Hyfforddwr Ffitrwydd Lefel 2

Os ydych chi'n angerddol ynghylch ffitrwydd ac eisiau helpu eraill i gyflawni eu nodau iechyd, mae'r Dystysgrif Lefel 2 Hyfforddwr Ffitrwydd yn fan cychwyn perffaith i'ch gyrfa. Mae’r cwrs hwn yn rhoi’r wybodaeth hanfodol a’r sgiliau ymarferol i gynllunio, cyflwyno a goruchwylio rhaglenni ymarfer corff diogel ac effeithiol. P'un ai ydych yn newydd i'r maes ffitrwydd neu'n awyddus i gael cydnabyddiaeth o'ch profiad presennol, bydd y cymhwyster hwn yn rhoi'r hyder i chi weithio mewn unrhyw gampfa neu glwb iechyd.

Cyflwynir y cwrs trwy addysgu pwrpasol gan ddarlithydd cymwys sydd â phrofiad fel Hyfforddwr Perfformiad i dîm pêl-droed dynion Cymru dan 17 oed. Byddwch yn derbyn arweiniad arbenigol wedi'i deilwra i'ch anghenion. Gyda gwybodaeth ac arbenigedd eang y darlithydd, cewch y cymorth a'r gefnogaeth sydd ei angen i lwyddo yn y cymhwyster hwn, wrth ddysgu am anatomeg, ffisioleg, maeth, iechyd a diogelwch, a gwasanaethau i gwsmeriaid. Ymunwch â ni a chymryd y cam cyntaf tuag at ddod yn hyfforddwr ffitrwydd cymwys!