Teithio, Thwristiaeth a Busnes Lefel 2

Manylion Allweddol

Ar gael yn:
Bangor (Campws Newydd)
Dull astudio:
Llawn Amser
Hyd:
1 flwyddyn

Teithio, Thwristiaeth a Busnes Lefel 2

Llawn Amser (Addysg Bellach)

Bangor

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Hoffech chi yrfa ym maes Teithio a Thwristiaeth neu waith gyda busnes lleol? Ydych chi eisiau dilyn cwrs Addysg Bellach galwedigaethol?

Mae'r cwrs hwn yn rhoi i chi'r sgiliau amrywiol sydd eu hangen ar gyfer byd gwaith yn ogystal â sgiliau mwy arbenigol sydd wedi'u hanelu at y diwydiant twristiaeth.

Mae’r cwrs yn addas ar gyfer myfyrwyr sydd wedi cwblhau cwrs Lefel 1 perthnasol, neu sydd newydd sefyll eu harholiadau TGAU. Byddwch yn ennill cymwysterau lluosog a fydd yn fan cychwyn i'ch gyrfa. Cewch hefyd elwa ar deithiau addysgol i lefydd ym Mhrydain.

Gofynion mynediad

I gael lle ar y cwrs hwn, byddwch angen o leiaf un o'r isod:

3 TGAU gradd D neu uwch, yn cynnwys Mathemateg a Saesneg neu Gymraeg (iaith 1af), ac 1 TGAU gradd E neu gymhwyster Mynediad 3 / Lefel 1 Sgiliau Hanfodol Cymru mewn Rhifedd a Chyfathrebu
Gradd Llwyddo mewn cymhwyster Lefel 1 perthnasol
Profiad perthnasol mewn diwydiant

Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.

Cyflwyniad

Cyflwynir y rhaglen drwy gyfuniad o’r dulliau a ganlyn:

Darlithoedd
Sesiynau trafod a dosbarthiadau tiwtorial
Gwaith grŵp
Ymweliadau allanol
Siaradwyr gwadd
Astudiaethau achos
Profiad gwaith yn y coleg
Amgylchedd Dysgu Rhithwir
Profiad gwaith yn Ewrop

Bydd eich rhaglen yn cynnwys cyfuniad o:

Cymwysterau Sgiliau Hanfodol a/neu
Ailsefyll TGAU

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.

Asesiad

Gwaith portffolio
Gwaith cwrs ac aseiniadau
Prosiectau
Gwaith grŵp
Cyflwyniadau

Dilyniant

Bydd cwblhau'r cwrs hwn yn rhoi dewisiadau amrywiol i chi o ran addysg a chyflogaeth. Byddwch wedi meithrin sgiliau uwch a dysgu am safonau'r diwydiant, gan ei gwneud yn bosibl i chi weithio tuag at yrfaoedd amrywiol, naill ai'n syth neu ar ôl cael hyfforddiant pellach. Mae hyn yn cynnwys gweithio i sefydliadau twristiaeth lleol a rhanbarthol, i fusnesau lleol, i'r farchnad atyniadau cenedlaethol neu i'r diwydiant cynadleddau a digwyddiadau. Yn ogystal, gallech weithio dramor gyda chwmnïau awyrennau neu reolwyr teithiau a chyrchfannau.

O ran addysg, gallech fynd ymlaen i astudio tuag at gymhwyster lefel 3. Mae Grŵp Llandrillo Menai yn cynnig nifer o raglenni addas, gan gynnwys Teithio a Thwristiaeth Lefel 3 a Busnes Lefel 3.