Prentisiaethau - Cyfryngau Cymdeithasol a Marchnata Digidol Lefel 3

Mae twf y Cyfryngau Cymdeithasol a Marchnata Digidol yn gyfle i ddenu staff newydd i’r diwydiant ac i ddefnyddio a gwella sgiliau staff presennol fel bod ganddynt y wybodaeth a'r profiad i ymgymryd â dyletswyddau'n ymwneud â'r cyfryngau cymdeithasol a marchnata digidol i gynyddu cynhyrchiant ac effeithlonrwydd.

Marchnata Digidol Lefel 3

Mae unedau gorfodol y llwybr marchnata digidol yn canolbwyntio ar fusnes ac yn gyfle i feithrin dealltwriaeth o swyddogaethau busnes, ffynonellau gwerthu, teithiau cwsmeriaid a diffiniadau sector. Mae'r unedau dewisol wedi'u teilwra i'r ymgeiswyr a gallent gynnwys; datblygu brand, marchnata cynnwys, marchnata dros e-bost, creu copi testun ar gyfer y cyfryngau digidol, meddalwedd golygu delweddau ac egwyddorion y cyfryngau cymdeithasol o fewn busnes (a llawer mwy).

Cyfryngau Cymdeithasol i Fusnesau Lefel 3

Mae'r llwybr cyfryngau cymdeithasol yn canolbwyntio ar reoli a chynnal rhwydwaith cyfryngau cymdeithasol, asesu a lleihau risgiau i'ch presenoldeb ar-lein, deall sut i ddefnyddio geiriau allweddol ac optimeiddio peiriannau chwilio yn ogystal â sut i ddefnyddio cyfryngau cymdeithasol i hysbysebu a hyrwyddo.