Cyflwyniad i Goginio Proffesiynol a Gweini Bwyd a Diod Lefel 1
Manylion Allweddol
- Ar gael yn:Bangor (Campws Newydd), Dolgellau
- Dull astudio:Llawn Amser
- Hyd:
1 flwyddyn
Cyflwyniad i Goginio Proffesiynol a Gweini Bwyd a Diod Lefel 1Llawn Amser (Addysg Bellach)
Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.
Disgrifiad o'r Cwrs
Ydych chi'n angerddol am fwyd a diod? Hoffech chi weithio yn un o'r diwydiannau mwyaf a mwyaf amrywiol yn y byd? Mae'r cwrs Lefel 1 hwn yn darparu cwricwlwm cyffrous i chi, wedi'i gynllunio i ddatblygu eich sgiliau ymarferol sy'n eich galluogi i weithio yn y diwydiant lletygarwch bywiog.
Byddwch yn profi ystod eang o weithgareddau creadigol a fydd yn cynnwys:
- Iechyd a Diogelwch,
- Diogelwch Bwyd,
- Sgiliau personol yn y gweithle
- Offer Cegin
- Technegau coginio e.e. berwi, ffrio, rhostio ac ati
- Gwasanaeth bwrdd a chownter
- Deddfwriaeth a deall bwydlenni
- Sgiliau bar
- Gwasanaeth cwsmer
- Profiad perthnasol mewn diwydiant
Trwy gydol y cwrs, mae datblygiad pob myfyriwr yn cael ei feithrin a'i annog mewn amgylchedd cefnogol. Byddwch yn cael eich tiwtora gan ymarferwyr proffesiynol, a fydd yn eich tywys a'ch cefnogi wrth ichi ddatblygu'ch sgiliau.
Fel rhan o'ch hyfforddiant bydd gofyn i chi hefyd ddatblygu eich sgiliau llythrennedd a rhifedd.
Bydd disgwyl i chi brynu gwisgoedd a cit sylfaenol. Efallai y bydd cymorth tuag at y gost hon ar gael trwy grantiau.
Gofynion mynediad
I gael lle ar y cwrs hwn byddwch angen o leiaf un o'r canlynol:
- 2 TGAU gradd D neu uwch
- Bydd disgwyl i chi ddangos eich ymrwymiad i ddysgu trwy gyflawni'ch graddau targed yn eich arholiadau TGAU a chael presenoldeb da ym mlwyddyn 11.
- Cwblhau rhaglen Hyfforddeiaeth, Cyn-alwedigaethol, Llwybrau Dysgu neu Gyswllt Ysgolion yn llwyddiannus
- Profiad perthnasol mewn diwydiant
Rhaid i ymgeiswyr sydd eisoes yn astudio yn y coleg wrth bresenoldeb o 86% ar eu cwrs presennol.
Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.
Cyflwyniad
Cyflwynir y rhaglen yn ein ceginau a'n bwytai diweddaraf trwy gyfuniad o'r canlynol:
- Hyfforddiant ymarferol mewn amgylchedd gwaith realistig
- Sesiynau ymarferol yn y gegin sgiliau
- Mynediad i gystadlaethau lleol a chenedlaethol
- Dysgu rhithwir yn yr ystafell ddosbarth
- Ymweliadau addysgol
Bydd eich rhaglen yn cynnwys cyfuniad o:
- Cymwysterau Sgiliau Hanfodol a/neu
- Ailsefyll TGAU
Sgiliau Hanfodol
Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.
Ailsefyll TGAU
Gall hyn gynnwys TGAU Rhifedd/Mathemateg a/neu Gymraeg/Saesneg.
Mathemateg a Chymraeg/Saesneg
Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.
Asesiad
Asesir y rhaglen drwy gyfuniad o'r dulliau canlynol:
- Profion ymarferol yn y gegin a't bwyty trwy gydol y flwyddyn
- Aseiniadau ysgrifenedig
- Profion cwestiwn ateb byr
Dilyniant
Mae cwblhau'r cwrs hwn yn llwyddiannus yn rhoi cyfle i chi symud ymlaen i:
- Gwasanaeth Coginio a Bwyd a Diod Proffesiynol Lefel 2
- Lletygarwch ac Arlwyo Lefel 2
- Prentisiaeth Sylfaen Lefel 2 mewn Cynhyrchu Bwyd a Choginio
- Prentisiaeth Sylfaen Lefel 2 mewn Coginio Proffesiynol
Gallech hefyd geisio cyflogaeth neu ystyried amryw gyfleoedd eraill o fewn addysg bellach.
Mwy o wybodaeth
Math o gwrs: Llawn Amser (Addysg Bellach)
Lefel:
1
Maes rhaglen:
- Lletygarwch ac Arlwyo
Dwyieithog:
Mae'r rhaglen yma ar gael yn ddwyieithog yn y campws/campysau canlynol:
- Bangor
- Dolgellau
- Llandrillo-yn-Rhos
Lletygarwch ac Arlwyo
Dewch i wybod mwy am y maes hwn ac i weld ein canllawiau lefelau:
