Dyfarniad Lefel 3 City & Guilds mewn Gwallt Priodasol

Cwrs byr proffesiynol - mae'r Dyfarniad mewn Steilio Gwallt Priodasol wedi'i anelu at unigolion sydd eisiau ehangu eu sgiliau gosod y gwallt i fyny a gwella eu hyder gyda steilio gwallt priodasol.

Bydd y cymhwyster hwn yn rhoi i chi'r wybodaeth a'r sgiliau sydd eu hangen arnoch i ddefnyddio gwahanol dechnegau i osod y gwallt i fyny a chreu gwahanol edrychiadau.

Byddwch yn llunio llyfr steiliau i adlewyrchu'r technegau a ddysgwyd ac yn ei gyflwyno fel aseiniad i'w farcio.

Bydd arnoch angen tri model gwallt hir ar gyfer eich asesiadau gan greu tri edrychiad gwahanol.

Ar y cwrs hwn, cewch ddysgu pa steiliau priodasol sy’n ffasiynol, gan feithrin technegau newydd a sgiliau traddodiadol. Byddwch yn magu hyder ac yn cael syniadau newydd ar gyfer trin gwallt priodasferch. Mae'r cwrs yn addas ar gyfer unrhyw un sydd am ddatblygu ei sgiliau trin gwallt neu sydd am ddysgu sut i greu steiliau gwallt hir clasurol ffasiynol a chyfoes sy'n berffaith ar gyfer priodferched. Bydd y cwrs hwn yn eich ysbrydoli i greu steiliau priodasol arbennig, gan gynnwys edrychiadau ar gyfer y dydd a'r min nos.

Mae'r cwrs hwn yn cynnwys:

• Steilio gwallt hir gan gynnwys rholiau, clymau, troelliadau, plethi, cyrlau ac effeithiau gwehyddu
• Darnau gwallt, addurniadau - defnyddio darnau ac addurniadau dros dro i greu steiliau trawiadol
• Creu steiliau priodasol clasurol a chyfoes