Celfyddydau Perfformio Lefel 3

Manylion Allweddol

Ar gael yn:
Bangor (Campws Newydd), Llandrillo-yn-Rhos
Dull astudio:
Llawn Amser
Hyd:
2 flynedd

Gwnewch gais

Oes gennych gwestiwn? Cysylltwch â ni!

Celfyddydau Perfformio Lefel 3

Llawn Amser (Addysg Bellach)

Bangor

Mae'r cwrs yn llawn ar hyn o bryd - Gwnewch ymholiad am y cwrs hwn

Llandrillo-yn-Rhos

Mae'r cwrs yn llawn ar hyn o bryd - Gwnewch ymholiad am y cwrs hwn

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Oes gennych chi ddiddordeb byw mewn perfformio? Hoffech chi ddatblygu'ch sgiliau a'ch hyder?

Cynlluniwyd y cwrs hwn i ddatblygu amrywiaeth o sgiliau perfformio yn cynnwys actio mewn nifer o arddulliau gwahanol, cyfarwyddo, sgriptio, perfformio theatr corfforol a pharatoi ar gyfer clyweliadau. Byddwch yn meithrin gwybodaeth werthfawr i'r celfyddydau perfformio ac yn gallu gweithio mewn modd proffesiynol gyda phobl sy'n rhannu eich diddordebau.

Bydd y cwrs yn addas i chi os ydych yn symud ymlaen o astudio TGAU neu gwrs Lefel 2 perthnasol. Yn ogystal â datblygu eich gallu cewch gyfle i ddod i ddeall y diwydiant perthnasol a pharatoi ar gyfer eich gyrfa.

Gofynion mynediad

I gael lle ar y cwrs hwn byddwch angen o leiaf un o'r canlynol:

4 TGAU gradd C neu uwch, yn ddelfrydol i gynnwys Mathemateg a Saesneg neu Gymraeg (iaith 1af)
Gradd Llwyddo mewn cymhwyster Lefel 2 perthnasol
Profiad perthnasol mewn diwydiant

Bydd angen hefyd i chi fod wedi cael presenoldeb o 86% yn eich blwyddyn astudio flaenorol.

Fel rhan o'r broses ymgeisio, gofynnir i chi fynychu cyfweliad i roi y cyfle i chi drafod y cwrs.

Mae lleoedd ar y rhaglen yn destun cyfweliad a chlyweliad.

Cyflwyniad

Cyflwynir y rhaglen drwy gyfuniad o'r dulliau a ganlyn:

Gwaith grŵp
Dysgu yn y dosbarth ac yn y theatr
Cefnogaeth tiwtor
Ymweliadau addysgol
Amgylchedd dysgu rhithwir (MOODLE)
Ystafell Ddosbarth Google

Bydd eich rhaglen yn cynnwys cyfuniad o:

Cymwysterau Sgiliau Hanfodol a/neu
Ailsefyll TGAU a/neu
Bagloriaeth Cymru

Bagloriaeth Cymru

Mae Bagloriaeth Cymru'n gymhwyster gwerthfawr a astudir yn aml ochr yn ochr â chwrs llawn amser.

Caiff y cymhwyster, sy'n werth hyd at 120 pwynt UCAS, ei raddio A*–E a bydd yn rhoi i chi sgiliau personol a sgiliau busnes trosglwyddadwy. Mae prifysgolion a chyflogwyr yn ei ystyried yn gymhwyster gwerthfawr.

Yn rhan o'r cymhwyster, byddwch yn dysgu am Ddinasyddiaeth Fyd-eang, Mentergarwch a Chyflogadwyedd, yn cymryd rhan mewn gweithgareddau ymgysylltu â'r gymuned ac yn mynd ar brofiad gwaith.

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.

Asesiad

Asesir y rhaglen drwy gyfuniad o'r dulliau canlynol:

Asesiadau/aseiniadau ymarferol ac ysgrifenedig
Cyflwyniadau ac arddangosiadau
Portffolios a llyfrau logio gweithgareddau
Perfformio ac arsylwi

Dilyniant

Mae nifer o fyfyrwyr yn dewis parhau i ddatblygu eu sgiliau perfformio ar lefel uwch. Bydd eich dewisiadau yn cynnwys:

Tystysgrif Genedlaethol Uwch (HNC) yn y Celfyddydau Perfformio (Actio)
mynd ymlaen i ddilyn cwrs gradd mewn prifysgol
hyfforddiant theatr technegol
cyrsiau perfformio proffesiynol mewn colegau cerdd, dawns neu ddrama

Bydd y cwrs hefyd yn eich paratoi ar gyfer amrywiaeth o yrfaoedd yn y celfyddydau perfformio a meysydd eraill. Mae rhai cyn-fyfyrwyr yn gweithio fel cantorion, dawnswyr neu actorion proffesiynol, yn rheoli cwmnïau perfformio, rheolwyr adloniant, rheolwyr theatr, yn gweithio ym maes coreograffi a chelfyddydau cymunedol yn ogystal â rheoli ar fordeithiau, dysgu, gwerthu a'r sector dwristiaeth.