Ystyriaethau Meddygol i Weinyddwyr, Lefel 3
Manylion Allweddol
- Ar gael yn:Abergele
- Dull astudio:Rhan amser
- Hyd:
3 hours per week for 30 weeks
Ystyriaethau Meddygol i Weinyddwyr, Lefel 3Dysgwyr sy'n Oedolion (19+)
Dewch i gysylltiad am ragor o wybodaeth am sut i wneud cais am y cwrs hwn.
Disgrifiad o'r Cwrs
Bwriad yr uned hon yw rhoi gwybodaeth feddygol arbenigol i chi o weinyddiaeth a dulliau gweithredu mewn amgylchedd gofal iechyd.
Bydd yn eich galluogi i ddeall y dulliau gweithio mewn amgylchedd meddygol - boed hynny mewn gofal sylfaenol, eilaidd neu ofal yn y gymuned.
Bydd yn rhoi dealltwriaeth i chi o ddulliau hybu iechyd a meddygaeth ataliol. Byddwch hefyd yn dysgu sut i gynnal amgylchedd gweithio diogel ac iach drwy atal heintiau a sut mae egwyddorion moeseg feddygol, safonau ymddygiad a chyfrinachedd yn berthnasol i weinyddu meddygol. Ar ben hynny byddwch yn meithrin dealltwriaeth o waith yr adran patholeg a'r adran delweddu clinigol ac yn cael gwybodaeth sylfaenol am ddosbarthiadau cyffuriau.
Gall cymhwyster Lefel 3 mewn Ystyriaethau Meddygol i Weinyddwyr eich helpu i lwyddo i symud ymlaen drwy system band cyflog y Gwasanaeth Iechyd Gwladol mewn swydd weinyddol mewn sefydliad o unrhyw fath neu faint yn y GIG, gan gynnwys fel: Ysgrifennydd/Gweinyddwr.
Gofynion mynediad
Ystyrir defnydd da o'r Saesneg yn fanteisiol gyda phwyslais neilltuol ar gywirdeb wrth sillafu.
Cyflwyniad
Sesiynau addysgu gan ddefnyddio trafodaethau, ymarferion/gweithgareddau ymarferol, taflenni gwaith, asesiadau, cyfarwyddiadau uniongyrchol, sesiynau darlithio, fideos a dulliau dysgu eraill.
Bydd gwaith cartref a dysgu annibynnol yn rhan annatod o'r cwrs.
Asesiad
Bydd yr holl waith yn cael ei asesu drwy gyfuniad o’r dulliau canlynol: portffolio o dystiolaeth; asesiadau; cwestiynau atebion byr.
Dilyniant
Dilyniant
- Sgiliau Gweinyddu Meddygol, Lefel 3
- Terminoleg Feddygol, Lefel 3
- Sgiliau Cyfathrebu Meddygol, Lefel 3
- Trawsgrifio Clywedol a Geiriol ym maes Meddygaeth, Lefel 3
Mwy o wybodaeth
Math o gwrs: Dysgwyr sy'n Oedolion (19+)
Lefel:
3
Maes rhaglen:
- Busnes a Rheoli
Busnes a Rheoli
Dewch i wybod mwy am y maes hwn ac i weld ein canllawiau lefelau:
