Diploma Estynedig Technegol Uwch mewn…

Manylion Allweddol

Ar gael yn:
Glynllifon
Dull astudio:
Llawn Amser
Hyd:
Llawn Amser dros 2 flynedd. Mae’r cwrs fel arfer yn 4 diwrnod yr wythnos gyda 4 wythnos o brofiad gwaith ar ddiwedd blwyddyn 1.

Diploma Estynedig Technegol Uwch mewn Coedwigaeth a Choedyddiaeth (Lefel 3)

Llawn Amser (Addysg Bellach)

Glynllifon

Mae'r cwrs yn llawn ar hyn o bryd - Gwnewch ymholiad am y cwrs hwn

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Ydych chi'n awyddus i gael gyrfa ym maes coedwigaeth, coedyddiaeth neu rheoli cefn gwlad a'r amgylchedd? Hoffech chi ddatblygu'ch sgiliau ar lefel uwch?

Ar y cwrs, cewch ehangu'ch gwybodaeth am y sector, gan gynnwys agweddau ar fywyd gwyllt, cynefinoedd, ecoleg, chadwraeth, rheoli coedwigoedd a choedyddiaeth. Bydd y cwrs hwn yn eich paratoi i ddilyn amrediad o yrfaoedd, gan gynnwys rhai sy'n ymwneud â sefydliadau cefn gwlad, eu polisïau a'u trefnau cynllunio, a'u perthynas â chyrff fel Cyfoeth Naturiol Cymru, yr RSPB, chynghorau lleol, Parciau Cenedlaethol, yr Ymddiriedolaeth Genedlaethol, gwaith ystadau, contractio ym maes coedwigaeth a thrin coed. Mae hefyd yn llwybr galwedigaethol i Addysg Uwch.

Mae'r cwrs yn addas i fyfyrwyr sydd wedi cwblhau cwrs Lefel 2 perthnasol, i rai sydd newydd sefyll eu TGAU, neu i rai sydd â phrofiad blaenorol. Mae'r cwrs yn adlewyrchu angen y sector am reolwyr cefn gwlad a rheolwyr coedwigoedd cymwys sydd wedi derbyn hyfforddiant trylwyr. Canolbwyntia ar ddysgu drwy brofiad, gan gynnwys sesiynau hyfforddiant a gwaith ymarferol ar ystâd helaeth Glynllifon. Byddwch yn elwa ar y cyfleusterau rhagorol sydd ar ein campws ac ar arbenigedd ein staff.

Gofynion mynediad

I gael lle ar y cwrs hwn byddwch angen o leiaf un o'r canlynol:

4 TGAU gradd C neu uwch, yn cynnwys Mathemateg a Saesneg neu Gymraeg (iaith 1af)
Gradd Teilyngdod mewn cymhwyster Lefel 2 perthnasol
Profiad perthnasol mewn diwydiant

Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.

Cyflwyniad

Cyflwynir y rhaglen drwy gyfuniad o’r dulliau a ganlyn:

Hyfforddiant ymarferol i feithrin sgiliau mewn technegau rheoli cefn gwlad/coedwigoedd
Gwersi yn y dosbarth i feithrin dealltwriaeth o systemau rheoli a'r ffordd y defnyddir hwy
Cyflwynir y cwrs yn ddwyieithog a bydd deunyddiau dysgu ar gael yn y Gymraeg a'r Saesneg

Saif Glynllifon ar 750 acer o dir amaethyddol a choetir. Bydd y sesiynau ymarferol yn gwneud defnydd llawn o'r adnoddau hyn ynghyd â'n cyfleusterau modern ar gyfer cynaeafu a phrosesu coed.

Bydd eich rhaglen yn cynnwys cyfuniad o:

Cymwysterau Sgiliau Hanfodol a/neu
Ailsefyll TGAU a/neu
Bagloriaeth Cymru

Bagloriaeth Cymru

Mae Bagloriaeth Cymru'n gymhwyster gwerthfawr a astudir yn aml ochr yn ochr â chwrs llawn amser.

Caiff y cymhwyster, sy'n werth hyd at 120 pwynt UCAS, ei raddio A*–E a bydd yn rhoi i chi sgiliau personol a sgiliau busnes trosglwyddadwy. Mae prifysgolion a chyflogwyr yn ei ystyried yn gymhwyster gwerthfawr.

Yn rhan o'r cymhwyster, byddwch yn dysgu am Ddinasyddiaeth Fyd-eang, Mentergarwch a Chyflogadwyedd, yn cymryd rhan mewn gweithgareddau ymgysylltu â'r gymuned ac yn mynd ar brofiad gwaith.

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.

Asesiad

Ar y rhaglen, cewch eich asesu drwy gyfuniad o'r dulliau canlynol:

● Aseiniadau
● Asesiadau Synoptig
● Arholiadau

Dilyniant

Goruchwylio coedwigoedd
Rheoli Coetiroedd
Trin coed
Contractio ym maes coedwigaeth
Gwaith ystadau
Rheoli cefn gwlad
Parciau Cenedlaethol
Yr Ymddiriedolaeth Genedlaethol
Awdurdodau Lleol
Prifysgol

Gwybodaeth campws Glynllifon

Byddwch yn gweithio gydag adnoddau a chyfarpar arbenigol er mwyn gallu datblygu'ch sgiliau a'ch gwybodaeth mewn amgylchedd realistig.

Mae gan y coleg hefyd ganolfan felin goed fodern sy'n cael ei defnyddio i brosesu coed ar y safle, i ddangos sut mae prosesu pren ac ychwanegu gwerth iddo.