Gweinyddwr AD o fewn Gwasanaethau Pobl

Darparu cymorth ysgrifenyddol a gweinyddol i'r Tîm Adnoddau Dynol (AD) a Phenaethiaid Gwasanaeth Gweithlu a Datblygu Sefydliadol (WOD) gan sicrhau disgresiwn a chyfrinachedd bob amser.

Bydd yn ofynnol i ddeilydd y swydd weithredu'n effeithlon ac yn effeithiol, gan ddarparu cymorth gweinyddol ragweithiol i'r Tîm AD a chydlynu trefniadau ysgrifenyddol o ddydd i ddydd ar gyfer y Penaethiaid Gwasanaeth yn ddidrafferth.

Bydd deilydd y swydd yn bwynt cyswllt cyntaf ar gyfer y Tîm Adnoddau Dynol a byddwch yn sgrinio galwadau gan staff y Bwrdd Iechyd, y cyhoedd ac adrannau allanol neu asiantaethau eraill, gan ymateb mewn modd doeth a chwrtais, gan flaenoriaethu materion, gwneud penderfyniadau yn ymwneud â datgelu gwybodaeth briodol a chadw at derfynau amser penodol.

Bydd deilydd y swydd yn gweithio'n agos gyda Rheolwyr AD a Swyddogion AD i sicrhau bod galwadau sy'n dod i mewn yn cael eu brysbennu'n gywir a'u cyfeirio'n briodol er mwyn rhoi ymateb o ansawdd uchel.

Bydd cyswllt a chyfathrebu â staff ysgrifenyddol a gweinyddol y Gweithlu a Datblygu Sefydliadol (WOD) a staff ysgrifenyddol y Bwrdd Iechyd yn elfen allweddol o'r rôl hon. Bydd deilydd y swydd yn darparu cefnogaeth i'r Rheolwyr AD a'r Swyddogion AD i sicrhau bod systemau/prosesau cadarn yn cael eu datblygu a'u cynnal i sicrhau bod achosion cyflogaeth yn cael eu cynnal a'u rheoli'n effeithiol e.e. prosesau disgyblu, Cwyno, Bwlio ac Aflonyddu, Chwythu'r Chwiban a Gallu, gan ddefnyddio systemau electronig a phapur i sicrhau bod y wybodaeth a gedwir yn gywir, yn amserol, yn drefnus, yn hygyrch ac wedi'i storio'n gyfrinachol yn yr adran.