Tystysgrif Lefel 2 mewn Gosod Cydrannau Cerbydau Modur
Manylion Allweddol
- Ar gael yn:Llangefni
- Dull astudio:Llawn Amser
- Hyd:
Cwrs llawn amser sy’n para blwyddyn
Tystysgrif Lefel 2 mewn Gosod Cydrannau Cerbydau ModurDisgyblion sy'n Gadael yr Ysgol
Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.
Disgrifiad o'r Cwrs
Mae'r Dystysgrif Lefel 2 hon mewn Egwyddorion Gosod Cydrannau ar Gerbydau ar gyfer unrhyw un a'i fryd ar yrfa yn y diwydiant moduron sydd eisiau datblygu sgiliau ymarferol mewn systemau cerbydau modur ac ehangu eu dealltwriaeth ohonynt, megis teiars, systemau brêcs, pibellau gwacáu ac alinio olwynion gyda laser. Bydd gan ymgeiswyr llwyddiannus y sgiliau sydd eu hangen i wneud cais am Brentisiaeth Uwch ym maes moduro neu lwybr peirianneg tebyg.
Gofynion mynediad
Crefft Peirianneg Sylfaen Lefel 1 neu 3 TGAU gradd D neu uwch.
Cyflwyniad
Cymysgedd o sesiynau ymarferol yn y gweithdy a sesiynau theori yn yr ystafell ddosbarth.
Bydd eich rhaglen yn cynnwys cyfuniad o:
- Cymwysterau Sgiliau Hanfodol a/neu
- Ailsefyll TGAU
Sgiliau Hanfodol
Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.
Ailsefyll TGAU
Gall hyn gynnwys TGAU Rhifedd/Mathemateg a/neu Gymraeg/Saesneg.
Mathemateg a Chymraeg/Saesneg
Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.
Asesiad
Byddwch yn cael eich asesu trwy gymysgedd o weithgareddau ymarferol, arholiadau ar-lein ac asesiadau ysgrifenedig.
Dilyniant
Gall cwblhau'r cwrs yn llwyddiannus arwain at gyflogaeth mewn swyddi fel gosod teiars, gosod cydrannau cerbydau, technegydd alinio pedair olwyn neu at Brentisiaeth yn y diwydiant moduro. Gall dysgwyr hefyd symud ymlaen i Ddiploma Lefel 2 llawn mewn Cynnal a Chadw Cerbydau Modur, yn amodol ar gyflwyno cais a chael cyfweliad llwyddiannus.
Mwy o wybodaeth
Math o gwrs: Disgyblion sy'n Gadael yr Ysgol, Dysgwyr sy'n Oedolion
Lefel:
2
Maes rhaglen:
- Peirianneg
