Cynllun Mentora
Manylion Allweddol
- Ar gael yn:Lleoliad cymunedol
- Dull astudio:Rhan amser
- Hyd:
Hyd at 14 awr o gyswllt â thiwtor Sgiliaith, gan gynnwys mentora un i un, mentora mewn grwpiau, gweminarau a chefnogaeth gan gymheiriaid.
Cynllun Mentora
Dewch i gysylltiad am ragor o wybodaeth am sut i wneud cais am y cwrs hwn.
Disgrifiad o'r Cwrs
Mae'r cynllun wedi'i gynllunio i gefnogi ymarferwyr mewn sefyllfaoedd dysgu real drwy gynnig arweiniad a chefnogaeth iddynt i fewnosod y Gymraeg/dwyieithrwydd gyda dysgwyr yn y dosbarth a/neu yn gweithle.
Gofynion mynediad
Anelir y cynllun at diwtoriaid ac aseswyr yn y sector addysg bellach a phrentisiaethau. Mae’n addas i siaradwyr Cymraeg a di-Gymraeg.
Cyflwyniad
Mae'r cynllun wedi ei gynllunio i gefnogi ymarferwyr mewn sefyllfaoedd dysgu ac asesu real drwy:
- Gynnig arweiniad i gefnogi ymarferwyr wrth fewnosod y Gymraeg/ dwyieithrwydd gyda dysgwyr yn y dosbarth a/neu yn y gweithle;
- Amlinellu'r angen i ddatblygu'r ymarfer o fewnosod y Gymraeg/ dwyieithrwydd mewn ffordd sy'n naturiol a chytbwys;
- Trafod methodoleg i ddatblygu technegau gwahanol wrth fewnosod y Gymraeg/dwyieithrwydd;
- Cefnogi ymarferwyr i asesu eu cryfderau a'u gwendidau eu hunain mewn perthynas â mewnosod y Gymraeg/ dwyieithrwydd;
- Cynnig cyfle i rwydweithio gydag ymarferwyr eraill yng Nghymru a bod yn rhan o gymuned ddysgu broffesiynol;
- Cynllunio ar gyfer datblygiad pellach.
Asesiad
Ddim yn berthnasol.
Dilyniant
Nod Rhaglen Datblygu Staff Cenedlaethol Sgiliaith yw darparu hyfforddiant a rhaglen mentora arloesol i staff yn y sectorau addysg bellach a phrentisiaethau. Bwriad hynny yw cefnogi ymarferwyr i gynnig darpariaeth Gymraeg a dwyieithog i ddysgwyr a phrentisiaid.
Mae Rhaglen Hyfforddiant Datblygu Staff Sgiliaith yn cynnig amrywiaeth eang o gyfleoedd hyfforddiant i gefnogi dilyniant sgiliau dwyieithog ymarferwyr, a chynigia Cynllun Fentora Staff Sgiliaith gefnogaeth i ymarferwyr mewn sefyllfaoedd dysgu go iawn i fewnosod y Gymraeg/dwyieithrwydd yn y dosbarth neu yn y gweithle.
Ceir cyfleoedd hyfforddiant Sgiliaith sy’n addas i bawb yn y sector, beth bynnag eu sgiliau Cymraeg neu brofiad blaenorol.
Ariennir darpariaeth Sgiliaith ar gyfer staff addysg bellach a phrentisiaethau gan Y Coleg Cymraeg Cenedlaethol. Porwch ein holl gyrsiau yma.
Mwy o wybodaeth
Lefel:
N/A
Maes rhaglen:
- Arbenigol / Arall
Dwyieithog:
Mae'r rhaglen hon ar gael yn Gymraeg neu Saesneg.
![Sgiliaith](/imager/images/276152/sgiliaith_bef452f0f560e18b7c4f149ac76ef1f4.jpeg 190w, /imager/images/276152/sgiliaith_fb2bc4b36e7f31768055cf3544a96d0c.jpeg 300w)