Lefel AS/A Iaith a Llenyddiaeth Saesneg

Manylion Allweddol

Ar gael yn:
Llangefni, Pwllheli, Dolgellau
Dull astudio:
Llawn Amser
Hyd:
1-2 flynedd

Gwnewch gais

Oes gennych gwestiwn? Cysylltwch â ni!

Lefel AS/A Iaith a Llenyddiaeth Saesneg

Disgyblion sy'n Gadael yr Ysgol

Dolgellau

Apply now

Llangefni

Apply now

Pwllheli

Apply now

Wyt ti'n gwneud cais am fwy nag un pwnc Safon Uwch?

Gelli di wneud cais o'r dudalen hon a bydd cyfle i ti ychwanegu pynciau Safon Uwch eraill ar ddiwedd y broses ymgeisio. Gallwch ddod o hyd i'r grid pynciau Lefel A i wneud eich dewisiadau ar ein prif dudalen Lefel A.

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Oes gennych chi ddiddordeb mewn pwrpas iaith a'i natur? Hoffech chi ddatblygu sgiliau gwerthfawrogi llenyddiaeth a dadansoddi beirniadol? Mae'r cwrs hwn yn ymdrin ag amrywiaeth o bynciau Iaith a Llenyddiaeth Saesneg, sy'n darparu dilyniant naturiol o lefel TGAU. Mae'r cwrs yn rhoi cyfle i chi ystyried sut mae agweddau a gwerthoedd yn cael eu creu a'u cyfleu ar lafar ac yn ysgrifenedig.

Bydd y cwrs yn eich galluogi i ddatblygu eich sgiliau ysgrifennu yn ogystal ag astudio drama, barddoniaeth a thestunau rhyddiaith o bersbectif ieithyddol a llenyddol. Mae'r ail flwyddyn yn adeiladu ar ac yn ehangu eich astudiaethau, gan alluogi gwerthfawrogiad o arwyddocâd diwylliannol y byd llenyddol modern a chlasurol.

Gall gyflawni'r cwrs fel rhan o raglen lawn-amser, ar y cyd â phynciau Lefel AS/A eraill, neu o bosib gyda chyrsiau Lefel 3 eraill.

Gofynion mynediad

Wyt ti'n bwriadu gwneud cais i ddilyn cwrs Lefel A? Dewisa 'Gwneud Cais' ar gyfer unrhyw un o'r pynciau mae gen ti ddiddordeb yn ei astudio. Gelli nodi dy ddau bwnc Lefel A arall wrth wneud y cais ar-lein.

Ceir gridiau o'r pynciau Safon Uwch sy'n cael eu cynnig ar bob campws yn yr adran Lefel A ar y wefan.

I gael lle ar y cwrs hwn byddwch angen:

6 TGAU gradd C neu uwch, yn cynnwys Saesneg neu Gymraeg Iaith Gyntaf
TGAU gradd B mewn Saesneg Iaith Gyntaf a Llenyddiaeth Saesneg

Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.

Mae dilyniant i Lefel A yn ddibynnol ar eich perfformiad yn eich arholiadau AS.

Cyflwyniad

Cyflwynir y cwrs drwy gyfuniad o'r canlynol:

Dysgu yn y dosbarth
Trafodaethau
Darllen ac ysgrifennu dadansoddol
Ymchwilio'n annibynnol
Gwaith grŵp
Dadleuon

Bydd eich rhaglen yn cynnwys cyfuniad o:

Cymwysterau Sgiliau Hanfodol a/neu
Ailsefyll TGAU a/neu
Bagloriaeth Cymru

Bagloriaeth Cymru

Mae Bagloriaeth Cymru'n gymhwyster gwerthfawr a astudir yn aml ochr yn ochr â chwrs llawn amser.

Caiff y cymhwyster, sy'n werth hyd at 120 pwynt UCAS, ei raddio A*–E a bydd yn rhoi i chi sgiliau personol a sgiliau busnes trosglwyddadwy. Mae prifysgolion a chyflogwyr yn ei ystyried yn gymhwyster gwerthfawr.

Yn rhan o'r cymhwyster, byddwch yn dysgu am Ddinasyddiaeth Fyd-eang, Mentergarwch a Chyflogadwyedd, yn cymryd rhan mewn gweithgareddau ymgysylltu â'r gymuned ac yn mynd ar brofiad gwaith.

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.

Asesiad

Mae'r cwrs yn cael ei asesu fel a ganlyn:

Cynhelir arholiadau allanol ym mis Mehefin bob blwyddyn
Gwaith cwrs

Dilyniant

Os ydych chi'n cyflawni Lefel A lawn neu Lefel AS, bydd gennych gymhwyster gwerthfawr a fydd o gymorth i chi ddatblygu.

Byddwch yn ennill pwyntiau UCAS a gallwch wneud cais am amrywiaeth o gyrsiau Addysg Uwch mewn sawl sefydliad, gan gynnwys Grŵp Llandrillo Menai. Mae'r rhain yn cynnwys cyrsiau Ieithyddiaeth a phynciau ieithyddol eraill, a llawer mwy.

Byddwch hefyd yn gwella'ch rhagolygon o ran gyrfa, ac os dewiswch fynd yn syth i fyd gwaith, gallwch wneud cais am ystod eang o swyddi.

Gwybodaeth campws Llangefni

Gwybodaeth Uned

Blwyddyn 1:

Uned 1 - Dadansoddiad cymharol ac ysgrifennu creadigol.

Adran A: Dadansoddiad cymharol o un gerdd o flodeugerdd CBAC a thestun nas gwelwyd o'r blaen.

Adran B: dau ddarn o waith ysgrifennu creadigol a sylwebaeth gymharol.

Uned 2 - Drama ac astudiaeth o destun nad yw'n llenyddol (arholiad llyfr agored)

Drama: Kindertransport gan Diane Samuels

Testun nad yw'n llenyddol: Down and out in Paris and London gan George Orwell

Blwyddyn 2:

Uned 3: Shakespeare (arholiad llyfr caeedig) Dau gwestiwn arholiad ar Othello.

Uned 4: Testunau nas gwelwyd o'r blaen ac astudiaeth o ryddiaith (arholiad llyfr agored)

Adran A: Dadansoddiad cymharol o destunau nas gwelwyd o'r blaen.

Adran B: Astudiaeth o Ryddiaith - The Handmaid's Tale gan Margaret Atwood

Uned 5: Astudiaeth o genre critigol a chreadigol (gwaith cwrs)

Adran A: Astudiaeth feirniadol a pharhaus o genre rhyddiaith.

Adran B: Un darn o ysgrifenedig gwreiddiol sy'n gysylltiedig ag astudio genre.

Gwybodaeth campws Dolgellau

Blwyddyn 1 AS

Uned 1: Dadansoddi Cymharol ac Ysgrifennu Creadigol (Arholiad Ysgrifenedig: 2 awr)

Adran A: Dadansoddi barddoniaeth a thestunau na fyddwch wedi eu gweld o'r blaen yn gymharol

Mae'r uned hon yn datblygu eich gallu i ddarllen a chymharu amrywiaeth o destunau. Mae'r Detholiad o farddoniaeth yn cynnwys ystod eang o farddoniaeth a ysgrifennwyd rhwng diwedd yr unfed ganrif ar bymtheg ac 1914. Y bwriad yw cyflwyno dysgwyr i ddatblygiad hanesyddol yr iaith Saesneg ac i gyfoeth ei thraddodiad barddol, yn ogystal â thynnu sylw at sut y mae cynnwys ac arddull barddoniaeth wedi amrywio dros amser. Yn yr arholiad bydd yn ofynnol i fyfyrwyr ddadansoddi cerdd yn gymharol ag un o blith dau destun.

Adran B: Ysgrifennu Creadigol a Sylwebu

Bwriad yr uned hon yw cael myfyrwyr i ymgysylltu â'r broses greadigol gan roi cyfle iddynt feithrin eu sgiliau ysgrifennu eu hunain mewn gwahanol ffurfiau ac ar gyfer amrywiaeth o ddibenion. Yn ogystal, bydd disgwyl i ymgeiswyr ysgrifennu sylwebaeth gymharol ar ddau destun maent wedi'u cynhyrchu.

Uned 2: Drama ac Astudio Testunau Llenyddol ac Anllenyddol (Arholiad Ysgrifenedig: 2 awr)

Adran A: Drama o'r cyfnod wedi 1900

Byddwch yn astudio 'A Streetcar Named Desire' gan Tennessee Williams. Canolbwyntia'r adran hon ar gyd-destun y testun dramatig, gan ddadansoddi detholiad o'r ddrama yn ogystal ag ymateb iddi'n estynedig.

Adran B: Astudiaeth o Destun Anllenyddol

Byddwch yn astudio 'In Cold Blood' gan Truman Capote gan ddefnyddio dulliau dadansoddi ieithyddol a llenyddol priodol.

Blwyddyn 2 (A2)

Uned 3: Shakespeare (Arholiad Ysgrifenedig 2 awr)

Bwriad yr uned hon yw eich cyflwyno i ddrama Shakespeare 'The Tempest'

Uned 4: Astudio Rhyddiaith a Thestunau Nas Gwelwyd o'r Blaen (Arholiad Ysgrifenedig: 2 awr)

Adran A: Dadansoddi Testunau na Fyddwch wedi'u Gweld o'r Blaen yn Gymharol

Bydd yr adran hon yn ymestyn eich gallu i gyferbynnu mathau gwahanol o destunau o wahanol gyfnodau. Byddwch yn dysgu sut i lunio dadansoddiad cymharol manwl o dri thestun na fyddwch wedi'u gweld o'r blaen ac sy'n dod o amrywiol gyd-destunau.

Adran B: Astudio Rhyddiaith

Yn yr uned hon byddwch yn darllen y nofel 'Tess of the D'Urbervilles'gan Thomas Hardy. Byddwch yn dysgu sut i gynhyrchu darn estynedig gan integreiddio sgiliau ieithyddol a llenyddol.

Uned 5: Astudiaeth Feirniadol a Chreadigol o Genre

Adran A: Astudiaeth o Genre

Dyma gyfle i astudio testunau o genre o'ch dewis chi a chyflwyno astudiaeth 1500 - 2000 gair sy'n seiliedig ar y deunydd a ddarllenoch.

Adran B: Ysgrifennu Creadigol Cysylltiedig

Gofynnir i chi ysgrifennu darn gwreiddiol o tua 1000-1500 gair yn yr un genre â'r un a astudiwyd gennych. Bydd eich gwaith creadigol yn cael ei lywio gan yr ymchwil a wnaethoch ar gyfer Adran A.

Gwybodaeth campws Pwllheli

Blwyddyn 1 AS

Uned 1: Dadansoddi Cymharol ac Ysgrifennu Creadigol (Arholiad Ysgrifenedig: 2 awr)

Adran A: Dadansoddi barddoniaeth a thestunau na fyddwch wedi eu gweld o'r blaen yn gymharol

Adran B: Ysgrifennu Creadigol a Sylwebu

Uned 2: Drama ac Astudio Testunau Llenyddol ac Anllenyddol (Arholiad Ysgrifenedig: 2 awr)

Adran A: Drama o'r cyfnod wedi 1900

Adran B: Astudiaeth o Destun Anllenyddol

Byddwch yn astudio 'In Cold Blood' gan Truman Capote gan ddefnyddio dulliau dadansoddi ieithyddol a llenyddol priodol.

Blwyddyn 2 (A2)

Uned 3: Shakespeare (Arholiad Ysgrifenedig 2 awr)

Bwriad yr uned hon yw eich cyflwyno i ddrama Shakespeare 'The Tempest'

Uned 4: Astudio Rhyddiaith a Thestunau Nas Gwelwyd o'r Blaen (Arholiad Ysgrifenedig: 2 awr)

Adran A: Dadansoddi Testunau na Fyddwch wedi'u Gweld o'r Blaen yn Gymharol

Adran B: Astudio Rhyddiaith

Yn yr uned hon byddwch yn darllen y nofel 'Tess of the D'Urbervilles'gan Thomas Hardy. Byddwch yn dysgu sut i gynhyrchu darn estynedig gan integreiddio sgiliau ieithyddol a llenyddol.

Uned 5: Astudiaeth Feirniadol a Chreadigol o Genre

Adran A: Astudiaeth o Genre

Dyma gyfle i astudio testunau o genre o'ch dewis chi a chyflwyno astudiaeth 1500 - 2000 gair sy'n seiliedig ar y deunydd a ddarllenoch.

Adran B: Ysgrifennu Creadigol Cysylltiedig

Gofynnir i chi ysgrifennu darn gwreiddiol o tua 1000-1500 gair yn yr un genre â'r un a astudiwyd gennych. Bydd eich gwaith creadigol yn cael ei lywio gan yr ymchwil a wnaethoch ar gyfer Adran A.