Cyflwyniad i Sgiliau Cwnsela Sylfaenol Lefel 2

Rhaid i chi fod yn 19 oed o leiaf ar ddechrau'r cwrs i astudio ar gyfer y cymhwyster hwn.

Cwrs rhagarweiniol yw hwn a gynlluniwyd i roi pobl ar ben y ffordd gyda chwnsela ac i ddynodi'r sgiliau sy'n angenrheidiol i ddatblygu yn eu rôl broffesiynol neu bersonol.

Nod y cwrs yw adnabod sefyllfaoedd yn y gwaith lle mae gofyn defnyddio sgiliau cwnsela, fel gwrando empathig, a deall agweddau, rhagfarnau a gwerthoedd a all hwyluso neu lesteirio'r berthynas gwnsela.

Bydd yn eich helpu i:

• ddod i ddeall y sgiliau cwnsela craidd sy'n cynnwys gwrando'n weithredol ac yn empathig ynghyd ag ymateb yn effeithiol;
• dod yn ymwybodol o derfynau eich rôl broffesiynol e.e. rôl tiwtor wrth ddysgu a gwybod pryd y mae'n well cyfeirio rhywun at unigolyn/asiantaeth arall.

I gael rhagor o wybodaeth am y cwrs hwn ffoniwch 01492 546 666 est. 1729 neu e-bost counsellingapplications@gllm.ac.uk

Cwestiynau Cyffredin Cwnsela – Lefel 2

Sawl wythnos yw'r cyrsiau?
Mae’r cyrsiau Agored ar y safle yn 15 wythnos academaidd o hyd.
Mae cwrs ar-lein CPCAB yn 30 wythnos academaidd o hyd.

Faint mae L2 yn gostio?
Gall prisiau newid bob mis Medi ond i roi syniad i chi, y prisiau ym mis Medi 2024 oedd:

• Cwrs Cyflwyniad i Sgiliau Cwnsela Sylfaenol Lefel 2 Agored - £249.
• ⁠Tystysgrif CPCAB Lefel 2 mewn Sgiliau Cwnsela - £679.

Bydd y pris cyfredol ar gyfer y cwrs i'w weld ar-lein cyn i chi wneud cais.

A allaf gymryd rhan yn y dosbarthiadau ar-lein?
Darperir cyrsiau CPCAB yn gyfan gwbl ar-lein.

Darperir cyrsiau Agored ar y safle ac ni ellir eu cwblhau ar-lein.

Pryd mae'r cwrs yn dechrau
Mae’r dyddiadau cychwyn yn amrywio ar gyfer ein cyrsiau gwahanol yn dibynnu ar y galw.

Fodd bynnag, fel arfer bydd cwrs Lefel 2 Agored yn dechrau ym mis Medi a mis Ionawr, ac fel arfer cynigir Lefel 2 CPCAB ym mis Medi.

Ar ba ddiwrnod/amser mae'r cwrs?
Mae'r diwrnod yn amrywio ar gyfer pob cwrs ond cynhelir y cyrsiau gyda'r nos fel arfer rhwng 6pm a 9pm.

A allaf dalu mewn rhandaliadau?
Gallwch, bydd angen i chi dalu blaendal o 20% o leiaf ac yna cytunir ar randaliadau gyda’n Hadran Gyllid sydd fel arfer yn:

• uchafswm o 4 rhandaliad ar gyfer ffioedd dysgu o £100-£500
• 8 rhandaliad ar gyfer ffioedd dysgu dros £500.

Bydd gofyn i chi sefydlu archeb sefydlog gyda'ch banc os byddwch yn talu mewn rhandaliadau.

Pryd y gallaf weithio fel Cwnselydd
Ar ôl cwblhau Tystysgrif Lefel 4 mewn Cwnsela neu BSc Cwnsela

Beth yw'r llwybr gorau i gymhwyso yn Gwnselydd cymwys
Cwblhau Lefel 2, Lefel 3 a Thystysgrif Addysg Uwch Lefel 4 mewn cwnsela neu cwblhau'r FSc/BSc mewn cwnsela.

A oes rhaid i mi gwblhau Lefel 2?
Gallwch ddewis dechrau gyda’r FSc mewn Cwnsela ond os dewiswch astudio drwy’r llwybr Agored neu CPCAB gofynnwn i bawb gwblhau L2 gan ei fod yn sefydlu'r lefel dysgu sylfaenol ac yn llwybr dilyniant. Yr unig eithriad fyddai os oes gennych o leiaf 30 awr o brofiad cwnsela y gellir ei dystiolaethu.

Beth yw'r gwahaniaeth rhwng CPCAB Lefel 2 ac Agored Lefel 2?
Mae model CPCAB yn trafod damcaniaethau yn ymwneud â chwnsela yn fwy manwl, yn cynnig persbectif ar amrywiaeth a gwell dealltwriaeth ohonom ni ein hunain. Mae’r cymhwyster hwn wedi’i gynllunio i roi’r wybodaeth, y sgiliau a’r cymwyseddau sylfaenol i ddysgwyr ddefnyddio sgiliau cwnsela yn foesegol ac yn ddiogel mewn amrywiaeth o gyd-destunau a rolau.

Mae'r cymhwyster hwn ar gyfer:

• Y rhai sy'n dechrau ar y lefel gyntaf o hyfforddiant fel cynghorydd proffesiynol
• Y rhai sydd eisiau dysgu sgiliau cwnsela mewn rolau proffesiynol neu gynorthwyol eraill
• Y rhai sydd am wella eu cydberthnasau proffesiynol a phersonol fel rhan o ddatblygiad personol

Gallai'r cymhwyster hwn arwain at gyflogaeth neu gynyddu cyflogadwyedd i'r rhai sydd mewn rôl lle maent yn cefnogi eraill mewn e.e. gwaith iechyd a gofal cymdeithasol, addysgu a dysgu, eiriolaeth a chyfryngu, cymorth a gwaith prosiect, rolau cynorthwyol eraill.

Mae hefyd angen cwblhau arholiad allanol wrth gwblhau'r cymhwyster CPCAB.

Gellir cwblhau'r cyrsiau CPCAB ar-lein ac mae'r cyrsiau Agored i'w cwblhau wyneb-yn-wyneb.

Mae’r cwrs Agored yn ymdrin â rhai agweddau ar wybodaeth ddamcaniaethol ond mae'n canolbwyntio'n bennaf ar sgiliau cyfathrebu ymarferol. Mae'r cwrs hefyd yn edrych ar ddulliau moesegol a sut y rhoddir adborth.

A allaf wneud CPCAB L3 os byddaf yn gwneud Agored Lefel 2
Ddim fel arfer, er y gall fod yn bosibl yn ddibynnol ar hyfforddiant a phrofiad blaenorol. Mae'n rhaid eich bod wedi cwblhau 75 awr o hyfforddiant cwnsela er mwyn dechrau ar CPCAB Lefel 3 neu 30 awr o brofiad cwnsela y gellir ei dystiolaethu.

Rwy'n 18 oed ond byddaf yn 19 oed hanner ffordd drwy'r cwrs.
Mae angen i chi fod yn 19 oed pan fydd y cwrs yn dechrau ar gyfer y dosbarthiadau Agored a gynhelir ar y safle. Gallwch ddechrau cwrs ar-lein Lefel 2 CPCAB yn 18 oed.

Mae gen i ddiddordeb mewn mynychu’r cwrs gyda fy ffrind/partner/perthynas/priod, a all y ddau ohonom fynychu?
Gall peth o'r cynnwys fod braidd yn bersonol. Felly, byddem yn argymell eich bod yn dewis sesiwn cwrs gwahanol ac yn mynychu ar wahân, oherwydd efallai y cewch mwy o fudd o'r cwrs drwy fynychu sesiynau gwahanol i'ch gilydd.

Ar gyfer y cwrs L2 Agored, faint o waith fydd angen i mi ei wneud y tu allan i'r cwrs?
Disgwylir i ddysgwyr gadw dyddlyfr myfyriol yn wythnosol a chwblhau llyfr gwaith. Mae hyn tua 2-3 awr o astudio hunangyfeiriedig yr wythnos.