Tystysgrif Lefel 3 mewn Sgiliau Cwnsela a Theori

Mae'r cwrs hwn yn addas i:

• bobl sy'n gweithio yn y sectorau statudol, preifat a gwirfoddol ac a hoffai ddatblygu eu sgiliau cwnsela yn rhan o'u rôl broffesiynol.
• Myfyrwyr sydd am gael eu hystyried ar gyfer hyfforddiant ym maes cwnsela ac sydd am fynd ymlaen i ddilyn cwrs gradd/ôl-radd.

Cynhelir y cwrs yng nghyd-destun sefyllfaoedd gwaith go iawn, ac edrychir ar agweddau ar wrando empathig, yn ogystal ag ar rôl agweddau, rhagfarnau a gwerthoedd a allai helpu neu lesteirio'r defnydd o sgiliau cwnsela. Mae'r cwrs yn canolbwyntio ar bwysigrwydd sefydlu perthynas therapiwtig.

Cewch gyfle i nodi, defnyddio a gwerthuso amrediad o sgiliau cwnsela. Yn yr uned, cewch eich annog i fod yn ymwybodol o derfynau eich rôl broffesiynol a phryd y mae'n well cyfeirio rhywun at unigolyn/asiantaeth arall.

I gael rhagor o wybodaeth am y cwrs hwn ffoniwch 01492 546 666 est. 1729 neu e-bost counsellingapplications@gllm.ac.uk

Cwestiynau Cyffredin Cwnsela – Lefel 3

Sawl wythnos yw'r cyrsiau?
Mae'r cyrsiau ar y safle a'r rhai ar-lein yn 30 wythnos academaidd o hyd.

Faint mae Lefel 3 yn costio?
Gall prisiau newid bob mis Medi ond i roi syniad i chi, y prisiau ym mis Medi 2024 oedd:

• Tystysgrif Lefel 3 Agored mewn Sgiliau a Theori Cwnsela - £679
• ⁠Tystysgrif Lefel 3 CPCAB mewn Astudiaethau Cwnsela - £829

A allaf gymryd rhan yn y dosbarthiadau ar-lein?
Darperir cyrsiau Agored ar y safle ac ni ellir eu cwblhau ar-lein. Darperir cyrsiau CPCAB yn gyfan gwbl ar-lein.

Pryd mae'r cwrs yn dechrau, hynny yw, ym mis Medi ac/neu ym mis Ionawr?
Mae dyddiadau dechrau yn amrywio ar gyfer ein cyrsiau gwahanol yn dibynnu ar y galw.

Fodd bynnag, fel arfer bydd cwrs Lefel 3 Agored yn dechrau ym mis Medi a mis Ionawr, ac fel arfer cynigir Lefel 3 CPCAB ym mis Medi yn unig.

Ar ba ddiwrnod/amser mae'r cwrs?
Mae'r diwrnod yn amrywio ar gyfer pob cwrs ond cynhelir y cyrsiau gyda'r nos fel arfer rhwng 6pm a 9pm.

A allaf dalu mewn rhandaliadau?
Gallwch, bydd angen i chi dalu blaendal o 20% o leiaf ac yna cytunir ar randaliadau gyda’n Hadran Gyllid sydd fel arfer yn:

• 8 rhandaliad ar gyfer ffioedd dysgu dros £500.

Bydd gofyn i chi sefydlu archeb sefydlog gyda'ch banc os byddwch yn talu mewn rhandaliadau.

Pryd y gallaf weithio fel Cwnselydd
Ar ôl cwblhau Tystysgrif Addysg Uwch Lefel 4 mewn Cwnsela neu BSc Cwnsela

Beth yw'r llwybr gorau i gymhwyso yn Gwnselydd cymwys
Cwblhau Lefel 2, Lefel 3 a Thystysgrif Addysg Uwch Lefel 4 mewn Cwnsela ⁠neu cwblhau'r FSc/BSc mewn Cwnsela.

A oes rhaid i mi gwblhau Lefel 2?Gallwch dde
wis dechrau gyda’r FSc mewn Cwnsela ond os dewiswch astudio drwy’r llwybr Agored neu CPCAB gofynnwn i bawb gwblhau Lefel 2 gan ei fod yn sefydlu'r lefel dysgu sylfaenol ac yn llwybr dilyniant. Yr unig eithriad fyddai os oes gennych o leiaf 30 awr o brofiad cwnsela y gellir ei dystiolaethu.

A allwch chi roi rhagor o wybodaeth i mi am y lleoliad?
Bydd gofyn i chi wneud lleoliad am 2 awr yr wythnos wrth gwblhau lefel 3. Pan ar leoliad, bydd angen i chi allu ymarfer y sgiliau rydych chi'n eu dysgu e.e. gwrando gweithredol, aralleirio, crynhoi.

A ydych yn rhoi arweiniad ar ddod o hyd i leoliad addas ar gyfer cwblhau'r oriau yn ystod Lefel 3?
Gallwn gynnig rhai awgrymiadau. Disgwylir i fyfyrwyr gysylltu â lleoliadau eu hunain a chadarnhau trefniadau.

A allaf wneud CPCAB Lefel 3 os byddaf yn gwneud Agored Lefel 2?
Ddim fel arfer, er y gall fod yn bosibl yn ddibynnol ar hyfforddiant a phrofiad blaenorol. Mae'n rhaid eich bod wedi cwblhau 75 awr o hyfforddiant cwnsela er mwyn dechrau ar Lefel 3 CPCAB neu 30 awr o brofiad cwnsela y gellir ei dystiolaethu.

A yw naill ai ⁠Tystysgrif CPCAB Lefel 3 mewn Astudiaethau Cwnsela neu Dystysgrif Lefel 3 Agored mewn Sgiliau Cwnsela a chyrsiau Theori wedi'u hachredu gan BACP?
Na, nid yw'n ofyniad ar Lefel 3. Mae'r ddau gwrs yn bodloni safonau BACP o ran oriau hyfforddi y mae'r BACP eu hangen wrth wneud cais i fod yn aelod.

Rwy'n 18 oed ond byddaf yn 19 oed hanner ffordd drwy'r cwrs.
Mae angen i chi fod yn 19 oed pan fydd y cwrs yn dechrau ar gyfer y dosbarthiadau Agored a gynhelir ar y safle. Gallwch ddechrau CPCAB lefel 3 yn 18 oed os oes gennych yr oriau/profiad dysgu dan arweiniad gofynnol.

Mae gen i ddiddordeb mewn mynychu’r cwrs gyda fy ffrind/partner/perthynas/priod, a all y ddau ohonom fynychu?

Gall peth o'r cynnwys fod braidd yn bersonol. Felly, byddem yn argymell eich bod yn dewis sesiwn cwrs gwahanol ac yn mynychu ar wahân, oherwydd efallai y cewch mwy o fudd o'r cwrs drwy fynychu sesiynau gwahanol i'ch gilydd.

A allaf fynd yn syth i Lefel 3?
Gofynnwn i ddysgwyr gwblhau Lefel 2 yn gyntaf oni bai eu bod naill ai wedi:

• cwblhau cwrs lefel 2 mewn cwnsela gydag o leiaf 45 awr o hyfforddiant, neu
• cwblhau 30 awr o brofiad cwnsela y gellir ei brofi ar gyfer Lefel 3 Agored, neu
• cwblhau o leiaf 75 awr o hyfforddiant mewn sgiliau cwnsela a theori, neu
• cwblhau 30 awr o brofiad cwnsela y gellir ei dystiolaethu ar gyfer CPCAB Lefel 3.