Ymddygiad cadarnhaol a phresenoldeb dysgwyr

Rydym wedi ymroi i drin pob unigolyn gyda'r parch mwyaf. Rydym yn cydnabod ac yn gwerthfawrogi'r cryfderau, y profiadau a'r safbwyntiau unigryw y mae pawb yn eu cynnig. Mae parch yn sylfaenol i'n cymuned, ac rydym yn gwneud ein gorau glas i sicrhau bod pob unigolyn yn cael ei glywed a'i werthfawrogi bob amser.

Mae cydraddoldeb yn rhan greiddiol o'n hymrwymiad i chi. Credwn fod pawb yn haeddu cael eu trin yn deg, heb unrhyw wahaniaethu na rhagfarn. Rydym wedi ymrwymo i greu amgylchedd cynhwysol lle mae'r cyfleoedd i ddatblygu a llwyddo ar gael i bawb, waeth beth fo'u cefndir neu'u hamgylchiadau.

Mae gonestrwydd yn hanfodol i adeiladu perthynas gref o ymddiriedaeth rhwng pobl. Rydym wedi ymrwymo i gyfathrebu mewn ffordd eglur a thryloyw er mwyn sicrhau eich bod bob amser yn gwybod beth yw ein disgwyliadau, ein polisïau a'n gweithdrefnau. Byddwn yn darparu adborth cywir ac adeiladol i gefnogi eich datblygiad personol a phroffesiynol.

Deallwn fod ymddiriedaeth yn cael ei ennill trwy weithredu mewn ffordd gyson a dibynadwy. Rydym wedi ymrwymo i greu amgylchedd lle y gallwch ddibynnu arnom i weithredu'n gywir a theg. Byddwn yn gweithio'n ddiwyd i adeiladu a chadw eich ymddiriedaeth trwy gefnogi eich holl ymdrechion.

Rydym wedi ymrwymo i greu amgylchedd sy'n annog ac yn meithrin uchelgais. Credwn mewn cefnogi eich dyheadau a'ch helpu i gyrraedd eich nod. Trwy gydnabod eich ymdrechion a thrwy gynnig cyfleoedd datblygu a chefnogaeth barhaus, ein bwriad yw rhoi'r gallu i chi gyflawni eich potensial yn llawn.

Mae tegwch yn rhan annatod o'r ffordd rydym yn gweithredu ac yn gwneud penderfyniadau. Rydym wedi ymroi i weithredu ein polisïau a'n gweithdrefnau mewn ffordd gyson a theg. Byddwn yn ystyried amgylchiadau unigol tra hefyd yn gweithredu'n deg, gan sicrhau bod pawb yn cael eu trin yn gyfiawn a chyda pharch.

Rydym yn ymdrechu i ddarparu amgylchedd diogel a chefnogol lle mae ymddygiad cadarnhaol yn cael ei annog a'i gydnabod. Ein nod yw sicrhau ein bod bob amser yn dangos caredigrwydd, cydymdeimlad a dealltwriaeth wrth ymwneud â chi.

O ran ymddygiad ac uniondeb, rydym yn gweithredu'n unol â'r safonau uchaf. Byddwn yn cymryd cyfrifoldeb am ein gweithredoedd a’n penderfyniadau ein hunain, ac rydym yn disgwyl yr un ymrwymiad gennych chi. Trwy ddilyn yr egwyddorion hyn, ein nod yw creu amgylchedd cadarnhaol a chynhwysol sy'n rhoi’r grym i chi ffynnu. Ein hymrwymiad i Barch, Cydraddoldeb, Gonestrwydd, Ymddiriedaeth, Uchelgais, a Thegwch yw sylfaen ein perthynas â chi, ac rydym yma i'ch cefnogi ar bob cam o'ch taith.

• Trin pawb gyda pharch, caredigrwydd a thegwch.
• Croesawu amrywiaeth trwy barchu barn, cefndiroedd a diwylliannau eraill.
• Defnyddio iaith a gweithredu mewn ffordd sy'n meithrin amgylchedd cadarnhaol a chroesawgar i bawb.

• Mynychu dosbarthiadau, gweithdai a gweithgareddau ar amser a bod yn barod i gymryd rhan lawn ynddynt.
• Bod yn gyfrifoldeb am eich dysgu eich hun trwy gwblhau aseiniadau a chymryd rhan mewn ffordd weithredol.
• Gwisgo'n addas ar gyfer eich cwrs ac ymddwyn yn broffesiynol, yn enwedig mewn lleoliadau gwaith a sesiynau ymarferol.

• Gweithio ar y cyd â'ch cyd-fyfyrwyr ac aelodau staff.
• Bod yn barod i roi a derbyn adborth cadarnhaol.
• Cefnogi eich cyd-fyfyrwyr trwy rannu gwybodaeth, helpu eraill os ydych yn gallu, a dathlu llwyddiannau ar y cyd.

• Cyfathrebu mewn ffordd barchus â chyd-fyfyrwyr, darlithwyr a staff, wyneb yn wyneb ac ar-lein.
• Codi pryderon neu faterion mewn ffordd adeiladol, a gofyn am gymorth os oes angen.
• Gwrando mewn ffordd weithredol, gan sicrhau bod lleisiau pawb yn cael eu clywed a'u parchu mewn trafodaeth.

• Rhoi blaenoriaeth i'ch iechyd corfforol a meddyliol. Mae'r coleg yn cynnig adnoddau a chefnogaeth, felly cofiwch ofyn am help.
• Byw bywyd cytbwys, gan reoli eich amser yn effeithiol i gyflawni eich ymrwymiadau academaidd a phersonol.
• Parchu lles pobl eraill trwy greu amgylchedd cadarnhaol ac ystyried effaith eich gweithredoedd.

• Cynnal uniondeb academaidd trwy gyflwyno eich gwaith eich hun yn unig ac osgoi llên-ladrad.
• Bod yn onest yn eich holl ymwneud â'r coleg.
• Cydnabod eich camgymeriadau a dysgu oddi wrthynt – mae pawb yn eu gwneud nhw ac mae'n rhan o'r broses ddysgu.

• Rhoi gwybod i aelodau priodol o staff am ddigwyddiadau'n ymwneud â Diogelu
  
• Tîm Diogelu (PDF)
• Diogelu dysgwyr, pobl ifanc ac oedolion agored i niwed
• Parchu amgylchedd y coleg trwy ei gadw'n lân a rhoi gwybod am unrhyw beryglon neu ddifrod.
• Dilyn yr holl ganllawiau iechyd a diogelwch, yn y dosbarth ac mewn lleoliadau ymarferol.
• Gofalu am eiddo ac adnoddau'r coleg, gan sicrhau eu bod yn cael eu defnyddio'n briodol ac yn gynaliadwy.

• Cymryd rhan ym mywyd y coleg trwy gyfrwng gweithgareddau allgyrsiol, sesiynau grŵp a digwyddiadau.
• Cyfrannu'n gadarnhaol i'r gymuned ehangach trwy wirfoddoli/gweithio fel llysgennad neu gymryd rhan mewn cynlluniau lleol.
• Bod yn llysgennad i'r coleg trwy gadw'r gwerthoedd hyn ar y campws ac oddi arno.