Ffabrigo a Weldio Lefel 2

Manylion Allweddol

Ar gael yn:
Llangefni, Dolgellau - CaMDA (Adeiladu a Pheirianneg)
Dull astudio:
Llawn Amser
Hyd:
1 flwyddyn

Gwnewch gais

Oes gennych gwestiwn? Cysylltwch â ni!

Ffabrigo a Weldio Lefel 2

Llawn Amser (Addysg Bellach)

Dolgellau

Apply now

Llangefni

Apply now

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Ydych chi'n awyddus i ennill profiad ymarferol ym maes ffabrigo a weldio?

Ar y cwrs hwn, cewch eich cyflwyno i sgiliau sylfaenol ffabrigo a weldio. Bydd hefyd yn eich galluogi i ennill nifer o gymwysterau ac mae'n addas ar gyfer unrhyw un sydd â gwir ddiddordeb mewn weldio a ffabrigo.

Mae'r cwrs yn ymdrin ag amrywiaeth o dasgau weldio sylfaenol megis creu uniadau wedi'u bresyddu a'u weldio. Bydd y wybodaeth ymarferol byddwch yn ei hennill hefyd yn ymwneud â gwaith dur, adeiladu llongau, cynnal a chadw ceir, plymio, cerfio, gwaith cynnal a chadw cyffredinol a nifer o feysydd eraill.

Gofynion mynediad

gael lle ar y cwrs hwn, byddwch angen o leiaf un o'r isod:

3 TGAU gradd A*-D ac 1 TGAU gradd E, yn cynnwys Saesneg neu Gymraeg Iaith 1af a Mathemateg.
Wedi cwblhau cwrs Diploma Lefel 1 yn llwyddiannus
Wedi cwblhau'r Cwrs Sylfaen Lefel 1 neu 2 yn llwyddiannus
Profiad perthnasol mewn diwydiant

Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.

Cyflwyniad

Cyflwynir y rhaglen drwy gyfuniad o'r dulliau a ganlyn:

Arddangosiadau ymarferol
Tasgau realistig
Darlithoedd i ddatblygu gwybodaeth greiddiol
Aseiniadau

Bydd eich rhaglen yn cynnwys cyfuniad o:

Cymwysterau Sgiliau Hanfodol a/neu
Ailsefyll TGAU

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.