Prentisiaeth - Therapi Harddwch Lefel 2

Manylion Allweddol

Ar gael yn:
Llangefni, Dysgu Seiliedig ar Waith
Dull astudio:
Rhan amser
Hyd:
78 wythnos (18 mis)

Gwnewch gais

Oes gennych gwestiwn? Cysylltwch â ni!

Prentisiaeth - Therapi Harddwch Lefel 2

Prentisiaethau

Dewch i gysylltiad am ragor o wybodaeth am sut i wneud cais am y cwrs hwn.

Oes gennych gwestiwn? Cysylltwch â ni!

Disgrifiad o'r Cwrs

Mae'r fframwaith prentisiaeth hwn, y cytunwyd arno'n genedlaethol, yn darparu llwybr seiliedig ar waith i gyflogaeth yn y diwydiant harddwch drwy ddefnyddio cymwysterau sy'n cyfuno sgiliau a gwybodaeth.

Yn dibynnu ar y llwybr a ddilynir a’r lefel a gyflawnwyd, bydd dysgwyr sy’n cwblhau prentisiaeth yn cael swyddi fel: Therapyddion harddwch iau, trinwyr dwylo neu ymgynghorwyr coluro a gofalu am y croen (Prentisiaeth Sylfaen)

Gallwch weithio mewn lleoliadau amrywiol, gan gynnwys salonau harddwch, ysbytai, cartrefi gofal, llongau mordaith, sbas a chlybiau iechyd, neu weithio'n llawrydd.

Gofynion mynediad

Nid oes angen unrhyw gymwysterau ffurfiol ond mae profiad ym maes Harddwch yn ddymunol.
Rhaid i brentisiaid fod â chyflogwyr a all fodloni meini prawf yr NVQ ⁠⁠neu gallwn ni eich helpu i ddod o hyd i gyflogwr
Rhaid i chi fod yn frwdfrydig, yn ymroddedig ac yn barod i ddysgu
Rhaid i chi fod yn berson gofalgar a digynnwrf ⁠ ⁠
Bydd yn ofynnol i chi ddod i gyfweliad

Mae pob lle'n amodol ar gyfweliad boddhaol ⁠.

Cyflwyniad

Cyflwynir y rhan fwyaf o'r cwrs yn y gweithle. ⁠ ⁠ ⁠ Fodd bynnag, bydd Dysgwyr Seiliedig ar Waith yn elwa ar gyfuniad o:

Wersi theori
Gweithdai ymarferol
Sesiynau masnachol
Arddangosiadau

⁠Nid yw dysgwyr y cyrsiau i therapyddion harddwch a thechnegwyr ewinedd yn dod i'r coleg ar gyfer gweithdai ymarferol a sesiynau theori. ⁠Bydd angen i'r salon ddarparu'r holl hyfforddiant technegol. Bydd cyfleoedd i ymgymryd â hyfforddiant yn salon y coleg yn ogystal â dod â chleientiaid i mewn pan fo angen. Bydd Asesydd yn gyfrifol am yr holl asesiadau a sesiynau theori sy'n digwydd yn y gweithle.

Os oes angen, bydd rhaid i chi fynychu sesiynau Cymwysterau Sgiliau Hanfodol ar safle coleg sy'n gyfleus i chi.

Asesiad

Ar y cwrs, cewch eich asesu drwy gyfuniad o'r dulliau a ganlyn:

Cwblhau Portffolio Electronig o asesiadau ymarferol ar gyfer aseiniadau a thasgau pob uned
Profion amlddewis ar y wybodaeth greiddiol (Arholiadau Ar-lein) Tasgau a phrofion seiliedig ar theori
Arsylwadau ac Asesiadau Seiliedig ar Waith
Bydd eich ymddygiad yn cael ei asesu hefyd, o ran aeddfedrwydd, datblygiad, rhyngweithio a chyfathrebu

Dilyniant

I'r rhaglen brentisiaeth Lefel 3 mewn Therapi Harddwch.
I gyflogaeth fel therapydd harddwch iau, technegydd ewinedd iau neu swyddi eraill ym maes harddwch, e.e. artist coluro iau neu ymgynghorydd harddwch.
Bydd dilyniant yn seiliedig ar fodloni gofynion cwsmeriaid ar gyfer y lefel uwch.
Mae'n bosibl symud ymlaen i gyrsiau perthnasol eraill fel Triniaethau Ewinedd neu Drin Gwallt.

Gwybodaeth campws Dysgu Seiliedig ar Waith

Mae'r cwrs ymarferol hwn wedi'i anelu at y rhai a hoffai ddilyn gyrfa mewn Therapi Harddwch, ac mae'n datblygu sgiliau hyd at y lefel sylfaen ac yn arwain at gyflogaeth fel Therapydd Harddwch Iau.

Gwybodaeth am yr Unedau

Llwybr 1 - Therapi Harddwch (Llwybr Cyffredinol)

Byddai Therapydd Harddwch Iau yn cael ei hyfforddi i ddarparu triniaethau sy'n cynnwys cwyro, trin dwylo, trin traed, trin wynebau a choluro yn ogystal â chynorthwyo gyda gweithrediadau sba.

I gyflawni'r cymhwyster llawn, rhaid i'r dysgwyr gwblhau 8 uned orfodol gwerth cyfanswm o 45 credyd ac unedau dewisol gwerth hyd at o leiaf 9 credyd i roi cyfanswm cyffredinol o 54 credyd.

UNEDAU GORFODOL

Sicrhau cyfrifoldeb am gamau gweithredu er mwyn lleihau'r risg i Iechyd a Diogelwch - 4 credyd (1 credyd Cymhwysedd a 3 chredyd Gwybodaeth)
Hyrwyddo gwasanaethau neu gynhyrchion ychwanegol i gleientiaid - 6 chredyd (2 gredyd Cymhwysedd a 4 credyd Gwybodaeth)
Datblygu a chynnal effeithlonrwydd wrth eich gwaith - 3 chredyd (2 gredyd Cymhwysedd ac 1 credyd Gwybodaeth)
Darparu triniaethau gofal croen i'r wyneb - 8 credyd (4 credyd Cymhwysedd a 4 credyd Gwybodaeth)
Gwella ymddangosiad aeliau ac amrannau - 5 credyd (3 chredyd Cymhwysedd a 2 gredyd Gwybodaeth)
Cynnal triniaethau cwyro - 7 credyd (4 credyd Cymhwysedd a 3 chredyd Gwybodaeth)
Darparu gwasanaethau trin dwylo - 6 chredyd (3 chredyd Cymhwysedd a 3 chredyd Gwybodaeth)
Cynnal triniaethau trin traed - 6 credyd (3 chredyd Cymhwysedd a 3 chredyd Gwybodaeth)

UNEDAU DEWISOL

Cyflawni dyletswyddau derbynfa salon - 3 chredyd (2 gredyd Cymhwysedd ac 1 credyd Gwybodaeth)
Tyllu clustiau - 2 gredyd (1 credyd Cymhwysedd ac 1 credyd Gwybodaeth)
Coluro - 6 chredyd (4 credyd Cymhwysedd a 2 gredyd Gwybodaeth)
Gwella ymddangosiad gan ddefnyddio cuddliw croen - 6 chredyd (4 credyd Cymhwysedd a 2 gredyd Gwybodaeth)
Cynorthwyo gyda gweithrediadau sba - 4 credyd (3 chredyd Cymhwysedd ac 1 credyd Gwybodaeth)
Darparu Triniaethau Edafu - 4 credyd (2 gredyd Cymhwysedd a 2 gredyd Gwybodaeth)

Llwybr 2 - Therapi Harddwch (Llwybr Coluro)

Byddai Ymgynghorydd Harddwch Iau yn cael ei hyfforddi i ddarparu triniaethau sy'n gofalu am y croen a defnyddio colur. Fel arfer bydd yn gweithio i wneuthurwr cynnyrch gan gynnig gwasanaethau ymgynghori, a hyrwyddo a gwerthu cynnyrch. Bydd Ymgynghorydd Harddwch Iau yn cael ei hyfforddi i ddarparu triniaethau gofalu am y croen, coluro, defnyddio cuddliw croen a gwella ymddangosiad aeliau ac amrannau.

I gyflawni'r cymhwyster llawn, rhaid i'r dysgwyr gwblhau 7 uned orfodol gwerth cyfanswm o 39 credyd ac unedau dewisol gwerth hyd at o leiaf 5 credyd i roi cyfanswm cyffredinol o 44 credyd.

UNEDAU GORFODOL

Sicrhau cyfrifoldeb am gamau gweithredu er mwyn lleihau'r risg i Iechyd a Diogelwch - 4 credyd (1 credyd Cymhwysedd a 3 chredyd Gwybodaeth)
Hyrwyddo gwasanaethau neu gynhyrchion ychwanegol i gleientiaid - 6 chredyd (2 gredyd Cymhwysedd a 4 credyd Gwybodaeth)
Datblygu a chynnal effeithlonrwydd wrth eich gwaith - 3 chredyd (2 gredyd Cymhwysedd ac 1 credyd Gwybodaeth)
Darparu triniaethau gofal croen i'r wyneb - 8 credyd (4 credyd Cymhwysedd a 4 credyd Gwybodaeth)
Gwella ymddangosiad aeliau ac amrannau - 5 credyd (3 chredyd Cymhwysedd a 2 gredyd Gwybodaeth)
Coluro - 6 chredyd (4 credyd Cymhwysedd a 2 gredyd Gwybodaeth)
Cyfarwyddo cleientiaid ar ddefnyddio cynhyrchion gofal croen a cholur - 7 credyd (5 credyd Cymhwysedd a 2 gredyd Gwybodaeth)

UNEDAU DEWISOL

Cyflawni dyletswyddau derbynfa salon - 3 chredyd (2 gredyd Cymhwysedd ac 1 credyd Gwybodaeth)
Tyllu clustiau - 2 gredyd (1 credyd Cymhwysedd ac 1 credyd Gwybodaeth)
Gwella ymddangosiad gan ddefnyddio cuddliw croen - 6 chredyd (4 credyd Cymhwysedd a 2 gredyd Gwybodaeth)
Cynorthwyo gyda gweithrediadau sba - 4 credyd (3 chredyd Cymhwysedd ac 1 credyd Gwybodaeth)
Darparu Triniaethau Edafu - 4 credyd (2 gredyd Cymhwysedd a 2 gredyd Gwybodaeth)

Unedau Sgiliau Hanfodol ychwanegol: (Os ydych eisoes wedi ennill cymhwyster cyfwerth, mae'n rhaid cael prawf o hynny)