Prentisiaeth - Gweinyddu Busnes Lefel 2

Mae gweinyddwyr angen ystod eang o sgiliau i weithio yn effeithiol ac i helpu cynyddu cynhyrchiant busnes.

Mae'r cwrs yn addas os ydych yn dechrau gwaith gweinyddu, eisio datblygu eich sgiliau neu'n newid llwybr eich gyrfa. Os oes gennych chi brofiad swyddfa eisoes, yna bydd y cwrs hwn yn gwella eich gwybodaeth a'ch sgiliau ac yn rhoi cymhwyster defnyddiol i chi.

Yn ystod y cwrs byddwch yn ymdrin ag ystod eang o bynciau, gan roi sgiliau a gwybodaeth gynhwysfawr i chi ym mhob agwedd ar waith gweinyddol.

Mae'r brentisiaeth hon yn defnyddio cymwysterau hyblyg, cyfredol dan arweiniad cyflogwyr sydd yn cyfarfod a'u hanghenion cyfnewidiol. Mae'n cynnwys sgiliau meddalach megis cyfathrebu, gweithio mewn tîm, sgiliau rhyngbersonol a'r gallu i fyfyrio ar eu dysgu.

Byddwch yn gallu datblygu eich sgiliau gwaith a chyflogadwyedd, yn ogystal ag ennill cymhwyster Lefel 2 cydnabyddedig.

Darperir profiad ymarferol ar y cwrs ar gyfer defnyddio offer swyddfa.

Mae'r pynciau'n cynnwys sgiliau gweinyddu busnes, sgiliau TG hanfodol, prosesu testun, profi bywyd gwaith a chreu/cynhyrchu dogfennau busnes

Bydd y rhai sy'n dilyn prentisiaeth sylfaen Lefel 2 yn gweithio mewn swyddifel gweinyddwyr, gweithwyr iau mewn

swyddfa, croesawyr, croesawyr meddygol, ysgrifenyddion cyfreithiol iau neu ysgrifenyddion meddygol iau.