Ffotograffiaeth Ddigidol Lefel 1

Mae'n addas i berchnogion camerâu digidol sydd â rhywfaint o brofiad blaenorol ym maes ffotograffiaeth ynghyd â rhywfaint o wybodaeth am ddefnyddio cyfrifiaduron.

Uned 1: Defnyddio camera i gipio delweddau creadigol

Yn yr uned hon, bydd yr ymgeiswyr yn dysgu rhagor am ddefnyddio camera digidol a chyfarpar ategol, ac yn dod i ddeall rheolyddion a gosodiadau er mwyn cynhyrchu delweddau clir sydd wedi'u dinoethi'n gywir.

Bydd y dysgwyr yn meithrin sgiliau ffotograffig drwy gynhyrchu amrediad o ddelweddau arbrofol ar bwnc penodol. Byddant yn adalw ac yn prosesu'r delweddau hyn gan adolygu eu gwerth esthetig a thechnegol. Byddant hefyd yn dysgu am hanfodion arferion gweithio'n ddiogel ac am y ffactorau cyfreithiol a moesegol sy'n gysylltiedig â ffotograffiaeth.

Uned 2: Trin delweddau digidol

Bydd y dysgwyr yn gallu enwi'r caledwedd a'r meddalwedd y mae gofyn eu cael i drin delweddau a byddant yn deall y technegau gofynnol. Byddant yn paratoi ac yn prosesu'r delweddau y gwnaethant eu trin, gan ystyried eu hansawdd, a byddant yn gallu gwerthuso eu delweddau terfynol.