Cerddoriaeth a Thechnoleg Cerddoriaeth Lefel 3

Manylion Allweddol

Ar gael yn:
Bangor (Campws Newydd), Llandrillo-yn-Rhos
Dull astudio:
Llawn Amser
Hyd:
2 flynedd

Gwnewch gais

Oes gennych gwestiwn? Cysylltwch â ni!

Cerddoriaeth a Thechnoleg Cerddoriaeth Lefel 3

Disgyblion sy'n Gadael yr Ysgol

Bangor

Apply now

Llandrillo-yn-Rhos

Apply now

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Ydych chi wedi gwirioni ar gerddoriaeth? Hoffech chi gael gyrfa yn y diwydiant cerddoriaeth?

Ar y cwrs hwn, cewch ddysgu am sain ddigidol a thechnoleg cerdd yn cynnwys dylunio sain, cynhyrchu a recordio sain. Byddwch yn cael cip ar y diwydiant technoleg cerddoriaeth.

Byddwch yn ennill cymhwyster ymarferol sy'n berthnasol i'r gweithle a byddwch yn dysgu wrth gwblhau prosiectau ac aseiniadau sy'n cyfeirio at sefyllfaoedd sy'n berthnasol i'r gweithle. Bydd yn datblygu eich gwybodaeth a'ch sgiliau ac yn eich cynorthwyo i fynd ymlaen i ddechrau gyrfa neu ddilyn cwrs Addysg Uwch. Byddwch yn datblygu sgiliau sy'n addas ar gyfer sawl gyrfa wahanol yn y diwydiant cerddoriaeth a meysydd eraill.

Fel rhan o'r cwrs hwn, byddwch yn derbyn Diploma Lefel 3 UAL mewn Perfformio a Chynhyrchu Cerddoriaeth.

Gofynion mynediad

I gael lle ar y cwrs hwn byddwch angen o leiaf un o'r canlynol:

4 TGAU gradd C neu uwch, yn ddelfrydol i gynnwys Mathemateg a Saesneg neu Gymraeg (iaith 1af)
Gradd Llwyddo mewn cymhwyster Lefel 2 perthnasol
Profiad perthnasol mewn diwydiant

Bydd angen hefyd i chi fod wedi cael presenoldeb o 86% yn eich blwyddyn astudio flaenorol.

Fel rhan o'r broses ymgeisio, gofynnir ichi fynychu cyfweliad i roi'r cyfle i chi drafod y cwrs.

Mae lleoedd ar y rhaglen yn destun cyfweliad a chlyweliad.

Cyflwyniad

Cyflwynir y rhaglen drwy gyfuniad o'r dulliau a ganlyn:

Sesiynau ymarferol a gweithdai
Gweithgareddau yn y dosbarth
Gwaith grŵp, fel dosbarth cyfan neu mewn grwpiau arbenigol
Astudio o'ch pen a'ch pastwn eich hun
Sesiynau gyda Thiwtor Personol
Ystafell Ddosbarth Google

Byddwch yn elwa ar gyfleusterau sydd o'r radd flaenaf yn ystod y cwrs, a fydd yn amrywio o gampws i gampws. Mae'r rhain yn cynnwys stiwdio recordio, offerynnau cerddorol, cyfleusterau cymysgu, lolfa fyw, ystafelloedd trin deunydd digidol Mac, ystafelloedd ymarfer a lolfeydd myfyrwyr.

Bydd eich rhaglen yn cynnwys cyfuniad o:

Cymwysterau Sgiliau Hanfodol a/neu
Ailsefyll TGAU a/neu
Bagloriaeth Cymru

Bagloriaeth Cymru

Mae Bagloriaeth Cymru'n gymhwyster gwerthfawr a astudir yn aml ochr yn ochr â chwrs llawn amser.

Caiff y cymhwyster, sy'n werth hyd at 120 pwynt UCAS, ei raddio A*–E a bydd yn rhoi i chi sgiliau personol a sgiliau busnes trosglwyddadwy. Mae prifysgolion a chyflogwyr yn ei ystyried yn gymhwyster gwerthfawr.

Yn rhan o'r cymhwyster, byddwch yn dysgu am Ddinasyddiaeth Fyd-eang, Mentergarwch a Chyflogadwyedd, yn cymryd rhan mewn gweithgareddau ymgysylltu â'r gymuned ac yn mynd ar brofiad gwaith.

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.

Asesiad

Asesir y rhaglen drwy gyfuniad o'r dulliau canlynol:

Asesu mewnol parhaol yn ystod y cwrs, prosiectau ymarferol, aseiniadau, sesiynau gyda thiwtor personol a pherfformiadau.
Byddwch hefyd yn cwblhau prosiectau neu aseiniadau ar ddiwedd pob modiwl
Y rhai fydd yn gyfrifol am asesu fydd tîm y cwrs, chi eich hun a'r un fydd yn cynnig profiad gwaith.

Dilyniant

Os gwnewch chi gwblhau'r cwrs hwn yn llwyddiannus, bydd gennych nifer o ddewisiadau o ran addysg a gwaith.

Bydd y cymhwyster yn cyfrannu at eich pwyntiau UCAS a gallwch wneud cais i ddilyn nifer o gyrsiau Addysg Uwch mewn sawl sefydliad. Mae'r rhain yn cynnwys graddau ym maes Cerddoriaeth a Thechnoleg Cerddoriaeth, yn ogystal â nifer o bynciau eraill.

Bydd gennych hefyd gyfleodd gwaith posib yn y diwydiant cerddoriaeth, y diwydiannau creadigol a'r sector dechnoleg un ai yn syth neu yn dilyn hyfforddiant pellach. Gall y rhain gynnwys gyrfa fel troellwr disgiau, cerddor, cynhyrchydd, peiriannydd darlledu, rheolwr adloniant, cyfansoddwr neu athro.