Interniaethau Dyfodol Morol Gogledd Cymru x2

Cyflog: £12.60 yr awr (Cyflog Byw Gwirioneddol) gyda 6% o Gyfraniad Pensiwn y Cyflogwr

Oriau Gwaith: Llawn Amser (35 awr yr wythnos) yn y cyfnod 23 ⁠Mehefin - 23 Rhagfyr 2025

Lleoliad: Bydd y ddwy Interniaeth wedi’u lleoli yn bennaf ym Mhencadlys YNGC ym Mangor gyda chymysgedd o

waith maes ar draws gogledd Cymru a rhywfaint o deithio i Lundain a Chaerdydd.

Mae’r rhaglen Interniaeth Dyfodol Morol yn cynnig cyfle unigryw i ymgeiswyr sydd â diddordeb mewn gyrfa yn yr amgylchedd morol ddysgu sgiliau, gwybodaeth a phrofiad ar draws amrywiaeth o sectorau morol, gan helpu fel sail i lunio cyfleoedd gyrfaol yn y dyfodol.

Cyllidir y Rhaglen gan Ystad y Goron ac mae’n cael ei rheoli gan Ymddiriedolaeth Natur Gogledd Cymru a'i gweithredu mewn partneriaeth â Ystad y Goron, M-SParc, Menter Môn a Chyfoeth Naturiol Cymru (CNC). Mae pob sefydliad partner yn darparu cyfleoedd i’r intern ddatblygu sgiliau yn y gwaith mewn meysydd arbenigol, gan gynnwys cyngor cadwraeth forol, pysgodfeydd cynaliadwy, datblygu ynni adnewyddadwy, polisi morol, ac ymgysylltu â chymunedau. Drwy’r rhaglen bydd yr intern yn cael cynnig profiad a golwg gytbwys ar yrfa yn yr amgylchedd morol a sut gall gwahanol sectorau gydweithio. Bydd yr intern yn cael cyfle i ymgymryd â phrosiect ymchwil annibynnol yn canolbwyntio ar bwnc sy'n berthnasol i bob partner. Bydd gweithgareddau ychwanegol yn cynnwys ymgysylltu â rhanddeiliaid, creu deunyddiau allgymorth addysgol rhithwir a gwaith maes ecolegol.

Mae’n hanfodol bod gan yr ymgeiswyr llwyddiannus ddealltwriaeth o ddiwylliant Cymru a’r iaith Gymraeg, gyda’r gallu i weithio o fewn tîm dwyieithog ac yn ymrwymo i ddysgu’r iaith os nad ydynt yn medru'r Gymraeg.

Dyddiad cau: 11 ⁠Ebrill 2025 am hanner dydd

Cyfweliadau i'w cynnal: 28 ⁠Ebrill 2025