Trin Gwallt Lefel 3
Manylion Allweddol
- Ar gael yn:Bangor (Campws Newydd), Llandrillo-yn-Rhos, Y Rhyl, Dolgellau
- Dull astudio:Llawn Amser
- Hyd:
1 blwyddyn
Trin Gwallt Lefel 3Dysgwyr sy'n Oedolion
Disgrifiad o'r Cwrs
Ydych chi'n ystyried datblygu eich gyrfa ym maes trin gwallt? Hoffech chi weithio yn un o'r salonau gorau, ar gychod pleser neu gael swydd fel rheolwr neu ddangosydd?
Mae diwydiant trin gwallt y DU yn chwilio am arbenigwyr cymwys ac mae'r rhaglen hon yn eich caniatáu i fodloni'r meini prawf hynny. Mae hefyd yn un o'r ychydig gymwysterau a dderbynnir i weithio dramor, gan roi mwy fyth o opsiynau i lwyddo ichi.
Mae'r rhaglen yn addas ar gyfer myfyrwyr sy'n symud ymlaen o gymhwyster Lefel 2 perthnasol neu brofiad blaenorol mewn salon. Yn ogystal â hybu eich opsiynau gyrfa mae'n eich galluogi i symud ymlaen i Addysg Uwch a mynd â'ch astudiaethau ymhellach.
Gofynion mynediad
I gael lle ar y cwrs hwn byddwch angen o leiaf un o'r canlynol:
- Gradd Llwyddo mewn cymhwyster Lefel 2 perthnasol
- Profiad perthnasol mewn diwydiant
Bydd angen hefyd i chi fod wedi cael presenoldeb o 86% yn eich blwyddyn astudio gyfredol.
Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.
Cyflwyniad
Cyflwynir y rhaglen drwy gyfuniad o'r canlynol:
- Cyflwyniad Ymarferol
- Sesiynau Theori
- Gweithdai
- Hyfforddiant Masnachol mewn Salon
- Amgylchedd dysgu Realistig
Byddwch hefyd yn mynd ar brofiad gwaith fel rhan o'r rhaglen.
Asesiad
Asesir y rhaglen drwy gyfuniad o'r canlynol:
- Arsylwi
- Asesiadau ar-lein
Dilyniant
Mae'r rhaglen hon yn rhoi cymhwyster a set werthfawr o sgiliau i'ch helpu symud ymlaen i gyflogaeth neu addysg uwch.
Byddai modd i chi fynd yn eich blaen i astudio rhaglen lefel gradd gyda Grŵp Llandrillo Menai, megis Gradd Sylfaen (FdA) mewn Rheoli a Busnes, neu gwrs gradd arbenigol gyda sefydliad arall.
Neu, fe fyddai modd i chi gael swydd mewn gwesty, sba neu salon.
Neu ewch ymlaen i brentisiaeth:
- Prentisiaeth Lefel 3 mewn Gwaith Barbwr
- Prentisiaeth Lefel 3 mewn Trin Gwallt
Mwy o wybodaeth
Math o gwrs: Dysgwyr sy'n Oedolion, Disgyblion sy'n Gadael yr Ysgol
Lefel:
3
Maes rhaglen:
- Trin Gwallt a Therapi Harddwch
Dwyieithog:
Mae'r rhaglen yma ar gael yn ddwyieithog yn y campws/campysau canlynol:
- Bangor
- Dolgellau
Trin Gwallt a Therapi Harddwch
Dewch i wybod mwy am y maes hwn ac i weld ein canllawiau lefelau:
Trin Gwallt a Therapi Harddwch
