BA (Anrh) yn y Celfyddydau Coginio

Manylion Allweddol

Ar gael yn:
Llandrillo-yn-Rhos
Dull astudio:
Rhan amser, Llawn Amser
Hyd:
Llawn amswer: 1 flwyddyn NEU rhan-amser: 2 flynedd. Hefyd ar gael fel modiwlau.
Dydd Mawrth a dydd Gwener, 9am - 5pm
Cod UCAS:
D600

BA (Anrh) yn y Celfyddydau Coginio

Cyrsiau Lefel Prifysgol

Llawn Amser

Mae dwy ffordd o wneud cais i ddilyn cwrs addysg uwch llawn amser - un ai trwy UCAS neu'n uniongyrchol i'r coleg.

Gwneud cais trwy UCAS:
Dylech wneud cais trwy UCAS os ydych ar hyn o bryd yn dilyn cyrsiau Lefel A, cwrs galwedigaethol Lefel 3 (h.y. BTEC) neu gwrs Mynediad i Addysg Uwch, neu os hoffech gyflwyno cais i fwy nag un darparwr addysg uwch.

Gwnewch gais drwy UCAS

Gwneud Cais i'r Coleg:
Os mai'r coleg yw'ch unig ddewis, neu os ydych eisoes yn meddu ar y cymwysterau neu'r profiad i fodloni gofynion eich cwrs, dylech gyflwyno cais uniongyrchol i'r campws o'ch dewis.

Mae'r system gwneud ceisiadau ar gau ar hyn o bryd.

Rhan Amser

Os ydych yn gwneud cais i astudio'n rhan-amser gallwch gyflwyno cais uniongyrchol i'r campws o'ch dewis.

Mae'r system gwneud ceisiadau ar gau ar hyn o bryd.

Disgrifiad o'r Cwrs

Hoffech chi gael gyrfa gyffrous yn y Celfyddydau Coginio? Ydych chi'n gweithio yn y sector yn barod, ac eisiau gwella eich sgiliau, eich rhagolygon gwaith neu eich busnes?

Os ydych eisoes wedi cwblhau Gradd Sylfaen neu HND yn y Celfyddydau Coginio (neu gymhwyster cyfwerth), mae'r cwrs hwn yn gyfle ichi gwblhau gradd BA (Anrh) lawn. Gallech wella eich rhagolygon gwaith mewn gwahanol fusnesau ar draws y celfyddydau coginio a'r diwydiannau lletygarwch.

Mae modiwlau yn cynnwys:

Materion Cyfoes mewn Lletygarwch a Thwristiaeth
Creu Profiadau Bwyd a Diod
Moeseg y Celfyddydau Coginio
Arloesi a Newid Gastronomegol
Traethawd Hir / Prosiect Ymchwil

Gwybodaeth Ychwanegol

Mae gwybodaeth fanylach am Fodiwlau yn yr adran 'Gwybodaeth Ychwanegol yn ôl Campws/Cwrs'.

Gofynion mynediad

Gofynion Academaidd:

Gradd Sylfaen (FdA) yn y Celfyddydau Coginio; neu
HND mewn Rheolaeth Lletygarwch (Celfyddydau Coginio)

Pan fo myfyrwyr wedi cael seibiant o'u hastudiaethau ar ôl cwblhau eu Gradd Sylfaen, dylid gwneud ceisiadau am fynediad uniongyrchol trwy'r broses Trosglwyddo Credydau.

Gofynion Iaith:

Yn rhugl yn y Gymraeg/Saesneg, gyda chymhwyster cyfwerth â TGAU gradd C/4 neu'n uwch
Dylai unrhyw radd, diploma neu dystysgrif gymwys fel a nodir uchod fod wedi cael eu dysgu a'u hasesu yn Gymraeg/Saesneg.
Ar gyfer ymgeiswyr o dramor, i gael mynediad i Lefel 4: IELTS 5.5 neu'n uwch (heb ddim elfen yn is na 5.0)
Ar gyfer ymgeiswyr o dramor, i gael mynediad i Lefel 5: IELTS 6.0 neu'n uwch (heb ddim elfen yn is na 5.5).

Mae pob lle'n amodol ar gyfweliad boddhaol.

Os nad yw eich cymwysterau yn bodloni'r gofynion mynediad a restrir ar daflen y cwrs, byddem yn parhau i'ch annog i gyflwyno cais am y cwrs sydd o ddiddordeb i chi, gan y bydd llawer o'n cyrsiau yn ystyried dysgwyr ar sail eu profiad gwaith a'u sgiliau blaenorol yn hytrach na'u cymwysterau.

Cyflwyniad

Mae'r cwrs yn cael ei ddarparu drwy gyfuniad o'r canlynol:

Darlithoedd
Cyflwyniadau
Gweithdai
Gwaith grŵp
Siaradwyr gwadd
Ymweliadau â diwydiant
Seminarau
Tasgau dan arweiniad
Tiwtorialau
Dysgu sy'n canolbwyntio ar y myfyriwr

Ffioedd

Ewch i'n tudalen ffioedd cyrsiau i gael gwybodaeth am ffioedd ein cyrsiau gradd llawn amser a rhan-amser.

Cymorth Ariannol

Ewch i'n tudalen cymorth ariannol i gael gwybodaeth am yr ystod o gefnogaeth sydd ar gael.

Gall costau ychwanegol fod yn gysylltiedig â'r canlynol:

Dillad gwyn gogyddion ac offer coginio fel cyllyll cogyddion, clorian digidol, cyllido tua £100 am hyn.
Ymweliadau astudio, cyllido tua £150 ar gyfer hyn
Mae cymwysterau ychwanegol ar gael fel Dyfarniad BIIAB i Ddeiliaid Trwydded Bersonol, Dyfarniad mewn Diogelwch Bwyd, cost nodweddiadol yw £60 i £80 y cymhwyster
mae aelodaeth i'r Sefydliad Lletygarwch yn rhad ac am ddim ar hyn o bryd

Cewch wybodaeth fanylach yn eich cyfweliad ac yn y ddogfen dilysu rhaglen am gostau eraill sy'n gysylltiedig â'ch cwrs a'ch lleoliad/profiad gwaith (os yw hynny'n berthnasol).

Dyddiad cychwyn

Mis Medi

Amserlen

Llawn amser: 1 blwyddyn, 2 diwrnod yr wythnos (fel arfer 9.00 am - 5.00 pm)
Rhan-amser: 2 flynedd, 1 diwrnod yr wythnos (fel arfer 9.00 am - 5.00 pm)

Cyswllt

Michael Garner (Rhaglen Arweinydd): garner1m@gllm.ac.uk

Jo Reid (Gweinyddiaeth): reid1j@gllm.ac.uk

Asesiad

Mae'r cwrs yn cael ei asesu drwy gyfuniad o'r canlynol:

Portffolios unigol
Dyddiadur dysgu
Traethodau
Adroddiadau
Astudiaethau achos
Cyflwyniadau
Adroddiadau grŵp
Traethawd hir

Adborth

Caiff asesiadau eu marcio a'u dychwelyd i fyfyrwyr gydag adborth adeiladol a datblygiadol pan fo hynny'n berthnasol. Mae adborth effeithiol yn cyfuno gwybodaeth sy'n galluogi myfyrwyr i ddeall cryfderau a chyfyngiadau eu perfformiad blaenorol, a gwybodaeth sy'n eu galluogi i ddeall sut y gellid gwella eu perfformiad yn y dyfodol. Bydd myfyrwyr yn derbyn adborth yn brydlon a bydd yr adborth hwn yn cyfiawnhau sut y dyfarnwyd y radd. Caiff myfyrwyr gyfle i fyfyrio ar yr adborth a gawsant ac i nodi eu cryfderau, pethau a fu'n heriol iddynt a meysydd y mae angen eu datblygu, er mwyn gwella eu hasesiad nesaf. Bydd yr adborth yn cynnwys cysylltu tystiolaeth â meini prawf asesu, er mwyn dangos sut y bydd y myfyriwr wedi bodloni'r canlyniadau dysgu.

Dilyniant

Os ydych yn gweithio'n barod yn y sector coginio, bydd eich gradd BA (Anrh) yn rhoi cyfle ichi gael mwy o gyfrifoldebau a statws uwch. Gall graddedigion eraill symud ymlaen at astudiaethau is-raddedig neu broffesiynol eraill, neu gychwyn gyrfa mewn ystod o feysydd lletygarwch a chelfyddydau coginio.

Mae'r cwrs hwn yn fodd i chi barhau â'ch datblygiad proffesiynol. Cewch ddilyn modiwlau unigol sy'n rhan o'r rhaglen, gan ehangu'ch gwybodaeth. Daw hyn â manteision posibl i sefydliadau yn ogystal ag i unigolion.

Gwybodaeth campws Llandrillo-yn-Rhos

Disgrifiad cwrs

Mae'r rhaglen hon wedi'i dyfeisio i ddatblygu eich dealltwriaeth o Gelfyddydau Coginio a Lletygarwch, gan wella ar y wybodaeth a'r sgiliau a ddysgoch ar Lefel 4 a Lefel 5. Bydd yn gyfle ichi ennill arbenigedd ac i wella eich sgiliau ymarferol, tra'n ennill gradd academaidd lawn ar yr un pryd.

Wrth ichi barhau i ddysgu mwy am y Celfyddydau Coginio, byddwch yn gallu astudio pynciau mwy arbenigol a chynhwysfawr. Byddwch yn dysgu mwy am faes amrywiol gastronomeg artistig, a bydd gennych gyfle i ganolbwyntio ar greu profiadau bwyd a diod.

Byddwch yn dadansoddi materion cyfoes yn y diwydiannau coginio a lletygarwch, ac yn dod i ddeall creadigrwydd a datblygu cynnyrch yn well. Bydd hyn yn cynnwys edrych ar bynciau fel moeseg ac arloesi gastronomegol.

Byddwch yn dysgu am yr amgylchedd busnes a'i effaith ar y diwydiannau coginio a lletygarwch, ac yn ennill dealltwriaeth o sut y mae'r diwydiant lletygarwch yn cyfrannu at economi'r byd.

Defnyddir siaradwyr gwadd yn gyson drwy gydol y rhaglen hon, ac mae eu mewnbwn yn cynnig cipolwg gwerthfawr ar agweddau ymarferol neu 'fyd go iawn' y celfyddydau coginio. Byddwch yn gallu elwa o arbenigedd y siaradwyr gwadd hyn a hefyd yn cael syniad o'r cyfleoedd sydd ar gael ichi yn y sector coginio.

Gwybodaeth uned

Am bob 10 credyd, dylai myfyrwyr ymgysylltu â thua 100 o oriau tybiannol o ddysgu. Bydd hyn oddeutu 30% o gyswllt dysgu uniongyrchol, a 70% o ddysgu annibynnol i fyfyrwyr.

Mae'r cwrs yn cynnwys y modiwlau canlynol:

Lefel 6:

Materion Cyfoes ym maes y Celfyddydau Coginio

Mae'r modiwl materion cyfoes yn rhoi cyfle i'r myfyrwyr ystyried a gwerthuso'r tueddiadau a'r heriau presennol sy'n wynebu'r diwydiannau arlwyo a lletygarwch o safbwynt mewnol ac allanol. Bydd y materion cyfoes sy'n rhan o'r modiwl hwn yn arwain at bwyntiau drafod i'w dadansoddi'n feirniadol gan geisio cynnig atebion posibl.

Traethawd (40%) / Astudiaeth Achos 40%) / Cyflwyniad (20%)

Creu Profiadau ym maes Bwyd a Diod
Nod y modiwl yw diffinio'r economi sy'n seiliedig ar greu profiadau ym maes bwyd a diod a dadansoddi'n feirniadol pam fod yr economi hon wedi dod i fod. Dadansoddir modelau traddodiadol o ymddygiad cwsmeriaid ochr yn ochr â modelau mwy cyfoes. Yn ogystal, caiff tueddiadau rhyngwladol ym maes bwyd a diod, cyfryngau cymdeithasol, marchnata a demograffeg-gymdeithasol eu gwerthuso. ⁠Bydd gwybodaeth yn cael ei chyfosod i lunio a chyflwyno cysyniad creadigol a dyfeisgar ar gyfer profiad bwyd a diod.

Traethawd (40%) / Cynnig (30%) / Cyflwyniad a Thrafodaeth (30%)

Moeseg yn y Celfyddydau Coginio
Nod y modiwl moeseg yw archwilio a gwerthuso egwyddorion a damcaniaethau moesegol mewn cyd-destunau'n ymwneud ag arlwyo a lletygarwch. Bydd damcaniaethau'n cael eu trafod a'u gwerthuso er mwyn gweld eu gwerth i'r diwydiant arlwyo a lletygarwch cyfoes. Yn ogystal, trafodir dylanwadau lleol a byd-eang er mwyn gweld pa mor bwysig yw cyfraniad y rhanddeiliaid gwahanol yng nghyd-destun arlwyo a lletygarwch.

Traethawd (40%) / Papur Seminar (30%) / Cyflwyniad/Trafodaeth (30%)

Arloesedd a Newid ym maes Gastronomeg
Nod y modiwl hwn yw asesu effaith yr arferion sy'n cael eu datblygu a'u hyrwyddo gan rai o'r cogyddion mwyaf dylanwadol ac uchel eu parch. Gwerthusir mudiadau bwyd modernaidd gan gydnabod effaith a dylanwad datblygiadau ym maes gastronomeg. ⁠Edrychir ar y berthynas rhwng cynhyrchu bwyd ar raddfa eang a chiniawa elitaidd yn ogystal â'r berthynas agosach rhwng bwyd a gwyddoniaeth. Trafodir yr hyn sy'n ysgogi arloesedd a phrosesau creadigol ac edrychir ar y duedd gynyddol i gynnig profiadau bwyta amlsynnwyr.

Traethawd (45%) / Astudiaeth Achos 35%) / Cyflwyniad (20%)

Traethawd Hir / Prosiect Ymchwil
Nod a phwrpas y modiwl hwn yw cynnig a chwblhau traethawd ymchwil estynedig mewn cyd-destun a fydd yn cefnogi datblygu ystod o sgiliau academaidd a sgiliau trosglwyddadwy fel dadansoddi a gwerthuso sgiliau, rheoli amser a meddwl yn feirniadol. ⁠Gellir cyflwyno'r prosiect ymchwil mewn fformatau amrywiol a gall gynnwys cyfleoedd i gynnal prosiect ymchwil yn y 'byd go iawn' trwy weithio gyda sefydliad penodol ym maes arlwyo neu letygarwch fel y bo'n briodol.

Traethawd Hir / Prosiect Ymchwil (100%)