Cyfieithydd

Rydym yn chwilio am unigolyn brwdfrydig a chryf ei gymhelliad i ymuno â’n tîm yng Nghaerdydd neu Borthmadog.

Dyma gyfle i ddefnyddio’ch sgiliau a’ch profiad i gynhyrchu cyfieithiadau o’r radd flaenaf i CThEF.

• Bydd gennych sgiliau iaith rhagorol (Cymraeg a Saesneg), a naill ai gradd yn y
  Gymraeg, cymhwyster Cymraeg cyfatebol neu brofiad o gyfieithu i’r Gymraeg.
• Dylech hefyd feddu ar brofiad o brosesau, meddalwedd ac adnoddau cyfieithu
  Cymraeg, a gallu cynhyrchu a phrawf-ddarllen cyfieithiadau i safon uchel.
• Cewch gyfle i ddefnyddio pecynnau meddalwedd modern i gyfieithu dogfennau ac i
  fod yn rhan o brosiectau cyfieithu allweddol.
• Bydd cyfle hefyd i drafod terminoleg ac arddull ysgrifennu newydd a phenderfynu arnyn nhw.
• Cyflog - £29,475 - £31,536

Hoffech chi glywed gan y tîm? Hoffech chi ddysgu sut i gyflwyno ffurflen gais addas?

Rydym yn cynnal gweminar rithwir ar ddydd Mercher 8 Ionawr, o 11 o’r gloch y bore tan 12 hanner dydd.

Dewch i gael clywed gan y tîm am y swydd, a gan y tîm recriwtio am sut i wneud cais.

Ni fydd y cyfarfod yn cael ei recordio, a bydd angen i chi gofrestru er mwyn cael gwahoddiad. Gallwch gofrestru drwy anfon e-bost i fewnflwch y tîm: trainingwelshlanguage@hmrc.gov.uk

Plîs rhowch “Gweminar Swydd Cyfieithydd” yn y llinell pwnc. Mae gennych tan 7 Ionawr i wneud hyn. Byddwch yn cael e-bost mewn da bryd a fydd yn cynnwys gwahoddiad Teams i’r weminar.