Gradd Sylfaenol (FdSc) Gwyddor Chwaraeon…

Manylion Allweddol

Ar gael yn:
Llandrillo-yn-Rhos
Dull astudio:
Rhan amser, Llawn Amser
Hyd:
Amser-llawn: 2 flynedd NEU Rhan-amser: 3 blynedd. Hefyd ar gael fel modiwlau.
Dydd Llun a dydd Mawrth, 9am - 5pm
Cod UCAS:
CX6C

Gwnewch gais

Oes gennych gwestiwn? Cysylltwch â ni!

Gradd Sylfaenol (FdSc) Gwyddor Chwaraeon (Hyfforddi ym maes Chwaraeon)

Cyrsiau Lefel Prifysgol

Dewch i gysylltiad am ragor o wybodaeth am sut i wneud cais am y cwrs hwn.

Oes gennych gwestiwn? Cysylltwch â ni!

Disgrifiad o'r Cwrs

Mae'r cwrs hwn yn addas i ddysgwyr sydd am gael gyrfa ym maes Gwyddor Chwaraeon a/neu'n Hyfforddi ym maes Chwaraeon. Bwriad y Radd Sylfaen yw datblygu'ch dealltwriaeth o Wyddor Chwaraeon ac o sut i Hyfforddi, drwy ddadansoddi egwyddorion, cysyniadau a materion cyfredol a'u rhoi ar waith mewn sefyllfaoedd go iawn. Wrth ddysgu am wahanol ddisgyblaethau, byddwch yn meithrin gwybodaeth y gallwch ei rhoi ar waith mewn amrywiol sefyllfaoedd i'ch helpu i wella perfformiad ar y maes chwarae.

Mae modiwlau yn cynnwys:

Blwyddyn 1 (Lefel 4)

Anatomeg Swyddogaethol
Asesu Ffitrwydd
Hanfodion Ffisioleg Ymarfer
Hanfodion Seicoleg Chwaraeon
Dulliau Ymchwilio a Sgiliau Astudio
Egwyddorion Hyfforddi
Dulliau Ymchwil a Sgiliau Astudio
Maeth a Pherfformiad ym maes Chwaraeon

Blwyddyn 2 (Lefel 5)

Biomecaneg
Dadansoddi Perfformiad
Ffisioleg Gymhwysol
Dulliau Ymchwilio
Dadansoddi Perfformiad
Seicoleg Arferion Hyfforddi
Seicoleg Ymarfer Hyfforddi
Pecyn Cymorth Hyfforddi

Gwybodaeth Ychwanegol

Mae gwybodaeth fanylach am Fodiwlau yn yr adran 'Gwybodaeth Ychwanegol yn ôl Campws/Cwrs'.

Gofynion mynediad

Mae graddau sylfaen yn addas i fyfyrwyr sydd ag ystod o alluoedd, gan gynnwys rhai nad oes ganddynt gymwysterau ffurfiol. Ni dderbynnir myfyriwr oni bai ei fod yn debygol o allu cwblhau'r rhaglen yn llwyddiannus a chael budd ohoni.

Derbynnir y rhai nad oes ganddynt gymwysterau ffurfiol ar sail y canlynol, ond nid ar sail y canlynol yn unig:

Datganiad personol neu CV, asesiad mewn cyfweliad, perfformiad mewn tasgau a osodwyd yn benodol i ddibenion derbyn, profiad gwaith perthnasol a thystlythyrau gan gyflogwyr.

Yn achos unigolion sydd â chymwysterau ffurfiol, mae'r canlynol yn dderbyniol:

o leiaf 64 pwynt UCAS yn y prif gymhwyster, gan amlaf yn cynnwys gradd llwyddo mewn o leiaf un pwnc A2 perthnasol; neu Dystysgrif/Diploma Cenedlaethol BTEC (TLl) neu uwch, neu AVCE, GNVQ, Bagloriaeth Ryngwladol, Bagloriaeth Cymru, mewn pwnc perthnasol; neu radd Llwyddo mewn cwrs MYNEDIAD a gymeradwywyd; neu NVQ/VRQ Lefel 3
Mae cymwysterau rhyngwladol cywerth yn dderbyniol
Ystyrir mynediad i Lefel 5 ar sail unigol, yn unol â pholisi GLLM o ran trosglwyddo credydau.

Gofynion ieithyddol:

TGAU mewn Cymraeg neu Saesneg fel iaith gyntaf, gradd C/4 neu gyfwerth
Dylai unrhyw raddau, diplomâu neu dystysgrifau cymwys a nodir uchod fod wedi'u dysgu a'u hasesu drwy gyfrwng y Gymraeg/Saesneg
Yn achos ymgeiswyr tramor sydd am ddechrau ar Lefel 4: IELTS 5.5 neu uwch (ni ddylai unrhyw elfen fod yn llai na 5.0)
Yn achos ymgeiswyr tramor sydd am ddechrau ar Lefel 5: IELTS 6.0 neu uwch (ni ddylai unrhyw elfen fod yn llai na 5.5).

Yn achos lleoliadau allanol, rhaid cael gwiriad boddhaol gan y Gwasanaeth Datgelu a Gwahardd.

Mae pob lle'n amodol ar gyfweliad boddhaol.

Os nad yw eich cymwysterau yn bodloni'r gofynion mynediad a restrir ar daflen y cwrs, byddem yn parhau i'ch annog i gyflwyno cais am y cwrs sydd o ddiddordeb i chi, gan y bydd llawer o'n cyrsiau yn ystyried dysgwyr ar sail eu profiad gwaith a'u sgiliau blaenorol yn hytrach na'u cymwysterau.

Cyflwyniad

Cyflwynir y cwrs drwy gyfuniad o'r dulliau a ganlyn:

Darlithoedd
Seminarau
Tiwtorialau
Gweithdai
Grwpiau trafod
Sesiynau hyfforddi ymarferol
Siaradwyr Gwadd
Dysgu myfyriwr ganolog
Lleoliadau gwaith gyda hyfforddwyr profiadol
Profiad Gwaith mewn Lleoliad Datblygu Chwaraeon
Gweithio gyda Chanolfannau Rhagoriaeth mewn Chwaraeon yn y coleg
Amgylchedd dysgu rhithwir (MOODLE).

Mae'r myfyrwyr yn gyfrifol am drefnu eu profiad gwaith eu hunain os yw'r rhan ofynnol o'u rhaglen, a byddant yn cael eu cefnogi gan dîm y cwrs.

Amserlen

Llawn amser: 2 flynedd, 2 ddiwrnod yr wythnos (fel arfer 9am - 5pm)
Rhan-amser: 4 blynedd, 1 diwrnod yr wythnos (fel arfer 9am - 5pm)

Ffioedd

Ewch i'n tudalen ffioedd cyrsiau i gael gwybodaeth am ffioedd ein cyrsiau gradd llawn amser a rhan-amser.

Cymorth Ariannol

Ewch i'n tudalen cymorth ariannol i gael gwybodaeth am yr ystod o gefnogaeth sydd ar gael.

Costau ychwanegol

Gall costau ychwanegol fod yn gysylltiedig â'r canlynol:

Gwiriad DBS
Ymweliadau astudio (cyllidebwch tua £100 am hyn)

Cewch wybodaeth fanylach yn eich cyfweliad ac yn y ddogfen dilysu rhaglen am gostau eraill sy'n gysylltiedig â'ch cwrs a'ch lleoliad/profiad gwaith (os yw hynny'n berthnasol).

Ysgoloriaeth Cymhelliant 2022-2023 Coleg Cymraeg Cenedlaethol

Coleg Llandrillo, Llandrillo-yn-Rhos: Am ragor o wybodaeth ynglŷn ag Ysgoloriaethau'r Coleg Cymraeg Cenedlaethol, neu am gymorth i lenwi'r cais, mae croeso i chi gysylltu â Swyddogion Cangen Grŵp Llandrillo Menai ar - colegcymraeg@glllm.ac.uk.

Dyddiad cychwyn

Mis Medi

Cyswllt

Gydag ymholiadau am gyrsiau penodol, cysylltwch â:

Steve Kehoe (Rhaglen Arweinydd): kehoe1s@gllm.ac.uk

Sian Backhouse (Gweinyddiaeth): backho1s@gllm.ac.uk

Gydag ymholiadau cyffredinol am ein cyrsiau gradd, cysylltwch â: degrees@gllm.ac.uk

Asesiad

Ar y cwrs, cewch eich asesu drwy gyfuniad o'r dulliau a ganlyn:

Portffolios unigol
Traethodau
Adroddiadau
Astudiaethau achos
Cyflwyniadau
Asesiadau i'w gwneud mewn amser penodol (gan a heb ddefnyddio llyfrau)
Adroddiadau grwpiau
Cyflwyniadau grŵp.

Adborth

Caiff asesiadau eu marcio a'u dychwelyd i fyfyrwyr gydag adborth adeiladol a datblygiadol pan fo hynny'n berthnasol. Mae adborth effeithiol yn cyfuno gwybodaeth sy'n galluogi myfyrwyr i ddeall cryfderau a chyfyngiadau eu perfformiad blaenorol, a gwybodaeth sy'n eu galluogi i ddeall sut y gellid gwella eu perfformiad yn y dyfodol. Bydd myfyrwyr yn derbyn adborth yn brydlon a bydd yr adborth hwn yn cyfiawnhau sut y dyfarnwyd y radd. Caiff myfyrwyr gyfle i fyfyrio ar yr adborth a gawsant ac i nodi eu cryfderau, pethau a fu'n heriol iddynt a meysydd y mae angen eu datblygu, er mwyn gwella eu hasesiad nesaf. Bydd yr adborth yn cynnwys cysylltu tystiolaeth â meini prawf asesu, er mwyn dangos sut y bydd y myfyriwr wedi bodloni'r canlyniadau dysgu.

Dilyniant

Ar ôl dilyn y cwrs, bydd nifer o ddewisiadau o ran dilyniant proffesiynol ac addysgol ar gael i chi. Bydd llawer o fyfyrwyr yn dewis mynd ymlaen i astudio ar Lefel 6, gan dreulio blwyddyn arall yn astudio at radd BSc (Anrh). Wedyn, gallant ddilyn cwrs TAR er mwyn bod yn athro/athrawes Addysg Gorfforol.

Gall y Radd Sylfaen hefyd fod yn fodd i gael gwaith yn y sector cyhoeddus neu'r sector preifat. Gallech weithio fel hyfforddwr neu reolwr hyfforddi, neu weithio i wasanaeth cefnogi ym maes gwyddor chwaraeon neu ym maes datblygu chwaraeon. Dewis arall fyddai dilyn gyrfa ym maes iechyd neu wyddoniaeth, lle bydd eich profiad o ymchwilio'n uniongyrchol berthnasol.

Gwybodaeth campws Llandrillo-yn-Rhos

Gwybodaeth am yr Uned

Am bob 10 credyd, dylai myfyrwyr ymgysylltu â thua 100 o oriau tybiannol o ddysgu. Bydd hyn oddeutu 30% o gyswllt dysgu uniongyrchol a 70% o ddysgu annibynnol i fyfyrwyr.

Mae'r cwrs yn cynnwys y modiwlau a ganlyn:

Blwyddyn 1 (Lefel 4)

Anatomeg Swyddogaethol (10 credyd, gorfodol)
Nod y modiwl hwn yw darparu gwybodaeth am gysyniadau sylfaenol anatomeg ddynol sy'n sail i swyddogaeth ddynol a'u perthynas ag egwyddorion cinesioleg. (Cyflwyniad 50%, Arholiad 50%)

Asesu Ffitrwydd (10 credyd, gorfodol)
Prif nod yr uned yw sicrhau bod myfyrwyr yn ymgyfarwyddo â thechnegau a phrotocolau profi, gan feithrin sgiliau ymarferol, trin data a chysyniadau pwysig ym maes ffisioleg ymarfer corff. Bydd myfyrwyr yn magu profiad ymarferol hefyd mewn perthynas â chod ymddygiad ac ystyriaethau moesegol a moesol. (Traethawd 25%, Asesiad Ymarferol 75%)

Pecyn Cymorth Hyfforddi 1 (20 credyd, gorfodol)
Nod y modiwl hwn yw cyflwyno cysyniadau damcaniaethol y broses hyfforddi mewn ffordd ymarferol, gan roi profiad i fyfyrwyr o ddefnyddio technegau arfer gorau mewn amrywiaeth o sefyllfaoedd chwaraeon. Bydd myfyrwyr hefyd yn cael y cyfle i gynllunio, cyflwyno a gwerthuso eu sesiynau hyfforddi. (Cyflwyno Sesiwn 50%, Gwerthusiad Ysgrifenedig 50%)

Hanfodion Ffisioleg Ymarfer (20 credyd, gorfodol)
Nod y modiwl hwn yw dysgu rhagor am anatomeg ddynol a chyflwyno'r agweddau ffisiolegol ar berthynas gwahanol systemau'r corff â'i gilydd pan wneir ymarfer corff, a'r addasiadau a ddigwydd yn dilyn gwneud ymarfer corff am gyfnod hir. Hefyd, bydd y myfyrwyr yn meithrin sgiliau ymchwilio'n ymarferol mewn labordy ynghyd â sgiliau trin a chyflwyno data. (Traethawd 50%, Adroddiad 50%)

Hanfodion Seicoleg Chwaraeon (10 credyd, gorfodol)
Pwrpas y modiwl hwn yw archwilio modelau damcaniaethol sylfaenol sy'n gynhenid ym mhroses seicoleg chwaraeon a'u perthynas â pherfformiad. Bydd y modiwl hwn yn gyflwyniad i egwyddorion seicoleg chwaraeon (Cyflwyniad Grŵp 70%, Adlewyrchiad 30%)

Dulliau Ymchwilio a Sgiliau Astudio (10 credyd, gorfodol)
Nod y modiwl hwn yw datblygu gallu'r myfyriwr i ddefnyddio amrediad o sgiliau academaidd yn briodol mewn disgyblaeth benodol. Bydd yn galluogi myfyrwyr i feithrin sgiliau o ran deall sut i ymchwilio'n briodol, defnyddio confensiynau academaidd, ysgrifennu academaidd a rheoli a threfnu eu gwaith. Bydd y modiwl hefyd yn eu cyflwyno i'r cysyniadau sylfaenol sy'n gysylltiedig â thrin a dadansoddi data. (Portffolio 100%)

Egwyddorion Hyfforddi (20 credyd, gorfodol)
Nod y modiwl hwn yw cyflwyno cysyniadau damcaniaethol ynghylch y broses hyfforddi mewn modd ymarferol, gan roi profiad i fyfyrwyr o ddefnyddio gwahanol dechnegau hyfforddi mewn amrywiol sefyllfaoedd ym maes chwaraeon. Caiff myfyrwyr gyfle hefyd i gynllunio, i gynnal ac i werthuso eu sesiynau hyfforddi eu hunain. Mewn gweithdai Sports Coach UK, caiff myfyrwyr feithrin dealltwriaeth o'r prif feysydd sy'n gysylltiedig â hyfforddi e.e. diogelu ac anabledd ym maes chwaraeon. (Arsylwad hyfforddi 70%, Cyflwyniad 30%)

Dysgu Seiliedig ar Gyflogadwyedd 1 - Rhoi Theori ar Waith (20 credyd, gorfodol)

Byddwch yn gwneud nifer o dasgau sy'n gysylltiedig â gwaith, ac a drefnwyd gan gyflogwyr/cynrychiolwyr o'r diwydiant a staff y Grŵp ar y cyd. (Portffolio 100%)

Dulliau Ymchwil a Sgiliau Astudio (10 credyd, gorfodol)
Nod y modiwl yw datblygu gallu’r myfyriwr i gymhwyso ystod o sgiliau academaidd yn briodol o fewn disgyblaeth ddewisol. Bydd yn galluogi myfyrwyr i ddatblygu sgiliau deall sut i gynnal ymchwil priodol, defnyddio confensiynau academaidd, ysgrifennu academaidd a rheoli a threfnu eu gwaith. Bydd y modiwl hefyd yn cyflwyno cysyniadau sylfaenol o drin a dadansoddi data. (Portffolio 100%)

Maeth a Pherfformiad ym maes Chwaraeon (20 credyd, gorfodol)
Pwrpas y modiwl hwn yw rhoi i fyfyrwyr gyflwyniad i faeth ym maes chwaraeon, y rôl y mae maeth yn ei chwarae o ran gwella iechyd a pherfformiad a sut y gellir cynnwys ychwanegion dietegol (cymorth ergogenig) mewn poblogaethau o athletwyr. (Traethawd 60%, Cyflwyniad 40%)

Blwyddyn 2 (Lefel 5)

Biomecaneg (10 credyd, gorfodol)
Nod y modiwl hwn yw meithrin dealltwriaeth ymarferol o gysyniadau ym maes biomecaneg a chinesioleg sy'n ymwneud â symud a pherfformio yng nghyd-destun chwaraeon, a chanfod meysydd y gellid eu gwella. (Adroddiad 100%)

Dadansoddi Perfformiad (10 credyd, gorfodol)
Nod y modiwl hwn yw meithrin gwybodaeth am ddulliau gwahanol o ddadansoddi perfformiad, gan eu rhoi ar waith mewn amrywiol gyd-destunau chwaraeon, a chan ddadansoddi eu heffeithiolrwydd a rhoi i fyfyrwyr sgiliau ymarferol o ran dadansoddi a rhoi adborth i athletwyr. (Traethawd 60%, Astudiaeth Achos 40%)

Dysgu Seiliedig ar Gyflogadwyedd 2 - Adfyfyrio Proffesiynol a Datblygiad Personol (20 credyd, gorfodol)
Nod y modiwl hwn yw rhoi cyfle i ddysgwyr ddadansoddi gwerth eu dysgu mewn cyd-destunau galwedigaethol a gwaith-benodol. Wrth wneud hynny, bydd gofyn i'r myfyrwyr adfyfyrio ar eu profiadau dysgu, gan eu rhoi ar waith i wella eu gwybodaeth a'u sgiliau academaidd a galwedigaethol, eu hunan-barch a'u cyflogadwyedd yn awr ac yn y dyfodol. (Portffolio 60%, Cynllun Datblygol 40%)

Ffisioleg Gymhwysol (20 credyd, gorfodol)
Prif nod y modiwl hwn yw adeiladu ar astudiaeth flaenorol o ffisioleg a maetheg a chaniatáu i fyfyrwyr gymhwyso'r wybodaeth hon o safbwynt gwyddor chwaraeon, i wneud y gorau o berfformiad athletwyr yn y pen draw. Bydd myfyrwyr yn archwilio meysydd ymarfer allweddol mewn gwahanol amgylcheddau a strategaethau sy'n seiliedig ar dystiolaeth y gellir eu defnyddio cyn, yn ystod ac ar ôl ymarfer i ddarparu enillion ymylol ac arwain at uchafu perfformiad. (Traethawd 50%, Cyflwyniad 50%)

Dulliau Ymchwilio (20 credyd, gorfodol)
Nod y modiwl hwn yw cadarnhau, datblygu ymhellach ac ymestyn gallu'r myfyriwr i ddefnyddio amrediad o sgiliau academaidd yn briodol mewn maes penodol. Bydd yn galluogi myfyrwyr i wella eu sgiliau ysgrifennu academaidd a'u sgiliau ymchwilio i ganfod gwybodaeth, datblygu rhagdybiaethau y gellir eu cyfiawnhau, defnyddio methodolegau ac adnoddau ymchwilio, dadansoddi ac adrodd ar ddata disgwyliedig a dadlau ag argyhoeddiad er mwyn cyflwyno adroddiad sy'n cyfleu cynnig ymchwil cadarn yn effeithiol. (Cynnig Prosiect 30%, Adroddiad 70%)

Seicoleg Arferion Hyfforddi (20 credyd, gorfodol)
Prif nod y modiwl hwn yw gwella sgiliau hyfforddi ymarferol ac edrych ar y prif gysyniadau sy'n dylanwadu ar yr amgylchedd hyfforddi a'r amgylchedd dysgu sydd ohoni ym maes hyfforddi heddiw. Bydd myfyrwyr yn astudio sut y gall arweinyddiaeth hyfforddwr effeithio ar yr amgylchedd dysgu a'r effaith a gaiff deinameg grŵp ar berfformiad tîm. (Arsylwad hyfforddi 60%, Cyflwyniad 40%)

Seicoleg Ymarfer Hyfforddi (20 credyd, gorfodol)
Prif nod y modiwl yw adeiladu ar sgiliau hyfforddi ymarferol ac archwilio cysyniadau allweddol sy'n dylanwadu ar yr amgylchedd hyfforddi a dysgu mewn hyfforddi modern. Bydd myfyrwyr yn archwilio sut y gall arweinyddiaeth hyfforddwyr effeithio ar yr amgylchedd dysgu ac effeithiau deinameg grŵp ar berfformiad tîm. (Arddangosiad Hyfforddi 30%, Adolygiad 30%, Cyflwyniad 40%)

Pecyn Cymorth Hyfforddi 2 (20 credyd, gorfodol)
Prif nod y modiwl hwn yw datblygu ymarfer hyfforddi o gaffael sgiliau a darparu argymhellion arfer gorau i wella dysgu a chadw. Hefyd, bydd y modiwl hwn yn archwilio modelau cynllunio hirdymor ar gyfer datblygiad athletwyr a'r ffordd orau o'u rhoi ar waith. (Cynllun Hyfforddi 30%, Traethawd 40%)