Gradd Sylfaen (FdA) Lletygarwch, Twristiaeth…

Manylion Allweddol

Ar gael yn:
Llandrillo-yn-Rhos
Dull astudio:
Rhan amser, Llawn Amser
Hyd:
Llawn amser: 2 flynedd; Rhan-amser: 4 blynedd. Hefyd ar gael ar sail fodiwlaidd.
Llawn amser dydd Llun a dydd Mercher, 9am - 5pm
Rhan-amser: Dydd Llun neu ddydd Mercher, 9am - 5pm
Cod UCAS:
NNHT

Gradd Sylfaen (FdA) Lletygarwch, Twristiaeth a Rheoli Digwyddiadau

Cyrsiau Lefel Prifysgol

Llawn Amser

Mae dwy ffordd o wneud cais i ddilyn cwrs addysg uwch llawn amser - un ai trwy UCAS neu'n uniongyrchol i'r coleg.

Gwneud cais trwy UCAS:
Dylech wneud cais trwy UCAS os ydych ar hyn o bryd yn dilyn cyrsiau Lefel A, cwrs galwedigaethol Lefel 3 (h.y. BTEC) neu gwrs Mynediad i Addysg Uwch, neu os hoffech gyflwyno cais i fwy nag un darparwr addysg uwch.

Gwnewch gais drwy UCAS

Gwneud Cais i'r Coleg:
Os mai'r coleg yw'ch unig ddewis, neu os ydych eisoes yn meddu ar y cymwysterau neu'r profiad i fodloni gofynion eich cwrs, dylech gyflwyno cais uniongyrchol i'r campws o'ch dewis.

Mae'r system gwneud ceisiadau ar gau ar hyn o bryd.

Rhan Amser

Os ydych yn gwneud cais i astudio'n rhan-amser gallwch gyflwyno cais uniongyrchol i'r campws o'ch dewis.

Mae'r system gwneud ceisiadau ar gau ar hyn o bryd.

Disgrifiad o'r Cwrs

Mae'r Radd Sylfaen hon mewn Lletygarwch, Twristiaeth a Rheoli Digwyddiadau wedi'i chynllunio i roi'r sgiliau rheoli busnes hanfodol a'r arbenigedd ymarferol y mae cyflogwyr blaenllaw yn y diwydiannau lletygarwch, twristiaeth a digwyddiadau byd-eang yn chwilio amdanynt.

Mae natur ymdrochol y cwrs yn sicrhau eich bod yn datblygu'r theori a'r wybodaeth ymarferol sydd eu hangen i ragori yn y sectorau deinamig hyn.

Wedi'n lleoli yng ngogledd Cymru, cyrchfan dwristiaid sy’n enwog yn fyd-eang, mae ein lleoliad yn darparu amgylchedd dysgu unigryw. Gydag amrywiaeth o sefydliadau lletygarwch, twristiaeth a digwyddiadau yn agos, bydd gennych ddigonedd o gyfleoedd i ymgysylltu, ymweld â distyllfeydd, ymweld ag atyniadau amrywiol a phrofiad gwaith posibl. Mae'r cwrs hwn yn ddelfrydol i'r rhai hynny sydd â diddordeb dechrau gweithio yn y sector, neu sydd am wella eu cyfleoedd am ddyrchafiad a gwaith rheoli yn y sector.

Mae'r modiwlau'n cynnwys:

Blwyddyn 1 (Lefel 4)

Deall Gweithrediadau Bwyd a Diod
Rheoli Refeniw a Chostau
Rheolaeth Ariannol ym maes Lletygarwch, Twristiaeth a Digwyddiadau
Y Grefft o Ddylanwadu: Marchnata ac Ymddygiad Cwsmeriaid
Ymgysylltu â Rhanddeiliaid drwy Arloesedd
Cyrchfan Ymhobman: Cyflwyniad i Dwristiaeth Fyd-eang
Sgiliau Ymchwilio ac Astudio: Datgloi Llwyddiant Academaidd
Proffil Proffesiynol a Datblygiad Personol
Gwin a Chwrw ym maes Lletygarwch, Twristiaeth a Digwyddiadau
Deall Arwyddocâd Digwyddiadau

Blwyddyn 2 (Lefel 5)

Technegau Ymchwil Strategol
Creu a Chynnig Profiadau
Naws am Le
Gwella Perfformiad Sefydliadau trwy Dechnoleg Gwybodaeth
Rheoli Adnoddau Dynol
Arbenigedd sy'n Canolbwyntio ar y Cwsmer
Profiadau Unigryw: Twristiaeth a Digwyddiadau ar gyfer Diddordebau Penodol
Rheoli Adnoddau
Rheoli Twristiaeth yn Gyfrifol

Gofynion mynediad

Gofynion Academaidd

48 pwynt UCAS o gymwysterau L3 addas (Safon Uwch, Tystysgrif Genedlaethol NTEC, AVCE, GNVQ, Bagloriaeth Cymru neu'r Fagloriaeth Ryngwladol, NVQ L3).
TGAU gradd C/4 neu uwch mewn Mathemateg/Saesneg neu gymhwyster sgiliau allweddol/hanfodol cyfwerth

Gofynion Ieithyddol

TGAU gradd C/4 neu uwch mewn Cymraeg neu Saesneg iaith gyntaf.
IELTS 5.5 neu uwch

Cymwysterau Eraill:

Ystyrir amrywiaeth eang o gymwysterau proffesiynol a phrofiadau perthnasol eraill hefyd.

Os nad yw eich cymwysterau yn bodloni'r gofynion mynediad a restrir uchod, byddem yn dal i'ch annog i wneud cais am y cwrs y mae gennych chi ddiddordeb ynddo, gan y bydd llawer o'n cyrsiau'n ystyried dysgwyr ar sail eu profiad gwaith a'u sgiliau blaenorol yn hytrach na'u cymwysterau.

Mae pob lle'n amodol ar gyfweliad boddhaol.

Os nad yw eich cymwysterau yn bodloni'r gofynion mynediad a restrir ar daflen y cwrs, byddem yn parhau i'ch annog i gyflwyno cais am y cwrs sydd o ddiddordeb i chi, gan y bydd llawer o'n cyrsiau yn ystyried dysgwyr ar sail eu profiad gwaith a'u sgiliau blaenorol yn hytrach na'u cymwysterau.

Cyflwyniad

Cyflwynir y cwrs hwn drwy gyfuniad o’r dulliau a ganlyn:

Darlithoedd
Sesiynau sgiliau ymarferol
Cyflwyniadau
Gweithdai
Gwaith grŵp
Siaradwyr gwadd
Ymweliadau â diwydiant
Seminarau
Tasgau dan arweiniad
Tiwtorialau

Gwersi wyneb yn wyneb a ddefnyddir yn bennaf gyda rhai cyfleoedd i gael gwersi ar-lein os yw hynny'n addas.

Amserlen

Llawn amser am 2 flynedd, 2 ddiwrnod yr wythnos (9am - 5pm fel arfer)
⁠Rhan-amser am 4 blynedd, 1 diwrnod yr wythnos (9am - 5pm fel arfer)

Ar Lefel 4 a Lefel 5 y rhaglen FdA rhaid i bob myfyriwr gwblhau o leiaf 75 awr o brofiad gwaith.

Bydd y lleoliadau gwaith yn rhan o asesiad cyffredinol y radd sylfaen a bydd angen cwblhau'r 75 awr yn llawn ynghyd â chwblhau 'Llawlyfr Lleoliad Gwaith' er mwyn cyflawni'r cymhwyster.

Ffioedd

Ewch i'n tudalen ffioedd cyrsiau i gael gwybodaeth am ffioedd ein cyrsiau gradd llawn amser a rhan-amser.

Cymorth Ariannol

Ewch i'n tudalen cymorth ariannol i gael gwybodaeth am yr ystod o gefnogaeth sydd ar gael.

Costau ychwanegol

Gall costau ychwanegol fod yn gysylltiedig â'r canlynol:

Deunyddiau i astudio'n annibynnol (gliniadur, deunyddiau astudio ac ati)
Dillad addas ar gyfer mynd ar leoliad gwaith
Costau'n gysylltiedig ag ymweliadau allanol fel teithio a chynhaliaeth
Cymwysterau ychwanegol yn gysylltiedig â lletygarwch, twristiaeth neu ddigwyddiadau
Teithio a chynhaliaeth ar gyfer lleoliadau gwaith

Modiwlau

Mae gwybodaeth fanylach am Fodiwlau i'w gweld yn yr adran 'Gwybodaeth Ychwanegol am y Campws / Gwybodaeth am y Cwrs.'

Dyddiad cychwyn

Mis Medi

Cyswllt:

Gydag ymholiadau am gyrsiau penodol, cysylltwch â:

Claire Jones (Rhaglen Arweinydd): jones37c@gllm.ac.uk

Celine Rea (Gweinyddiaeth): rea1c@gllm.ac.uk

Gydag ymholiadau cyffredinol am ein cyrsiau gradd, cysylltwch â: degrees@gllm.ac.uk

Asesiad

Ar y cwrs cewch eich asesu drwy ddulliau amrywiol, er enghraifft drwy gyfuniad o'r canlynol:

Traethodau
Adroddiadau
Arholiadau
Portffolio
Arddangos sgiliau ymarferol
Astudiaethau achos
Asesiadau i'w gwneud mewn amser penodol
Cyflwyniadau

Adborth

Caiff asesiadau eu marcio a'u dychwelyd i fyfyrwyr gydag adborth adeiladol a datblygiadol pan fo hynny'n berthnasol. Mae adborth effeithiol yn cyfuno gwybodaeth sy'n galluogi myfyrwyr i ddeall cryfderau a chyfyngiadau eu perfformiad blaenorol, a gwybodaeth sy'n eu galluogi i ddeall sut y gellid gwella eu perfformiad yn y dyfodol. Bydd myfyrwyr yn derbyn adborth yn brydlon a bydd yr adborth hwn yn cyfiawnhau sut y dyfarnwyd y radd. Caiff myfyrwyr gyfle i fyfyrio ar yr adborth a gawsant ac i nodi eu cryfderau, pethau a fu'n heriol iddynt a meysydd y mae angen eu datblygu, er mwyn gwella eu hasesiad nesaf. Bydd yr adborth yn cynnwys cysylltu tystiolaeth â meini prawf asesu, er mwyn dangos sut y bydd y myfyriwr wedi bodloni'r canlyniadau dysgu.

Dilyniant

Dilyniant i astudiaethau pellach:

Dilyniant uniongyrchol i'r cwrs L6 BA (Anrh) Rheoli ym maes Lletygarwch, Twristiaeth a Digwyddiadau (atodol)
Astudiaethau pellach gyda darparwyr Addysg Uwch eraill yn y Deyrnas Unedig.
Cwrs TAR
Ar ôl cwblhau'r cwrs lefel 6 mae'n bosibl mynd ymlaen i gwrs gradd meistr perthnasol.

Cyfleoedd o ran Gyrfa a Dilyniant:

Swyddi rheoli ym maes Lletygarwch / Twristiaeth a Digwyddiadau mewn amrywiaeth o sefydliadau yn y diwydiant.
Cyfleoedd i ymuno â chynlluniau hyfforddi i raddedigion.
Cyfleoedd yn gysylltiedig ag agweddau amrywiol ar y diwydiant Lletygarwch, Twristiaeth a Digwyddiadau.

Gwybodaeth campws Llandrillo-yn-Rhos

Gwybodaeth am Fodiwlau

Mae'r cwrs yn cynnwys y modiwlau canlynol, sydd ar gael i bob myfyriwr rhan-amser, llawn-amser neu ar sail modiwl yn unig.

Am bob 10 credyd, dylai myfyrwyr ymgysylltu â thua 100 o oriau tybiannol o ddysgu. Bydd hyn oddeutu 30% o gyswllt dysgu uniongyrchol a 70% o ddysgu annibynnol i fyfyrwyr.

Modiwlau Lefel 4

Deall Gweithrediadau Bwyd a Diod (10 credyd, gorfodol)
Cyflwyniad i'r agweddau ar y diwydiant lletygarwch ehangach sy'n gysylltiedig â bwyd a diod trwy archwilio gwahanol elfennau o'r maes.

(Traethawd 50%, Traethawd 50%)

Rheoli Refeniw a Chostau (10 credyd, gorfodol)
Edrychir ar bwysigrwydd dadansoddi refeniw, costau a chyllid ym maes Lletygarwch, Twristiaeth ac Arlwyo, gan bwysleisio'r defnydd ymarferol o ddulliau a thechnegau cyfrifyddu yn y diwydiant.

Portffolio (50%) / Arholiad llyfr agored (50%)

Rheolaeth Ariannol ym maes Lletygarwch, Twristiaeth a Digwyddiadau (10 credyd, gorfodol)
Bydd y modiwl cyllid busnes yn arwain at ddealltwriaeth bellach o natur cyllid busnes a sut y gall egwyddorion a chysyniadau allweddol arferion ariannol helpu busnesau i ddehongli gwybodaeth ariannol a defnyddio'r data hwn i wneud penderfyniadau ariannol cadarn.

Cyfathrebu trwy E-bost (50%) / Arholiad llyfr agored (50%)

Y Grefft o Ddylanwadu: Marchnata ac Ymddygiad Cwsmeriaid (20 credyd, gorfodol)
Bwriad y modiwl hwn yw diffinio gwasanaeth i gwsmeriaid a marchnata gan esbonio beth yw eu swyddogaeth yng nghyd-destun darparu gwasanaeth, sut y rhoddir hwy ar waith yn y diwydiant Lletygarwch, Twristiaeth a Lletygarwch a seicoleg sut mae cwsmeriaid yn meddwl, teimlo a rhesymu.

Sail resymegol ymgyrch farchnata (25%) / Arddangos ymgyrch farchnata (25%) / Trafodaeth yn y dosbarth (25%) / Nodiadau ar y drafodaeth (25%)

Ymgysylltu â Rhanddeiliaid drwy Arloesedd (20 credyd, gorfodol)
Nod y modiwl yw rhoi sgiliau i fyfyrwyr allu gwneud cysylltiadau arwyddocaol â rhanddeiliaid trwy ddefnyddio technegau a strategaethau arloesol.

Cyflwyno syniad busnes (60%) / Gwerthusiad beirniadol (40%)

Cyrchfan Ymhobman: Cyflwyniad i Dwristiaeth Fyd-eang (10 credyd, gorfodol)
Mae'r modiwl hwn yw rhoi golwg gyffredinol ar y diwydiant teithio a thwristiaeth yng nghyd-destun y Deyrnas Unedig a'r byd. Mae'n edrych ar brif elfennau'r cydweithio sy'n digwydd yn y diwydiant, gan gynnwys swyddogaeth y sectorau cyhoeddus a phreifat.

Traethawd adfyfyriol (40%) Cyflwyno Poster/Ffeithlun (60%)

Sgiliau Ymchwilio ac Astudio: Datgloi Llwyddiant Academaidd (10 credyd, gorfodol)
Nod y modiwl hwn yw meithrin sgiliau astudio’r dysgwyr gan eu galluogi i gynhyrchu gwaith ysgrifenedig sy'n academaidd gadarn a'u cyflwyno i'r cysyniad o feddwl yn feirniadol. Bydd yn galluogi'r myfyrwyr i feithrin sgiliau ymchwilio, ysgrifennu ac adfyfyrio.

Portffolio o Ymarferion (100%)

Proffil Proffesiynol a Datblygiad Personol (10 credyd, gorfodol)
Bwriad y modiwl hwn yw galluogi dysgwyr i gyflawni aseiniadau amrywiol sy'n gysylltiedig â byd gwaith. Pennir y tasgau ar y cyd â chyflogwyr/cynrychiolwyr diwydiant ac maent yn canolbwyntio ar wella gallu dysgwyr i gyflwyno eu hunain yn effeithiol fel darpar weithwyr yn y diwydiant Lletygarwch, Twristiaeth ac Arlwyo.

Portffolio o Ymarferion (100%) / Lleoliad Gwaith (Llwyddo/Methu)

Gwin a Chwrw ym maes Lletygarwch, Twristiaeth a Digwyddiadau (10 credyd, gorfodol)
Bydd y modiwl hwn yn edrych ar hanes cynhyrchu gwin a chwrw ac ar eu lle mewn cymdeithas, gan roi pwyslais neilltuol ar y cysylltiad â Lletygarwch, Twristiaeth a Digwyddiadau. Edrychir ar ba winoedd a bwydydd, yn ogystal ag ar ba gwrw a bwydydd, sy'n mynd gyda'i gilydd.

Poster a Chyflwyniad (50%) / Aseiniad Llyfr Agored a Amserir (50%)

Deall Arwyddocâd Digwyddiadau (10 credyd, gorfodol)
Yn y modiwl ymchwil hwn, byddwch yn treiddio i ddynameg gymhleth digwyddiadau gan drafod pam fod cymdeithasau'n creu digwyddiadau, a pha effaith maent yn ei gael ar y gymuned sy'n eu cynnal, yr amgylchedd, yr economi, ac ar ddiwylliant a thwristiaeth.

Portffolio o waith cwrs (60%) / Astudiaeth achos (40%)

Lefel 5

Technegau Ymchwil Strategol (10 credyd, gorfodol)
Nod y modiwl hwn yw galluogi'r myfyrwyr i roi ystod o sgiliau ymchwilio a sgiliau ysgrifennu academaidd priodol ar waith i astudio lletygarwch a chelfyddydau coginio'n gyffredinol ac mewn cyd-destunau mwy penodol.

Cynnig Ymchwil (100%)

Creu a Chynnig Profiadau (20 credyd, gorfodol)
Nod y modiwl Creu a Chynnig Profiadau Thematig yw rhoi cyfle i'r myfyrwyr ddangos ystod o sgiliau ymarferol a gwybodaeth ddamcaniaethol a fydd yn ymhelaethu ar yr hyn y maent eisoes wedi'i ddysgu. Bydd y modiwl yn rhoi i'r myfyrwyr y sgiliau amrywiol fydd eu hangen arnynt i drefnu, cynnal a gwerthuso digwyddiad neu brofiad bwyd a diod thematig.

Digwyddiad Ymarferol Thematig (70 %) / Adroddiad Adfyfyriol (30%)

Naws am Le (20 credyd, gorfodol)
Bwriad y modiwl hwn sicrhau yw rhoi sylfaen i'r myfyrwyr ar gyfer deall gwahaniaethau, cyffyrddiadau a sensitifrwydd diwylliannol gan gynyddu eu hymwybyddiaeth a'u dealltwriaeth o bwysigrwydd amrywiaeth ddiwylliannol ym maes Lletygarwch, Twristiaeth a Rheoli Digwyddiadau.

Arddangosfa grŵp (60%) / Flog (40%)

Gwella Perfformiad Sefydliadau trwy Dechnoleg Gwybodaeth (10 credyd, gorfodol)
Bwriad y modiwl hwn yw gwella ymwybyddiaeth y myfyrwyr o ddatblygiadau technolegol dros y 30 mlynedd diwethaf a'r materion amrywiol sy'n codi wrth i sefydliadau ystyried sut i reoli data i wella ansawdd eu penderfyniadau.

Adroddiad byr (40%) /Podcast grŵp (60%)

Rheoli Adnoddau Dynol (10 credyd, gorfodol)
Nod y modiwl hwn yw galluogi myfyrwyr i ddeall datblygiad Rheoli Adnoddau Dynol yng nghyd-destun Lletygarwch, Twristiaeth a Digwyddiadau. Bydd yn trafod swyddogaethau a gweithrediadau allweddol Rheoli Adnoddau Dynol yn ogystal â sut maent yn cyfrannu at gyflawni amcanion sefydliadol.

Adroddiad ar astudiaeth achos (100%)

Arbenigedd sy'n Canolbwyntio ar y Cwsmer (10, credyd, gorfodol)
Bwriad y modiwl hwn yw cyflwyno'r myfyrwyr i theori rheoli gwasanaethau i gwsmeriaid a phrofiadau cwsmeriaid a'r dulliau a'r trefnau a roddir ar waith i wneud hyn yn y sector lletygarwch, twristiaeth a digwyddiadau.

Adroddiad yn dadansoddi brand (60%) / Cyflwyniad (40%)

Profiadau Unigryw: Twristiaeth a Digwyddiadau ar gyfer Diddordebau Penodol (10 credyd, gorfodol)
Mae'r modiwl hwn yn cynnig archwiliad trylwyr o dwristiaeth a digwyddiadau sy'n gysylltiedig â diddordebau penodol, gan ganolbwyntio ar ffurf, cymhelliant ac effaith marchnadoedd arbenigol a digwyddiadau arbennig ym maes twristiaeth.

Cynnig cleient Rhan 1 (60%) / Cynnig cleient Rhan 2 (40%)

Rheoli Adnoddau (10 credyd, gorfodol)
Bydd y modiwl Rheoli Adnoddau yn rhoi i'r dysgwyr y wybodaeth a'r ddealltwriaeth sydd eu hangen arnynt i nodi a chydnabod sut mae adnoddau yn cael eu rheoli'n effeithiol ar draws amrywiaeth o fusnesau lletygarwch ac arlwyo.

Astudiaeth Achos (100%) Lleoliad Gwaith (Llwyddo/Methu)

Rheoli Twristiaeth yn Gyfrifol (20 credyd, gorfodol)
Mae'r modiwl Rheoli Twristiaeth yn Gyfrifol yn rhoi dealltwriaeth i'r myfyrwyr o'r egwyddorion, yr arferion a'r heriau sy'n gysylltiedig â twristiaeth gyfrifol, gan feithrin arweinwyr effeithiol a all ddatblygu cyrchfannau cynaliadwy byd-eang.

(Traethawd 50% / Dadansoddi a chyflwyno astudiaeth achos mewn grŵp (50%)