Prentisiaeth - Gwaith Barbwr Lefel 2 | Grŵp Llandrillo Menai

Manylion Allweddol

Ar gael yn:
Llangefni, Llandrillo-yn-Rhos, Dysgu Seiliedig ar Waith
Dull astudio:
Rhan amser
Hyd:
78 wythnos⁠ (18 mis)

Gwnewch gais

Oes gennych gwestiwn? Cysylltwch â ni!

Prentisiaeth - Gwaith Barbwr Lefel 2

Prentisiaethau

Dewch i gysylltiad am ragor o wybodaeth am sut i wneud cais am y cwrs hwn.

Oes gennych gwestiwn? Cysylltwch â ni!

Disgrifiad o'r Cwrs

Mae'r fframwaith prentisiaeth hwn yn darparu llwybr seiliedig ar waith i gyflogaeth yn y diwydiant gwaith barbwr drwy ddefnyddio cymwysterau sy'n cyfuno sgiliau a gwybodaeth.

Mae gwaith barbwr yn unigryw yn y sector gwallt a harddwch, gan ei fod yn cyfuno sgiliau traddodiadol fel torri gwallt dynion gyda thechnegau arbenigol newydd fel pylu croen, creu llinellau a phatrymau, lliwio a phyrmio.

Gofynion mynediad

Nid oes angen unrhyw gymwysterau ffurfiol
Rhaid i chi gael cyflogwr a all fodloni meini prawf yr NVQ neu gallwn ni eich helpu i ddod o hyd i gyflogwr ⁠ ⁠
Rhaid i chi fod yn frwdfrydig, yn ymroddedig ac yn barod i ddysgu
Rhaid i chi fod yn berson gofalgar a digynnwrf ⁠ ⁠
Bydd yn ofynnol i chi ddod i gyfweliad

Mae pob lle'n amodol ar gyfweliad boddhaol.

Cyflwyniad

Darperir y rhan fwyaf o'r cwrs yn y gweithle. ⁠ ⁠ ⁠ Fodd bynnag, bydd Dysgwyr Seiliedig ar Waith yn elwa ar gyfuniad o:

Gwersi theori
Gweithdai ymarferol
Salonau go iawn yn y coleg
Sesiynau masnachol
Arddangosiadau
Ymarferion chwarae rôl
Gwaith grŵp

Nid yw'n hanfodol bod dysgwyr yn mynychu sesiynau yn y coleg i gwblhau tasgau a phrofion theori. Mae'n bosibl cwblhau'r cymhwyster wrth ddysgu o bell. Os oes angen, bydd rhaid i chi fynychu sesiynau Cymwysterau Sgiliau Hanfodol ar safle coleg sy'n gyfleus i chi.

Asesiad

Ar y cwrs, cewch eich asesu drwy gyfuniad o'r dulliau a ganlyn:

Portffolio electronig o asesiadau ymarferol ar gyfer aseiniadau a thasgau pob uned⁠
Profion amlddewis ar y wybodaeth greiddiol (Arholiadau Ar-lein) Tasgau a phrofion seiliedig ar theori
Arsylwadau ac Asesiadau Seiliedig ar Waith
Bydd eich ymddygiad yn cael ei asesu hefyd, o ran aeddfedrwydd, datblygiad, rhyngweithio a chyfathrebu

Dilyniant

Mae'r cwrs yn rhoi cymhwyster gwerthfawr i chi ac yn codi eich sgiliau gwaith barbwr i lefel uwch. ⁠ ⁠

⁠

Gwybodaeth campws Dysgu Seiliedig ar Waith

Wedi'i anelu at y rhai a hoffai ddilyn gyrfa yn y diwydiant Trin Gwallt.

Cwrs ymarferol yw hwn a fydd yn eich galluogi i ddod yn steilydd. Byddwch yn astudio pob agwedd ar steilio gwallt Merched a Dynion gan gynnwys torri, pyrmio, lliwio, gosod, chwythsychu, trin gwallt hir, triniaethau i wallt/croen y pen, ymgynghori â chleientiaid, dyletswyddau derbynfa, ac iechyd a diogelwch. Bydd y cwrs yn rhoi'r wybodaeth sydd ei hangen arnoch i ddilyn gyrfa ym maes Trin Gwallt.

Gwybodaeth am yr Unedau

I gyflawni'r cymhwyster llawn, rhaid i'r dysgwyr gwblhau 7 uned orfodol gwerth cyfanswm o 44 credyd ac unedau dewisol gwerth hyd at o leiaf 9 credyd i roi cyfanswm cyffredinol o 53 credyd.

UNEDAU GORFODOL

Defnyddio technegau sylfaenol i dorri gwallt dynion - 12 credyd (7 credyd Cymhwysedd a 5 credyd Gwybodaeth)
Defnyddio technegau sylfaenol i dorri a siapio blew wyneb - 5 credyd (2 gredyd Cymhwysedd a 3 chredyd Gwybodaeth)
Sychu a gorffen gwallt dynion - 5 credyd (3 Chredyd Cymhwysedd a 2 Gredyd Gwybodaeth)
Creu amlinelliadau a manylion sylfaenol mewn gwallt - 6 chredyd (2 gredyd Cymhwysedd a 4 credyd Gwybodaeth)
Cynghori cleientiaid ac ymgynghori â chleientiaid - 8 credyd (3 chredyd Cymhwysedd a 5 credyd Gwybodaeth)
Siampwio, cyflyru a thrin y gwallt a chroen y pen - 5 credyd (3 chredyd cymhwysedd a 2 gredyd Gwybodaeth)
Datblygu a chynnal effeithlonrwydd wrth eich gwaith - 3 chredyd (2 gredyd Cymhwysedd ac 1 credyd Gwybodaeth)

UNEDAU DEWISOL

Ymlacio gwallt - 9 credyd (4 credyd Cymhwysedd a 5 credyd Gwybodaeth)
Cynorthwyo gyda thriniaethau eillio - 5 credyd (2 gredyd Cymhwysedd a 3 chredyd Gwybodaeth)
Lliwio a goleuo gwallt dynion - 14 credyd (6 chredyd Cymhwysedd ac 8 credyd Gwybodaeth)
Pyrmio a niwtraleiddio gwallt - 10 credyd (5 credyd Cymhwysedd a 5 credyd Gwybodaeth)
Plethu a throelli gwallt - 5 credyd (2 gredyd Cymhwysedd a 2 gredyd Gwybodaeth)
Ychwanegu gwallt dros dro i wella steil - 3 chredyd (2 gredyd Cymhwysedd ac 1 credyd Gwybodaeth)
Cyflawni dyletswyddau derbynfa salon - 6 chredyd (4 credyd Cymhwysedd a 2 gredyd Gwybodaeth)

Unedau Sgiliau Hanfodol ychwanegol: (Os ydych eisoes wedi ennill cymhwyster cyfwerth, mae'n rhaid cael prawf o hynny)