Prentisiaethau - Arwain Timau a Rheoli Lefel 2 a 3

Mae'r prentisiaethau Arwain Tîm (Lefel 2) a Rheoli (Lefel 3) wedi'u cynllunio i ddarparu cymhwyster hyblyg a throsglwyddadwy sy'n diwallu anghenion cyflogwyr o bob maint ym mhob sector yn awr ac yn y dyfodol. Datblygwyd y Brentisiaeth Sylfaenol mewn Arwain Tîm i gynorthwyo unigolion sy'n gweithio fel arweinwyr tîm, arweinwyr adrannol, rheolwyr llawr, rheolwyr desgiau cymorth, goruchwylwyr timau, neu'n gweithio fel arweinwyr tîm mewn amrywiaeth o swyddi eraill. Datblygwyd y Brentisiaeth mewn Rheoli i gynorthwyo unigolion sy'n gweithio fel rheolwyr llinell rheng flaen, rheolwyr adrannol, rheolwyr cynorthwyol, rheolwyr dan hyfforddiant, uwch-oruchwylwyr, neu'n gweithio fel rheolwyr mewn amrywiaeth o swyddi eraill. Bydd y tasgau a wneir yn amrywio'n ôl lefel a sector. Fodd bynnag, gall tasgau gynnwys cynllunio, dyrannu a monitro gwaith y tîm, rhoi adborth, briffio timau, cefnogi aelodau o'r tîm, rheoli gwrthdaro, datrys problemau, caffael, rheoli prosiectau, cytuno ar gyllidebau a gwella gwasanaethau i gwsmeriaid.