliedig ar Waith. Bydd i'r dim i chi hefyd os ydych newydd sefyll eich TGAU neu os oes gennych brofiad perthnasol. Cewch brofiad ymarferol gwerthfawr, gan astudio da byw, cnydau a pheiriannau yn ogystal â mynychu sesiynau hyfforddiant ymarferol. Cewch fanteisio ar y cyfleusterau ardderchog a geir ar ein campws yng Nglynllifon ac ar arbenigedd ein staff.
Gofynion mynediad
I gael lle ar y cwrs hwn byddwch angen y canlynol:
- 4 TGAU gradd C neu uwch, yn cynnwys Mathemateg a Saesneg neu Gymraeg (iaith 1af) NEU Gradd Teilyngdod mewn cymhwyster Diploma Lefel 2 perthnasol
- Profiad perthnasol mewn diwydiant
Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.
Cyflwyniad
Cyflwynir y rhaglen fel a ganlyn:
- Mae'r cwrs yn cynnwys cymysgedd o sesiynau ymarferol ag darlithoedd / gwersi er mwyn meithrin ag ehangu ar eich dealltwriaeth.
- Cyflwynir y cwrs yn ddwyieithog, ac mae'r deunyddiau dysgu ar gael yn y Gymraeg a'r Saesneg.
Mae safle Glynllifon yn cynnwys 750 acer o dir amaethyddol a choetiroedd, a cheir yno wartheg godro, defaid, gwartheg bîff a moch. Byddwch yn gweithio gyda'r anifeiliaid, yr offer a'r adnoddau amaethyddol arbenigol a geir ar y fferm, gan feithrin sgiliau a gwybodaeth mewn sefyllfa realistig.
Bydd eich rhaglen yn cynnwys cyfuniad o:
- Cymwysterau Sgiliau Hanfodol a/neu
- Ailsefyll TGAU a/neu
- Bagloriaeth Cymru
Bagloriaeth Cymru
Mae Bagloriaeth Cymru'n gymhwyster gwerthfawr a astudir yn aml ochr yn ochr â chwrs llawn amser.
Caiff y cymhwyster, sy'n werth hyd at 120 pwynt UCAS, ei raddio A*–E a bydd yn rhoi i chi sgiliau personol a sgiliau busnes trosglwyddadwy. Mae prifysgolion a chyflogwyr yn ei ystyried yn gymhwyster gwerthfawr.
Yn rhan o'r cymhwyster, byddwch yn dysgu am Ddinasyddiaeth Fyd-eang, Mentergarwch a Chyflogadwyedd, yn cymryd rhan mewn gweithgareddau ymgysylltu â'r gymuned ac yn mynd ar brofiad gwaith.
Sgiliau Hanfodol
Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.
Ailsefyll TGAU
Gall hyn gynnwys TGAU Rhifedd/Mathemateg a/neu Gymraeg/Saesneg.
Mathemateg a Chymraeg/Saesneg
Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.
Asesiad
Caiff y rhaglen ei asesu fel a ganlyn:
- Aseiniadau portffolio i arddangos eich dealltwriaeth o rai unedau
- Asesiad synoptig ymarferol ac ysgrifenedig sy'n cwmpasu nifer o unedau
- Arholiad ffurfiol allanol ar unedau craidd
Dilyniant
Os byddwch yn cwblhau'r rhaglen yn llwyddiannus, bydd amryw o ddewisiadau ar gael i chi. Mae'r cymhwyster yn cyfateb i 3 Lefel A, a bydd llawer o fyfyrwyr yn mynd ymlaen i Addysg Uwch, gan ddilyn cyrsiau HND, Graddau Sylfaen neu Raddau Anrhydedd.
Gallech hefyd fynd ymlaen i waith, a bydd gennych sgiliau i weithio ar lefel uwch. Gallech hefyd ddilyn cwrs Addysg Uwch mewn swydd, neu fynd ymlaen i Brentisiaeth Lefel 3 mewn Amaethyddiaeth.
Mwy o wybodaeth
Math o gwrs: Llawn Amser (Addysg Bellach)
Lefel:
3
Maes rhaglen:
- Amaethyddiaeth
- International
Dwyieithog:
Mae'r rhaglen yma ar gael yn ddwyieithog yn y campws/campysau canlynol:
- Glynllifon
