Campws Newydd Bangor, Parc Menai - Cwestiynau Cyffredin
Rydym yn falch iawn fod y campws newydd ym Mangor yn agor yn ddiweddarach y mis hwn.
Mae'n siŵr bod gennych chi ambell gwestiwn, felly gobeithio bydd y ddogfen hon yn eich helpu i gael y wybodaeth a all fod ei hangen arnoch.
Ble mae campws newydd Bangor?
Mae'r campws newydd wedi'i leoli'n gyfleus ym mharc busnes Parc Menai.
Coleg Menai, Ffordd Penlan, Parc Menai, Bangor, LL57 4HJ
01248 370125
Pryd fydd y campws newydd yn agor i ddysgwyr newydd?
Bydd y cyfnod cynefino i ddysgwyr newydd yn cael ei gynnal ar 29 a 30 Awst.
Bydd y dysgwyr yn cael manylion am y cyfnod cynefino wedi'r digwyddiad 'Sicrhau dy Le' y gwahoddir ymgeiswyr iddo. Dylai pawb sydd wedi gwneud cais fod wedi derbyn gwahoddiad i'r digwyddiad hwn.
Pryd fydd y campws newydd yn agor i ddysgwyr sy'n dychwelyd? (yr ail a'r drydedd flwyddyn)
Bydd y dysgwyr sy'n symud ymlaen o flwyddyn 1 i flwyddyn 2 cwrs Lefel 3 yn dechrau yn y coleg ddydd Llun 4 Medi. Fodd bynnag, gwahoddir yr holl ddysgwyr i ddod i'r coleg ddydd Iau 22 Awst a dydd Gwener 23 Awst i weld y coleg ac i ymgyfarwyddo â'r campws newydd a'r cyfleusterau rhagorol sydd ar gael yno.
Pa bynciau fydd ar gael ar y campws newydd?
Bydd y campws yn gartref i ystod o feysydd galwedigaethol:
Gwallt a Harddwch, Lletygarwch ac Arlwyo, Busnes, Teithio a Thwristiaeth, y Celfyddydau Perfformio, Cerddoriaeth, Cyfryngau (Teledu, Cyfrifiadura a Datblygu Gemau), Mynediad i Addysg Uwch, Dysgu Oedolion yn y Gymuned ac ESOL.
Pa gyrsiau sy'n symud o Langefni i gampws newydd Bangor?
Cyfryngau (Teledu a Datblygu Gemau)
Oes gennych chi wybodaeth am gludiant i gampws newydd Bangor?
Mae'r holl wybodaeth am gludiant i'w chael ar wefan y coleg.
Pwy all ddod i'r digwyddiad Sicrhau dy Le ar 22 a 23 Awst?
Mae'r digwyddiad sicrhau dy Le wedi'i fwriadu ar gyfer yr holl fyfyrwyr newydd ac mae'n gyfle iddynt ddod i'r coleg i gadarnhau eu bod wedi bodloni'r gofynion mynediad ar gyfer y cwrs y maent wedi'i ddewis. Os nad ydynt wedi bodloni'r gofynion mynediad, does dim angen iddyn nhw boeni. Dylent ddod i'r coleg ar y dyddiau dan sylw a byddwn yn dod o hyd i gwrs sy'n addas i'w cymwysterau. Dylai dysgwyr Blwyddyn 2 cwrs Lefel 3 sy'n astudio ar gampws Bangor ym mlwyddyn academaidd 24/24 hefyd ddod i'r digwyddiad Sicrhau dy Le. Bydd hyn yn gyfle iddyn nhw ymgyfarwyddo â'u campws newydd.
Ydi hi'n rhy hwyr i wneud cais i astudio ar y campws newydd?
Nac ydi wir – mae yna'n dal rhai llefydd ar ôl ar ein cyrsiau. Ewch i gllm.ac.uk/cy/courses i weld ein dewis helaeth o bynciau, ac i wneud cais am le.
