BA (Anrh) Celf Gain

Disgrifiad cwrs

Mae'r BA mewn Celf Gain yng Ngholeg Menai yn anelu at fod yn brofiad heriol a chyffrous wedi ei addysgu gan artistiaid wrth eu gwaith gydag sydd ag enw da yn genedlaethol ac yn rhyngwladol. Mae'r cwrs hwn yn cynnig i ddysgwyr y cyfle i archwilio themâu, syniadau a diddordebau creadigol personol drwy amrywiaeth eang o ddisgyblaethau gan gynnwys: lluniau, paentiadau cerflunio, gwneud printiau a gweithgareddau aml-gyfryngol.

Mae modylau Dyfodol Creadigol yn datblygu amrywiol brosiectau gyda phartneriaid a sefydliadau allanol; mae'r rhain yn arfogi dysgwyr gyda dealltwriaeth o'r cyfleoedd ehangach ar gyfer galwedigaeth o fewn y sector Celfyddydau.

Gwybodaeth am yr unedau

Am bob 10 credyd, dylai myfyrwyr ymgysylltu â thua 100 o oriau tybiannol o ddysgu. Bydd hyn oddeutu 30% o gyswllt dysgu uniongyrchol a 70% o ddysgu annibynnol i fyfyrwyr.

Blwyddyn 1 (Lefel 4)

Defnyddiau a Dulliau 1 (20 credyd, craidd)
Cynhelir gweithdai ar Wneud Printiau, Cerflunio/3D a Chyfryngau Digidol/Seiliedig ar Amser sy'n cyflwyno amryw o brosesau, defnyddiau a thechnegau ac yn rhoi sylw priodol i gyfarwyddiadau iechyd a diogelwch perthnasol. Ategir hyn trwy ddysgu yn y stiwdio. (Portffolio 100%)

Cysyniadau ac Ymarfer mewn Celfyddyd Gain (20 credyd, gorfodol)
Mae'r modiwl hwn yn annog y myfyrwyr i fentro'n greadigol ac i fod yn chwilfrydig ac adfyfyriol wrth ymdrin â defnyddiau, prosesau a syniadau. (Portffolio 80%/Blog 20%)

Cyflwyniad i Ymchwil Weledol mewn Celfyddyd Gain (20 credyd, gorfodol)
Mae'r modiwl hwn yn cynnwys tasgau cyfeiriedig mewn grwpiau ac yn datblygu unigolion drwy diwtorialau a thrafodaethau beirniadol mewn grŵp. Cyflwynir y myfyrwyr i amrywiaeth o ddefnyddiau er mwyn ehangu eu gallu i gywain gwybodaeth a rhoi syniadau ar waith a all fod yn sail i waith unigol yn y stiwdio. (Portffolio 80%/Blog 20%)

Celf a Dylunio mewn Cyd-destun 1 (20 credyd, craidd)
Nod y modiwl hwn yw cyflwyno dysgwyr i natur hanesyddol a diwylliannol celf a dylunio trwy gyfrwng darlithoedd, cyflwyniadau ac ymweliadau ag arddangosfeydd. (Traethawd 50%/Cyflwyniad 25%/Blog 25%)

Cyd-destun Safle ac Ymarfer 1
Mae'r modiwl hwn yn cyflwyno cyd-destunau safleoedd a chysylltiadau cymdeithasol mewn celfyddyd gain gyfoes. Rhoddir y pwyslais ar gwestiynu trwy ymchwilio i'r ffactorau daearyddol, cymdeithasol a gwleidyddol y gellir eu hystyried yng nghyd-destun ymarfer cyfoes. (Portffolio 80%/Blog 20%)

Dadadeiladu ac Ailadeiladu (20 credyd, craidd)

Canolbwyntia'r modiwl hwn ar y ffyrdd y gall y myfyrwyr ddysgu o astudio celf y gorffennol. Mae'n ofynnol i'r myfyrwyr ymchwilio'n fanwl i waith a ddewiswyd, un ai'n waith 2D neu 3D, trwy ddarlunio a mathau eraill o ymchwil weledol, hanesyddol a beirniadol. (Portffolio 80%/Blog 20%)

Blwyddyn 2 (Lefel 5)

Ymchwil ac Ymarfer ym maes Celfyddyd Gain (30 credyd, gorfodol)
Bydd y modiwl hefyd yn annog y myfyrwyr i ddatblygu dull beirniadol ymchwiliol a dadansoddol wrth ystyried datblygiad a chyfosodiad theori ac ymarfer yn eu gwaith eu hunain ac yng ngwaith pobl eraill. (Portffolio 80%/Blog 20%)

Celf a Dylunio mewn Cyd-destun 2 (20 credyd, gorfodol)
Mae'r modiwl hwn yn adeiladu ar y gwaith o edrych ar y cyd-destun hanesyddol a wnaed ar lefel 4. Caiff dulliau cyfoes o ymarfer celfyddyd gain eu harchwilio, eu trafod a'u harddangos. (Cyflwyniad 25%/Traethawd 50%/Ffolder Ymchwil ar y Blog 25%)

Defnyddiau a Dulliau mewn Celfyddyd Gain 2 (20 credyd, gorfodol)
Yn y modiwl hwn, adeiledir ar weithdai lefel 4 blaenorol ar Waith Lens, Cerflunio, Gwneud Printiau, a Chyfryngau Digidol. (Portffolio 100%)

Datblygu Ymarfer yn y Stiwdio (30 credyd, gorfodol)
Mae'r modiwl hwn yn adeiladu ar y profiad a enillwyd ar lefel 4 ac yn annog y myfyrwyr i ddefnyddio stiwdio'n effeithiol i ddatblygu eu gwaith celfyddyd gain. (Gwaith ymarferol terfynol at yr arddangosfa 80%/Datganiad a blog adfyfyriol 20%)

Cyd-destun Safle ac Ymarfer 2 (20 credyd, gorfodol)
Mae'r modiwl hwn yn cefnogi myfyrwyr i ehangu eu gwybodaeth o gyd-destun proffesiynol ar gyfer ymarfer Celf a Dylunio. Bydd yn datblygu ac yn gwella strategaethau perthnasol ar gyfer cynllunio, curadu, arddangos a dogfennu gwaith mewn gwahanol ffyrdd, gan gynnwys cyhoeddi ac arddangos drwy gyfryngau analog, digidol ac ar-lein. (Portffolio gyda chynnig ar gyfer y prosiect 50%/Blog sy'n dogfennu'r gwaith o werthuso'r prosiect arddangos 50%)

Blwyddyn 3 (Lefel 6)

Traethawd Hir/Amgueddfa Ddychmygol (20 credyd, gorfodol)
Nod y modiwl hwn yw datblygu ac atgyfnerthu gallu myfyrwyr i ymgymryd â phrosiect ymchwil mawr sy'n gysylltiedig â'u gwaith stiwdio eu hunain. Mae'n galluogi'r myfyrwyr i wneud gwaith ymchwil estynedig ar bwnc o'u dewis y cytunwyd arno (addas i ymchwil beirniadol a chyd-destunol) sy'n berthnasol i ymarfer celfyddyd gain neu ddylunio cyfoes. (Prosiect ymchwil curadurol unigol estynedig (yn cynnwys traethawd 2,500 gair) neu draethawd 5,000 gair sy'n cwmpasu’r holl ddeilliannau dysgu 100%)

Astudio’n Annibynnol 1 - Ymchwilio a Chreu (40 credyd, gorfodol)
Bydd myfyrwyr yn cynllunio, negodi a chwblhau corff o waith. Unwaith y bydd cynnig ysgrifenedig a chynllun gwaith ymarferol wedi'u cwblhau a'u trafod bydd y myfyrwyr yn dechrau ar y gwaith ymchwilio, arbrofi a datblygu a fydd yn arwain at synthesis o'u prosiect. (Portffolio 100%)

Lleoli Ymarfer Proffesiynol (20 credyd, gorfodol)
Yn y modiwl hwn mae'r myfyrwyr yn datblygu eu sgiliau arddangos a'u gallu i ddogfennu a chyflwyno eu gwaith mewn ffordd sy'n cyd-fynd â'u nodau proffesiynol unigol. (Portffolio 75% / Arholiad Llafar/Cyflwyniad 25%)

Astudio’n Annibynnol 2 - Arddangosyn (40 credyd, gorfodol)
Mae prif bwyslais y modiwl terfynol hwn ar yr arddangosfa radd. Mae hefyd yn dynodi'r cyfnod pontio i fywyd y tu hwnt i'r brifysgol y mae'r rhaglen drwyddi draw wedi bod yn paratoi myfyrwyr ar ei gyfer. Bydd yr arddangosfa radd o reidrwydd yn ystyried dulliau o gyflwyno gwaith, hunanwerthuso beirniadol, profiad proffesiynol wrth weithio gydag oriel allanol a datblygu sgiliau cyfathrebu a threfnu unigol ac mewn grŵp. (Portffolio 80%/Blog 20%)